بوابة الثانوية العامة المصرية - شاركوني بالرأي ارجوووووووووكم

مبدأئيا انا مبفهمش في الدنيا دي اي حاجة غير رياضة ورسم وكمبيوتر ولغات اكتر من كدة ماليش فيه

انا دلوقتي لسة مخلصة ثانوية عامة انا عندي حلم معين نفسي احققه من سنين بصراحة كان نفسي اعمل حاجة زي والت ديزني بس في مصر شغل الجرافيك يعني زي ال3D والكارتون والجرافيك بصفة عامة يعني تحويل الرسم باليد لحقيقة عن طريق الكمبيوتر المشكلة ان الموضوع ده مش موجود في مصر فيه دبلومات في الجامعة الامريكية جرافيك بس غالية جدا
المهم انها مجرد دبلومات يعني انا تنسيقي الاسبوع الجاي وانا علمي رياضة هل انا مكاني في حاسبات ومعلومات ولا لأ
انا سألت في فنون تطبيقية قبل كدة وفنون جميلة عرفت ان اللي انا عايزاه مالوش اي علاقة بأي قسم فيهم
انا قريت عن حاسبات كتير بس برده مش زي ما اعرف رأي حد بيدرس فيها انا محتاجة رأيكم جدا افيدوني انا المدة اللي قدامي مش كبيرة
هل انا مكاني في حاسبات ومعلومات فعلا ولا لأ وايه اقرب قسم للي انا عايزاه ؟ هل هو حسابات علمية Scientific computing department ؟ ولا ده مالوش دعوة ؟

الموضوع ده موجود بصورة ضعيفة في مصر زي د/ مني ابو النصر
انا فعلا مش عارفة اروح كلية ايه ولا اعمل ايه