|
طلب من كل طالب فى (صيدلة)
بسم الله الرحمن الرحيم احبائى طلبة صيدلة - ازيكوا يا دكاترة - و كل سنة و انتم طيبين انا طالب ثانوى عام الحمدلله نجحت و خلصت 3 ثانوى و الحمدلله علمى علوم و بأذن الله مجموعى الحمدلله كويس عامة انا مستبعد طب بشرى تماما - مش ميولى - و كمان ممكن التنسيق ميجيش لوحده و اختيارى باذن الله تعالى بين ( صيدلة و طب اسنان ) و سألت كتير و الناس كانت مختلفة فى الاراء المهم عشان ما اطولش و اوجع دماغكم انا قررت ان يكون الفيصل فى القصة ديه المحتوى الدراسى لكل كلية قياريت اتمنى من الطلاب انا يضعوا المحتوى الدراسى لكلية صيدلة وياريت تفصيلياً الى حد ما و لو انا بحب وحدة الوظيفة و البناء فى الكائن الحى فى مادة الاحياء 3 ثانوى و مكنتش بحب الوراثة اوى او dna ايهما افضل ( صيدلة أم طب اسنان ) ؟ و شكرا .... |
ايه يا جماعة السؤال صعب اوى للدرجة ديه ؟؟
|
انا زيك لسه مخلص ثالثة ثانوي و كنت محتار بين طب أسنان و لا صيدلة ... بس لما جيت أفكر في المفاضلة بين الكليتين ماعتمدش علي المواد اللي حدرسها بس ... شوف طب أسنان دراستها عملية أكثر منها نظرية و العكس مع صيدلة معظم الدراسة نظري ... بس لما تيجي تختار بينهم لازم تشوف مجال عمل كل واحدة فيهم و تشوف أنت ميال لإيه بالظبط ... كمان دة بيعتمد علي حبك للكيمياء و لا الأحياء ... أيهما أكثر و في الآخر بتشوف المواد الدراسية و تجمع المميزات و العيوب لكل كلية و تقارن بينهم و باذن الله ربنا يرشدك للكلية اللي يكون فيها الخير ليك ...
|
احسن حاجة لانك ولد لازم تاخد اسنان لانها تعوز اعصاب وربنا يوفقك يارب انا مخلصة 3 ثانوي وعاوزة اسال انه هو انا جايبة 97.3 يدخل صيدلة ولا لأ
|
بالنسبة للمواد في اولى عندك كيمياء عضوية و كيمياء تحليلية و عقاقير و صيدلة فيزيائية و في كيمياء فيزيائية بس دي هتدرسها في الترم الاول بس و مش هتاخدها بعد كده ......الكيمياء العضوية بتدرس فيها المركبات العضوية اللي خدتها في 2 ثانوي بس اكيد بتوسع ....التحليلية بتدرس فيها ازاي بتفصل المواد عن بعضها و ازاي تحدد التركيز بتاع ماده معينة ده باختصار طبعا...... اما العقاقير فدي عبارة عن علم النباتات الطبية ..... الصيدلة الفيزيائية بتاخد فيها مقدمة عن ماده اسمها سيوتكس و بتاخد فيها بعد كده ازاي تعمل الاشكال المختلفة للدواء ....يا رب اكون قدرت افيدك و لو في اي استفسار ياريت تقوله ...معلش اصلي لسه رايحة 2 ان شاء الله و معلوماتي عن المواد في السنوات التانية لسه مش مكتملةd: ....بالتوفيق ان شاء الله يا دكتور :)
|
عندنا فى صيدله المنصوره
اول سنه ( اعدادى ) مواده بوتانى ( نبات ) و ليه قسمين اناتوتى = تشريح & مورفولوجى = الشكل الخارجى علم الحيوان و هتدرس فيه DNA و الطفيليات ( البار) و كيميا تحليله و لغه و فيزيا ده اول ترم تانى ترم هتدرس النيات و الحيوان بردو بس فى اقسام هتضاف و اقسام هتتغير و حقوق انسان و عضويه و فيزيا :d فى كل كليه بيختلف المواد و كمان المنهج لانه بيكون حسب الدكتور |
متشكر جداً على الردود يا دكاترة |
| جميع الأوقات بتوقيت GMT +2. الساعة الآن 09:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.