تنسيق هندسة المنصورة ؟؟؟
 

إن شاء الله تلحقيها
وربنا يوفقك في مستقبلك
كان عندي استفسار بما إنك كنتي علمي رياضة
إيه أخبار رياضة 2 هي فعلاً صعبه زي مابيقولو ولا هما مجرد مش بيذاكروا بإتقان
أرجوكي حاولي تطمنيني لآن آنا محتاااااااااره جااامد
وتاني الله يوفقك إن شاء الله

لأني ما بحبش اتكهن بالتنسيق , لو ما لحقتيهاش و رحتي لهندسة تانية في الصعيد أو أو . . . تقدري تعملي تحويل ورقي تبع جامعة المنصورة و في الغالب الكلية ما بترفضش اي تحويل , اظن بيبدأ في شهر 8 , لما نتيجة التنسيق تبان انزلي اسألي في جامعة المنصورة

اخشى انك متلحقيهاش لأن هندسة المنصورة اعلى هندسة لأنها صغيرة شوية فمش بتستوعب ناس كتير عشان كدة هية دايما بتبقى اعلى هندسة بس ممكن تلحقى فى حتت تانية

بصى الرياضة 2 لذيذة خاااااااااااااااااالص بس عاوزة مذاكرة باستمرار هية والفزياء عشان هما اطول منهجين بس لو هتذاكرى دروسك اول بأول وتهتمى بموضوع انك متسيبيش حاجة بعدين هتتظبط الدنيا معاكى فيها خااااااااااااااااااااااااااال على العموم انتى هتلاقى حجات كتير عرفاها من قبل كدة بس هتاخديها بتوسع شوية زى مثلا ف الديناميكا احنا درسنا اللى احنا خدناه فى اولى ثانوي ف الفزيا بس بتوسع شوية

يعنى انا لو لحفتها فى مكان تانى ممكن احول بعد كدا زى معملوا السنه اللى فاتت ولا ايه النظام بقى ؟؟

لا لا بصراحه انا شايفة ان رياضه 2 مختلفة تماما عن الرياضه اللى درسناها قبل كدا . كمان هى مش عاوزه مذاكره هى عاوزه فهم كويس اوووووووووى

ان شاء الله اول مالتنسيق ينتهي هيتم فتح التحويل الالكتروني لمدة معينة ممكن من خلالها تقدمي طلب تحويلك خاصة للكليات المناظرة وفق قواعد تقليل الاغتراب ... بعدها بتنتظري النتيجة لو منفعش بتضطري بقى انك تقدمي في اخر محاولة للتحويل وهي التحويل الورقي ودي كانت وسيلة التحويل المتاحة الوحيدة قبل ظهور التحويل الالكتروني ... المهم اعتقد حاليا بيتم دفع مبلغ مالي حوالي 2000 او 1000 حاجة كده وباذن الله يقبل التحويل ان شاء الله خاصة ان نسبتك فوق 96 ويارب تجيلك من اول مرة ان شاء الله

ان شاء الله تلحقيها
بس ل مش لحقتيها هتقدمى طلب تاخديها فى بلدك المنصورة يعنى والكلية بتقبل عدد من الطلبات يارب تكونى منهم ولو مش منهم هتقعدى سنة بره ولو جبتى تقدير تحولى المنصورة عادى بقا وتكملى فى المنصورة وربنا معاكى

وبالنسبة لرياضة 2 هى جميلة جدا ل اللى بيعرف يتخيل وكدا ويشغل دماغه وهى مادة لذيذة جدا ومتدخليش كارهاها عشان بجد لو كرهتيها وسمعتى لكلام الناس مش هتعرفى تعملى فيها حاجة وهتوهى لانها 6 فروع واطمنى هى جميلة جدا والدليل ان فى مهندسين كتييييييييييير وربنا معاكى ودايما خليكى واثقة فى نفسك وفى قدراتك

انا جبت 3 .94 % هخش هندسه ؟..

بعد التنسيق ده معتقدش لان حد ادنى 94.5