|
مخنووووووووووووووقه قوي
السلام علشكم ورحمه الله وبركاته انا مشكلتي يا جماعه ان انا داخله 3 ثانوي وجبت والحمد لله 90 في الميه وبجد مخنوقه اخر حاجه لان ده مش مستوايا خالص ومستوايا اجيب اكتر من كده ومتظلمه من الكيميا وهروح اعمل فيها تظلم مع ان ناس كتير جابو 97 و 98 و99 بالغش وهما اعترفوا بكده وكل الناس عارفه كده ما علينا انا بقي دلوقتي كنت كنت احياء وهحول رياضه باذن الله بس دلوقتي علشان ادخل هندسه لازم انقص 4 او 5 درجات في 3 والكل بيقول تالته صعبه وامتحاناتها صعبه واكيد السنه الجايه الامتحانات هتبقي نار ومش عارفه اعمل ايه صعب قوي اني انقص 4 او 5 درجات بس انا دلوقتي عاوزه مساعداتكم هل انا كده صح ولا اخليني احياء وهل ممكن انقص 4او5 درجات ولا ده صعب في 3؟؟؟؟ وايه اقتراحتكم علشان انقص ال4او5درجات عاوزه مساعتكم علشان خاطري انا خلاص ادمرت وحلمي ادمر نفسي اي حاجه اتعلق فيها الكل قالي مش هتقدري مع اني هخدها جد وهذاكر بجد بس الناس احبطوني وقالولي مش هتقدري فبعد ما كنت ناويه وكده ادمرت ومش عارفه اعمل ايه؟؟؟؟؟؟؟؟قولت اشوف حضراتكم هتقولولي ايه؟؟؟؟؟مستنيه ردوردكم
|
حولي رياضة أحسن
وبعدين مفيش حاجه صعبة ولا مستحيلة لازم تكوني واثقه في نفسك وقولي دايما لنفسك أنا أقدر اوصل لكل اللي أنا عايزاه ومتسمحيش لاي حد يقولك ان دا صعب ولا دا مستحيل ولو حتي كدا خليكي متميزه واللي يكون صعب ع الناس خليه سهل بالنسبه لك حطي هدف قدامك وقولي انا لازم أحققه بس ذاكري كويس جدا جدا جدا وقولي ان هي سنه وهتعدي وهتحدد مستقبلي مش مشكله لما اتعب شويتين تلاته |
اقتباس:
طيب يعني ايه مقتراحاتك علشان انقص 4 او 5 درجات ؟ يعني ازاكر ازاي اعمل ايه كده يعني؟؟؟؟ مع اني وحيات ربنا مكنتش نقصره في 2 خالص بس ده نصيب علي راي الناس |
انا زيك بظبط برضو جبت 90 ومظلوم في التاريخ
وغيري غش وجاب 95 و 92 الحمد لله علي كل شيء |
الحمد لله مش هنقدر نقول غير كده ربنا هوا اللي عارف الخير فين
شكرا لمروركـــــــــــــــــــــــــ |
اقتباس:
و متزاكريش ماده وتسيبي مادة (مش تركني حاجه يعني) دايما ذاكري الجديد وراجعي القديم بلاش تاخدي دروس كتير يعني متاخديش درسين في ماده واحده وفري وقتك وع فكره احسن وقت تذاكري فيه بعد الفجر بجد هدوء وراحة وجو حلو والوقت بيكون فيه بركة وسيبك من التليفزيون ومن الموبايل لانهم بيضيعوا وقت كتيييير جدا تالته والله مش صعبه اوي انتي بس هتحتاجي تركزي شويه ع الفيزيا والرياضة لكن علم نفس وعربي وانجلش مش هياخدوا منك وقت خالص بالكتير ساعتين مذاكره |
اهم حاجة خدى درسين عربى لانه زباله
|
كملي الي بتحبيه
لانك لو مش شاطرة في الرياضة ممكن لاقدر الله تنقصي فيها اكتر من10 درجات و نفس الكلام لعلوم انتي عارفة قدراتك و ما تسمعيش كلام حد |
ان شاء الله الامتحانات مش هتكون صعبه لان المجاميع العاليه قلت عن السنه اللي فاتت
|
والله مفيش حاجه مضمونه خالص
لأنك ممكن بكل سهوله ان شاء الله تحلي كويس فعشان كده مش لازم تحطي في بالك انك مش هتحلي ومدام انتي واثقه انك حاله من مجهودك خلاص اتوكلي ع الله وبعدين تصحيح الرياضه السنادي كان احسن من الاحياء جدا |
بصى يا حبيبتى
سيبك خالص من كلام الناس حطى هدفك ادامك وابذلى كل جهد عشان تحققيه شوفى نفسك لو انتى شاطرة ف الرياضة توكلى ع ربنا وحولى رياضة وذاكرى كويس جدا ف 3 ركزى ع الفيزيا جامد ان شاء الله ,, ربنا هيكرمك بس انتى لازم يكون عندك العزيمة والاصرار وابعدى عن التشاؤم والاحباط |
شكرا لمروركم جميعا
انا بحب الرياضه وعاوزه اكمل رياضه بس انا دلوقتي كلام الناس بس بيقلقني اللي يقلي مش هتلحقي حاجه رياضه مجالتها مش كتير زي احياء وانا محتاره بقي وكله بيقول مش هتقدري تعمليها وتنقصي 5 درجات في 3 لانها صعبه اومتحاناتها صعبه فمستحيل انك تعمليها |
انا بنصحك متكمليش رياضة لانها بجد صعبة بجد انا جربت والله
بس لو هتدخلى رياضة خدى عند اكتر من مدرس لانها محتاجة حل كتير ومذاكرة اكتر بكتييييير ساء اخترتى رياضة او احياء خليكى واثقة فى نفسك وانك دايما هتقدرى تعملى الاحسن وخليكى واثقة فى قدراتك ومتخليش اى كلمة تأثر فيكى او تضعفك خليها تقويكى اكتر واكتر وحطى هدف ادلمك وكونى واثقة فى ربنا |
بصى
حولى رياضه أفضل لإنك لو أحياء ح تفضلى متوتره طول سنه 3 وممكن توترك يتعبلك أعصابك ع فكره وع فكره رياضه 2 مش وهم يعنى وخلى بالك هى لذيذه جدا للى حابب رياضه أصلا هى عشان جت صعبه إلى حد كبير السنادى الناس بتخوفك منها لكن والله العظيم ح تستمتعى وإنتى بتذاكريها وح تلاقيها لذيذه _ بس برده بقولك لو بتحبى رياضه أصلا _ يللا ربنا يقدم م فيه الخير ليكى رمضانكم كريم |
شكرا لمروركم
يعني انت رايك يا باش مهندش خالد اني اكمل رياضه احسن لي |
| جميع الأوقات بتوقيت GMT +2. الساعة الآن 04:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.