كل اللي داخل صيدلة وخصوصا القاهرة هام جدا
 

سلام عليكم
مبروك لطلبة الثانويه العامة اللي جابوا مجموع كبير وعايزين يدخلوا صيدلة القاهرة او اى كلية صيدلة تانيه
انا طالبة في صيدلة القاهرة
وتحت امركم في اى استفسار

انا الحمدلله خلصت ثالثة ثانوي و جبت مجموع 97.6% و عايز أخش كلية صيدلة جامعة القاهرة
بس كنت عايز اسأل علي نظام الصيدلة الكلينيكال بيتطبق في جامعة القاهرة و لا لأ ... و هل هو مجاني زي اللي موجود في صيدلة عين شمس و لا لأ .. و لو بفلوس حيبقي بكام ...؟
شكرا ً مقدما ً

سلام عليكم
اولا الف مبروك علي النتيجةوباذن الله خير
بالنسبة للصيدلة الكلينيكال هى موجودة في جامعه القاهرة بس بفلوس اعتقد في السنة ما يبدا من 13,000 واى استفسار تانى تحت امرك

سلام عليكم
اولا الف مبروك علي النتيجة وان شاء الله ربنا يوفقك للخير
بالنسبة للثانويه العامة فانت داخل علي مرحلة مختلفه تماما فمتقارنش بين المواد في ثانوى والمواد في كلية
وبالنسبة لصيدلة فالمواد في سنة اولي هم 6 مواد
كميا عضويه \كميا تحليليه \كميا فيزيائيه \نباتات طبيه \تاريخ ومدخل صيدلة \رياضه وتطبيقات صيدلية ده بالنسبة للترم الاول
الكلية معظم شغلها كميا وتفرعاتها بس ممتعه فعلا والشغل العملي كمان جميل ماشاء الله
اما عن اسنان فانا مش اقدر اقولك ايه هى موادهم للاسف
بس لو عندك استفسار عن اى حاجة في صيدلة قولي ولو انا مش اعرف هسال واجيب لك رد

طيب عايز اعرف هل صيدلة كلينيكال تطبق فى عين شمس ؟؟ وهل مجانى ام بمصاريف؟؟

نظام الكلينيكال موجود مجانى في حلوان
اما عين شمس فمعلش ادينى وقت اسال وارد علي حضرتك

طيب ميرسى لحضرتك وعايز اعرف فرص عمل صيدله كلينيكال بعد التخرج علشان انا جايب 98 ونفسى ادخل اسنان بس واضح ان مش هلحق للأسف مع ان والله تعبت بجد ع العموم ياريت حضرتك تستفسرى وتعرفينى

أولا ً شكراً جزيلا ً للرد ... بس كنت عايز أعرف يا دكتورة هل ممكن أدرس صيدلة عادي زي زي طلاب الصيدلة العاديين و بعدين اخد فارما دي اللي هي دبلومة سنتين في الصيدلة الكلينيكال و لا ما ينفعش ... و لو ينفع وقتها حكون زي اللي درس كلينيكال من أول ما دخل كلية الصيدلة و لا هو أحسن علما ً مني ... كمان سؤال أخير و أنا أسف إني طولت علي حضرتك كنت عايز أعرف إيه الفرق بين راتب الصيدلي العادي و راتب الصيدلي الكلينيكال و هل في أمل النظام دة يتطبق في مصر أم لا ... شكرا ً جزيلا ً من القلب و رمضان كريم

يادكتوره انا جيبه 97.3 انا ممكن الحق ايه فى ظل المجاميع دى انا عرفه انه مجموع بسيط

كلينيكال مجال شغلها في مصر هو مستشفي 57357 وده افضل مكان للشغل او حتى التدريب فيه وباذن الله تلحق الكلية اللي تحبها ولو ربنا قدر بصيدلة تنورنا
واى استفسار تحت امرك

بالنسبة للكورسات ممكن جدا ومستواك بيكون زى خريج الكلينيكال وفي اقل من سنتين كمان وممكن كمان تبقي افضل من خريج كلينيكال لان في الكليات نظام الكلينيكال في وجهة نظري غير مفعل بشكل جيد
الفرق بين الرواتب انا صراحة مش عارفه بس بردو اسال ناس اكبر منى واقول لحضرتك
بالنسبة لتطبيق الكلينيكال فهو مطبق فعليا في مستشفي 57357 وده افضل مكان للتدريب كمان وباذن الله هيتم تعميمه في السنين الجايه
وانا تحت امركم في اى استفسار
:)

مجموعك تقريبا نفس مجموعى فمتقلقيش باذن الله تلحقي حتى لو جت اقاليم متقلقيش لانك بسهولة جدا بتحولي لحلوان او القاهرة حسب المكان المتوفر اكتر وباذن الله خير :)

السلام عليكم ورحمة الله وبركاته
أنا طالبة ثانوية وخلصت 2 ثانوي الحمد لله والمشكلة إني دلوقتي لازم أحدد هكمل علمي علوم ولا علمي رياضة...وأنا بصراحة محتارة جداً بين هندسة و صيدلة، و سؤالي هو: هل هناك تعيين من قبل الحكومة لخريجين كلية صيدلة؟
شكراً يا دكتورة وجزاكم الله كل خير.

أنا عايزه أعرف ايه هى الأدوات المطلوبه لأولى صيدله
و شكراااااا