|
بالنسبة للعربى مرحلة اولى طالب او مدرس بالله عليك ادخل
السلام عليكم ورحمة الله ...
السلام عليكم ورحمة الله وبركاته .. بعد اذن حضراتكوا يا جماعة انا كنت عايزة اسالكوا على حاجة .. انا كنت فى تانية ثانوى والحمد لله ربنا كرمنى وجبت 202 من 205 ناقصة من 3 درجات دول 2.5 لغة عربية بس !!! فكان عندى شوية استفسارات لو تتفضلوا وتجاوبنى عليها - اولا : انا فى نص تربية الابناء كنت كاتبة مرادف القهر : الظلم الذى ينتج عن الضرب ، وكام معنى تانيين مناسبين للسياق معاها بس للاسف مش فاكراهم فهل دة انقص عليه ولو اه انقص اد ايه ؟؟ وكمان فى مضاد القهر كنت كاتبة الرحمة واللين والعطف والشفقة .. هل دة غلط ؟؟؟ - ثانيا :فى سؤال " سبق بن خلدون علماء عصره وضح ذلك وبين رايك " انا وضحت وكتبت حوالى 4 او 5 اسطر كتبت فيهم كل حاجة عن بن خلدون كانت متعلقة بالجزء دة .. بس مبينتش رائي للاسف بوضوح " بمعنى انى مكتيتش وانا ارى ..... " فهل دة انقص عليه ولو اه اد ايه ؟؟؟ - ثالثا : هل اللى اعرب المتعجب منه ذى : فاعل مرفوع محلا مجرور لفظا لوجود حرف الجر الزائد .. من غير ما اكتب علامة الاعراب الموجودة فى النموذج نقص ؟؟؟ ولو اه اد ايه ؟؟ رابعا : انا فى الكشف فى المعجم كتبت نكشف عن تراث فى مادة ترث وتحتها بسطرين كتبت تانى نكشف عن تراث فى مادة ورث وكنت ناوية اشطب على الاولى بس للاسف الوقت مخدمنيش ونسيت اشطب عليها .. هل فى التصحيح كانوا بياخدو الصح ويسيبوا الغلط ولا بيشيلوا درجة السؤال ؟؟؟ دى بس الحاجات اللى انا اجاباتى فيها مختلفة عن النموذج اخر سؤال ليكو - واسفة على الاطالة - هل لازم اعمل تظلم واشوف بيه ورقتى زى ما مدرسى و والدى قالولى ولا خلاص قدر الله وما شاء فعل وكدة كدة مش هاخد درجات ؟؟ ارجوكو لو حد كان عامل حاجة مشابهة للاجابات دى وجاب درجة كويسة يقولى ضرورى وشكرا جزيلا ليكو .. ارجو الرد سريعا |
في نموذج الاجابة الرسمي مكتوب توزيع الدرجات و اكتر من اجابة للمفردات وعكسها بتتحسب صح .. و هو موجود في المنتدى
|
اقتباس:
شكرا لردك |
لو واثقة اوي من اجاباتك اعملي تظلم
بس لو مش واثقة بلاش خالص و تتعوض ان شاء الله في تالتة |
اقتباس:
وباقى الاجابات كلها الحمد لله مطابقة للنموذج ومتاكدة منها فعشان كدة حبيت ان حد ياكدلى هل عمل دول كدة زى ولا لا ... مع العلم ان انا صاحبتى عاملة اعراب ذى زيي كدة بالظبط وجايبه 29.5 يعنى كدة اكيد مش غلط .. وشكرا مرة تانية لاهتمامك |
اكيد الدرجات ضاعوا في التعبير و خصوصا الرسالة لان الدرجة في التعبير بتبقى بتقدير المصحح و فعلا في ناس مستواهم عادي و جابوا 29.5 ...و مابتبقاش بعدد الصفحات الي كاتباها لانهم بيقروا المقدمه و الافكار و الخاتمة وبيحطوا الدرجة على اساسها ودا حال اغلبية المصححين في العربي للاسف
ومافيش داعي للشكر و الله دا واجبي |
اقتباس:
وفى التعبير العادى كاتبة حوالى 6 صفحات ومشكلة حوالى فقرتين منهم من اصل 9 فقرات كل واحدة حوالى 5 او 6 اسطر ... ومستشهدة بقران وشعر وحديث وحاجات كتيير كدة .. بمعنى ادق حاولت اظبط التعبير على قد ما اقدر الا ما رحم ربى انا بس عايزة اتاكد ان الحاجات دى صح عشان اعمل التظلم بقلب جامد .. ربنا يستر |
خلاص اتوكلي على الله واعملي تظلم وربنا معاكي
|
اقتباس:
|
متعملش تظلم مش هتاخد حقك صدقنى الا لو غلطانين ف التجميع
التصحيح بيبقى اعلى كوسه انا واخد اعلى من حقى درجتين ف الفرنساوى وقالل 5 ف الجبر والمفروض مقفله والعربى ظالمنى فيه جامد |
اقتباس:
