|
طلب من كل طالب فى (طب اسنان)
بسم الله الرحمن الرحيم احبائى طلبة طب اسنان - ازيكوا يا دكاترة - و كل سنة و انتم طيبين انا طالب ثانوى عام الحمدلله نجحت و خلصت 3 ثانوى و الحمدلله علمى علوم و بأذن الله مجموعى الحمدلله كويس عامة انا مستبعد طب بشرى تماما - مش ميولى - و كمان ممكن التنسيق ميجيش لوحده و اختيارى باذن الله تعالى بين ( طب اسنان و صيدلة ) و سألت كتير و الناس كانت مختلفة فى الاراء المهم عشان ما اطولش و اوجع دماغكم انا قررت ان يكون الفيصل فى القصة ديه المحتوى الدراسى لكل كلية قياريت اتمنى من الطلاب انا يضعوا المحتوى الدراسى لكلية طب اسنان وياريت تفصيلياً الى حد ما و لو انا بحب وحدة الوظيفة و البناء فى الكائن الحى فى مادة الاحياء 3 ثانوى و مكنتش بحب الوراثة اوى او dna ايهما افضل ( طب اسنان ام صيدلة ) ؟ و شكرا .... |
ايه مفيش ولا رد ؟
|
انا زيك برضو لسه مخلص تالتة بس هكتب اسنان رغبة اولي ثم صيدلة
|
يا ريت حد من الدكاتره يرد لأن أنا كمان بتواجهني نفس المشكلة ... أنا جايبه 98 % و على كلام الجرايد و ترتيبي على مستوى علمي علوم حاسه اني مش هطول حتى صيدلة
|
واضح ان السؤال صعب اوى ! |
والله اللى عرفته ان اعدادى اسنان بتبقى ف كليه علوم وبيتاخد فيها نبات وحيوان وفيزيا ومواد تانيه
واعرف ان صيدله بردو بيبقى فيها نبات وحيوان وفيزيا ومواد تانيه تقريبا مش عارفه غير كداااااااااااا مش عارفه حاجه ومش عارفه نسأل مين ؟ شكلى هروح لدكتور اسنان استفسر منه بس كتير قالولى اسنان احسن من صيدله بس والله هو دا اللى اعرفه :( |
اقتباس:
اولا : شكراً على ردك ثانياً : للاسف احنا عارفين اول سنة سواء لاسنان او صيدلة مواد من العلوم ( كيميا و فيزيا و نبات و حيوان .... ) لكن بعد كده ..... الله اعلم ؟ و لكن المؤشرات كله و البحث على النت بيقول ان صيدلة كلها كيميا بجميع اشكالها و انواعها ( كيميا نحليلة و حيوية و فيزيائية و طبعا ً عضوية :) ... ) و اسنان على حسب المعلومات اللى وردت لى زى ما قولنا مواد اول سنة .. ثانية بندرس Skull ( الجمجمة ) لان شغلك كله بيبقى فى الفكين و الاسنان ثالثة تتخصص سواء جذور او حشو او جسور او طبعاً لو تقديرك كويس التقويم و ده طبعاً ممتاز و اعتقد باقى السنتين بتتعمق فى مجالك و 6 امتياز تدريب لكن المعلومات ديه بدون مصدر موثوق فيه يعنى مش 100% اكيد بس منتظرين حد يأكد المعلومة او ينفيه و يعدل فيها و ياريت يرد على السؤال ده ( و لو انا بحب وحدة الوظيفة و البناء فى الكائن الحى فى مادة الاحياء 3 ثانوى و مكنتش بحب الوراثة اوى او dna ايهما افضل ( طب اسنان ام صيدلة ) ؟ ) |
اقتباس:
انا اختى ف صيدله واعرف ان عندها dna بس اسنان مش عارفه |
انا برده جايبه 98 ومش عارفه اكتب ايه بس انا حابه انى اكون دكتورة اسنان عن انى اكون من الصيادله عشان ميولى مش كيميا اوى بس وعايزة اكتب رغبه اولى طب بشرى بس حاسه انها صعب
اللى اعرفه عن اسنان مش اكتر منكوا كتير بس الكل اجمع ان اسنان سهله بكتير عن صيدله وفرص شغلها اكتر |
اقتباس:
والله ياايمى وسط التوقعات دى والكلام اللى بيتقال كتير دا مبقيناش عارفين نعمل ايه بس انا هكتب ان شاء الله رغباتى هتبقى اسنان طب صيدله وزى متيييجى!!:mad::rolleyes: |
سنه اولي
علم الانسجه المواد الحيويه لطب الاسنان علم وظائف الاعضاء الاستعاضه الصناعيه تشريح جسم الانسان التشريح الوصفي للاسنان كمياء حيويه سنه تانيه العلاج التحفظي لطب الاسنان (حشو و علاج عصب) بيولوجيا الفم علم الادويه علم الامراض العامه علم الكائنات الدقيقه الاستعاضه الصناعيه التيجان و الجسور سنه تالته جراحه الوجه و الفكين استعاضه صناعيه علاج تحفظي طب و اشعه الفم و علاج اللثه صحه عامه للفم تقويم اسنان علم الامراض في الفم طب اسنان الاطفال سنه رابعه و الاخيره استعاضه صناعيه علاج تحفظي طب اسنان الاطفال طب و اشعه الفم و اللثه و تشخيص امراض الفم ااسنان صحه عامه جراجه الوجه و الفكين |
اقتباس:
متشكر جداً على ردك يا دكتورة |
اسنان طبعا مفيش كلام
|
عموما المواد دى اخر حاجة تفكر فيها بس لو مش بتحب الكيمياء يبقى بلاش صيدلة لان فيها كل المواد معظمهما كيميا اما اسنان موادها مش على وتيرة واحده يعنى فى مواد مختلفة كليا عن مواد تانية يعنى مش كل المواد شبه بعضها اوى ...... عموما خلى المواد دى اخر حاجة تفكر فيها
|
| جميع الأوقات بتوقيت GMT +2. الساعة الآن 04:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.