|
كل واحد عنده استفسار عن تجارة او محتار فيها او مش حاببها يدخل .. ! 2012
بسم الله الرحمن الرحيم و الصلاة و السلام على محمد اشرف الخلق اجمعين :) رمضان كريييييم كده اولا يا جماااااعه و كل سنه و انتوا طيبين :) فى بداية الموضوع كده احب اباااااركلكم على المجاميع سواء كبيرة او متوسطه :) ده اولا و اخيرا القدر و نصيب من عند ربنا :) انا كنت زيكم كده السنه اللى فاتت و جايب 90 % علمى رياضه و دخلت تجارة عربى حلوان بعد ما حولت من كلية علوم .. اولا كده كلية تجاااارة دى كليييييييية روعه والله يا جماااااعه بجد انا مبسوط فيها جدا مع انى كنت مش بحبها خااالص و قرفان منها اول ما دخلت و مكنش نفسى احضر اى محاضرات و لا نيلة بس واحده واحده حبتها و اكتشفت انها تستحق تاخد من 98 % بجد .. ( ع فكرة كلية التجارة هى الكلية الاولى فى امريكا ) باختصار انا قرصت على نفسى جامد و قولت انى لازم اثبت وجودى خصوصا ان معظم الناس كانت داخله و فكراها لعب و استهتار و هبل .. الحمد لله ربنا كرمنى و طلعت الـ 14 ع دفعتى بفضل ربنا و تعب كتير :) المهم : كلية التجارة اولا اقسامها المعروفة : المحاسبة , ادارة الاعمال , رياضه و تامين و احصاء دى الاقسام المعروفة .. عندكوا اقسام زيادة فى تجارة حلوان اللى انا فيها قسم العلوم السياسية : ده قسم جميل و بيتاخد فين سياسات دولية و محلية و اقتصاديات و بيحضروا تدريبات دايما فى مراكز بحوث استراتيجية زى الاهرام و مجال الإعلام، وزارة الخارجية، إلى جانب المراكز البحثية المتخصصة قسم نظم المعلومات : ده قسم بياخد حسب تنسيق كل واحد فى الكلية يعنى بياخد من سنه تالته اعلى 50 شخص فى المجموع من سنه تانيه كلية .. ده قسم شبه قسم نظم بتاع كلية حاسبات و بيتخرجوا يشتغلوا فى الكمبيوتر و البرمجة و قواعد البيانات و مواقع الويب بس لازم كورسات معاه طبعا .. و قسم الاقتصاد الخارجى و قسم الاقتصاد المحلى و دى اقسام روعه .. نيجى لحته تانيه .. تجارة انجلش .. هى هى تجارة عربى بس باللغه الانجليزيه و طبعا كويسة و حلوة و نضيفه تنسيقها بيتم كده : مجموع الثانوية العامه كله + درجات اللغه الانجليزيه كلها + درجات المستوى الرفيع لو انجلش = المجموع الاعتبارى اللى بيتم على اساسه تنسيق تجارة انجلش و المصاريف حوالى 3000 او 4000 .. جامعه حلوان فيها قسم اسمه BIS Business information system ده زى تجارة انجلش حلوان و احسن بس اغلى شوية ممكن يكون ب 7000 بس جميل و حكومة و مواااده رووووووعه جدا و حديثة اوى شغل عالى و ده الموقع اللى فيه كل شروط القسم و المصاريف http://www.helwan.edu.eg/university/...New/BISAr.html .................................................. .................................................. ......... عاوز اقول حاجة اى واحد كان نفسه فى هندسة او حاسبات و مدخلش ميزعلش بالعكس انت فى تجارة عندك وقت كبير تعمل انشطه تانيه كتير جدااااااااااااااااااااااااااااااااااااااااااااا انا فى تجارة اهو و دخلت فرق كتير فى الجامعه و بنعمل انشطه و بنزل تدريبات فى شركات و كنت بحمل البرمجة و الكمبيوتر دخلت فريق فى الجامعه تبع مايكروسوفت .. microsoft student partner و بنعمل شغل و مسابقات و حاجات كتير جدا .. و ان شاء الله انزل موضوع مخصوص عن الفرق الجامعيه و الانشطه دى و ازاى تستفيدوا منها لو الموضوع عجبكم و اى استفسار عن اى حاجة تانى انا معاااااكم ان شاء الله يا اجدع شباب :) |
حلو الموضوع اوى وحببتنى فيها انا علمى رياضه 84 الحقها ؟؟؟؟ نفسى ادخل تجارة انجليزى ومش عارفه هلحقها ولا لأا
قالولى انى ممكن ادخل تجارة عاديه واخد كورسات انجليزى وكدا وابقى زى بتوع تجارة عادى ؟؟؟؟ |
موضوع رائع بس عندى استفسار انا جايب 84 علمى رياضة هل الحقها باذن الله ولا ايه النظام مع العلم ان التنسيق شكلو كدا المؤشرات الاولى بتقول انو زى السنة الى فاتت بظبط ..يا ريت الرد
|
طيب انا يجلي تربية احسن ولا تجارة
واحسن قسم في تجارة تشتغل منة اية يعني ادارة اعمال ولا محاسبة |
انا جيب 343.5وجيب فى الانجلش42 المستوى الرفيع 5.5
ممكن الحق تجارة انجلش |
فين يا عم واستفسارات وهنرد على طول فين الرد حدرتك !
|
انا جايب 83.41ممكن الحقها ولا لا
|
انا اسف يا جماعه لو اسئلة بخصوص درجات مش هعرف اجاوب عشان مبقاش بفتى .. اى سؤال تانى انا موجود ان شاء الله و بالتوفيق :)
|
معلش يا باشا ممكن تفاصيل شوية عن قسم نظم الحاسبات و قسم bis
وسؤال تاني هل ممكن اخلص قسم وادخل قسم تاني |
طيب انا عندى سؤال بخصوص البى اى اس ..... انا دلوقتى ساكن فى الدقى يعنى جنب جامعة القاهرة و طبعا انا هقدم فى تجاره انجلش هناك بس لو لا قدر الله مقبلتش ساعتها بقى ينفع احول البى اى اس و ازاى وهيكون لسه فى وقت ولا لا؟؟؟
|
بسأل عن التحويل من تجارة عين شمس لحلوان :) ميعاد التحويل امتى والورق المطلوب :)
|
تجاره احسن ولا اداب
|
هتخش مرحله تاالته وايه احسن كليه تجارة
|
موضوعك جميل بس انت بتتكلم عن عين شمس على انها مش على الخريطه !!!
دلوقتى انا جاتلى تجاره عين شمس مع العلم ان كان ممكن اروح حلوان مجموعى يجيب بس ف البيت رفضوا عشان بعد المسافه ..... كل الى عاوزه افهمه انا عاوزه اطلع من تجاره بقسم حلو ايه ممكن يخلينى اطلع كده؟؟؟ كمان انا حباها جداااا والحمدلله دخلاها بمزاجى و بما ان حضرتك مشاء ال14 على الدفعه فهمنى ممكن اعمل ايه علشان ان شاء الله اكون من الأوائل ؟؟ |
وعاوزه افهم ايه المواد الى هدرسها؟
|
| جميع الأوقات بتوقيت GMT +2. الساعة الآن 03:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.