انا واخده اقل من حقى ف الكميا و العربى و الباقى واخده حقى كان نفسى تبقا بزياده بس مفروض الورق يتراجع كويس عشان كدا ناس خدت حقها و ناس اترمت للاسفل:mad::mad::mad: |
اقتباس:
ثانيا : بالنسبة للجزء بتاع السؤال اللى طالب فيه رائي .. السؤال دة اصلا عليه درجة وهو مكون من جزئين كل جزء بنص درجة .. انا مجاوبة الجزء الاول اللى هو بتاع التوضيح بس مجاوبتش التانى بتاع الراي .. يعنى لو هنقص هنقص درجة الراي بس اللى هى نص درجة تتقسم تبقى ربع .... قول نقصونى فى التعبير درجة .. مع النص دة بقت درجة ونص .. وانا كان فى مدرس قالى انهم لما يجو يقسمو لازم يكون المجموع يقبل القسمة على 2 .. و فى الحالة دى انا هبقى ناقصة تلت اربع درجة والربع دة بيتجبر بتبقى نص بس ... وحتى لو قلنا مش هيجبروا الربع دة وهيكملوه هبقى ناقصة درجة .. فين بقى الدرجة ونص التانيين ؟؟؟ اللى هم تلاتة فى الورقة او اكتر كمان ؟؟؟ دة اللى مجننى ومجنن المستر بتاعى وبابا كمان .. عشان كدة سالت الناس .. عامة انا قدمت التظلم النهاردة وربنا يستر بقى |
اقتباس:
زائد بقى انى صراحة سمعت راي اقتنعت بيه الى حد ما .. وكان راي مدرس الكيميا بتاعى .. قالى متنسيش ان العربى مادة لسه مستمرة معاكى السنة الجاية .. ولسه هتقعدى قدام ورقة اجابة تانية فيها .. روحى شوفى ورقتك ودة هيديكي خبرة كبيرة وصدقيني هتستفيدي كتيير حتى لو مخدتيش درجات .. على الاقل هتبقى عرفتى الورق بيتصحح ازاى ولو كان عندك قصور فى نقطة او فرع معين خلاهم يتلكوو لك عليه هتتكى عليه السنة الجاية وتاخدى بالك ومتقعيش فى نفس الغلطة .. وصراحة انا قلت كدة كدة انا مش خسرانة حاجة .. واللى يجيبه ربنا انا راضيه بيه .. دة بس عشان ابقى عملت اللى عليا لحد اخر لحظة |
اقتباس:
و الإجابات الى فوق دى هى الى انا كتبتها مش عايز أقولك إن في ناس تحدتنى فى موضوع التراث و قالتلى إنها شافوها فى المعجم بعد الامتحان ترث !! |
اقتباس:
ثانيا : بالنسبة للتراث انا عارفة ان ورث هى اللى صح بس بقولك انا كتبت الاتنين وقولت لما ارجع فى الاخر اراجع هحاول اركز وافصل لواحدة منهم واشطب على التانية لكن للاسف الوقت ما سعفنيش وبالنسبة للمعانى انا سؤالى هل اللى انا كاتباه ده غلط يخليني انقص عليه ؟؟؟ لانى على حد علمى المعانى دى لغويات وكنا بنشوف الكلمة الواحدة فى كذا كتاب ليها اكتر من اجابة ومعنى .. فمش عارفة هل ممكن يكون هو دة اللى نقصنى بالنسبة للراي انا كاتبه اللى انت كاتبه دة وكمان مزودة انو مؤسس علم الاجتماع وانو عبر عن الافكار العملية باسلوب ادبى سلسل ويسير وكلام كتيير تانى .. بس مكتبتش رائي بوضوح زى ما قلت انى ماكتبتش وانا ارى .... فهل دة ينقص فى وسط غمرة الورق دة كلو اما بالنسبة للاعراب طبعا انا مقتنعة جدا ان علامة الاعراب شئ مهم بس اللى انا بتكلم فيه انك لو فتحت كتاب المدرسة او الدليل مش هتلاقى ولا متعجب منو واحد فى الصيغة دى محطوط له علامة اعراب ولا اصليه ولا فرعية ولا اى حاجة "يعنى عمرى ما قريت فاعل مرفوع محلا مجرور لفظا بالكسرة " ودة انا اتاكدت منو بعد ما خرجت من الامتحان .. وكمان عندى اصحابى عاملنها زىى كدة بالظبط وجايبين ما شاء الله 29.5 برضه فدة اللى خلانى اسال .. واساسا السؤال دة عليه درجة وهو مكون من جزئين استخراج اسلوب التعجب واعراب المتعجب منه .. دة عليه نص ودة عليه نص يعنى لو نقصت المنطقى انى انقص ربع درجة ودة جوة الورقة " اللى هو نص درجة اعراب المتعجب منه "!!!!! وتحياتى ليك وشكرا مرة تانية لاهتمامك ومرورك .. وبالتوفيق ان شاء الله فى تالتة |
| جميع الأوقات بتوقيت GMT +2. الساعة الآن 11:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.