علوم ولاا فنون ؟؟
 

مسااء الخير ياا جماعه ، رمضاان كريم عليكم ..
كنت عاووز أسأل سؤال مهم بالنسبالي جداا ، دلوقتي انا علمي علوم وجبت 95 وبصراحه فكرت ف التظلم وقولت لو حصل وجه درجات هقدم بيطري ، ولو مجتش قدامي حليت تطبيقيه وعلوم ، فكرت ف علوم بس الناس كلها قالتلي بالكوم وبيطلع كل سنه بالعبيط وملهمش شغل ، فكرت ف فنون قالولي شغلهم زي ما بنقول قطااعي يعني مش ثابتين بمرتب كل شويه واحد يطلبهم يعملو شغل وحلني بقي على ما الواحد يتشهر ويطلبوه علي طوول .........
فيعني لو حد عنده رأي ممكن يفيدني ياريت يـقوله
وشكـراا ..

انا نويت علوم بس برضه قلقانه
بس بقول لو احنا دخلنا قسم كمياء مزدوجة وشدينا حيلنا فيها مع كورسات لغات كويس ليه منلقيش شغل افتكر اهم حاجة تجيب تقدير كويس فى الكلية لو جتلك بيطرى ادخلها طبعا احسن بكتير بس فنون بصراحة انا منصحش بيها الا ممكن قسم عمارة يعنى بيشبه الهندسة كدة بس معرفش نظمها ايه وهل القسم دة بيقبل علمى ولا

انا معاكي يا مريم ف مسأله نشد حيلنا بس بصي .. فعلا بتيجي حاجات خارجه عن القدر ، عارفه والله الواحد طحن نفسه وحل كويس جدا بس برضو بتفوته هفوات كده بتضيع الدنياا .. وبعدين مشكلة العلوم فعلا انهم كتير عددا .. انا فكرت فيها وف البيت شاروا عليا ادخل علوم وانجز بس مقلق فاهمااني ، عاوز افهم يعني هي اقسامها ايه فيها إيه نظاامهاا إيه فاهمااني ، انتي ف علووم مش كده ؟؟

المشكلة مش فى الكلية اد ما المشكلة فى شعبتك لو كنت علمى رياضة كان فى اقسام جامدة جدا زى بترول المهم اللى حصل حصل انته خش علوم قسم كيمياء ومستقبلها حلو تدريس تفتح معمل تحاليل كدة يعنى وبعدين ان خالى مدرس فى مدرسة خاصة مقولكش بقى دروس على ودن

[QUOTE=Labes BarMuda *_^;4667082]انا معاكي يا مريم ف مسأله نشد حيلنا بس بصي .. فعلا بتيجي حاجات خارجه عن القدر ، عارفه والله الواحد طحن نفسه وحل كويس جدا بس برضو بتفوته هفوات كده بتضيع الدنياا .. وبعدين مشكلة العلوم فعلا انهم كتير عددا .. انا فكرت فيها وف البيت شاروا عليا ادخل علوم وانجز بس مقلق فاهمااني ، عاوز افهم يعني هي اقسامها ايه فيها إيه نظاامهاا إيه فاهمااني ، انتي ف علووم مش كده ؟؟[/QUO
طبعا فهماك مه الحال من بعضه انا علمى علوم وجايبة 92 وبرضه قلقانة جدا بس وكنت محتارة بين علوم وتمريض ناس قلتلى تمؤريض شغلها جاهز وعالى بس مستوى اجتماعى نوووووووو

وحاسبات لعلمى رياضة بس زيها علوم حاسب فمحتارة بقا بين علوم حاسب او قسم الكمياء المزدوجة فى علوم برضه
وبقيت احاول ادخل على قسم كليه العلوم علشان افهم

ع فكره بترول بيقبل من علمي رياضه وعلمي علوم
تخصص الكيمياء بيولوجي
بيودي ع مجالات العلوم الطبية
علم التحاليل الطبية
علم الاجنه واطفال الانابيب
علم الاعصاب
علم الفزياء الطبية والاشعه العلاجية
يمكن التخصص في التخصصات السابقه والتحضير فيها ماجستير ودكتوراه

حسونه بيه ، والله انا مش عاوز أزعل على الى فات لأنه خلااص عدي وملوش لزمه بالنسبالى خلاص اهو راح وخلااص ، ومسأله التدريس دي استحـــــــــــــاله انا بكره التدريس جداا وبكره الطلبه جداا جداا جداا ، دا انت لو تشوف منظر الاسااتذه بتوعنا تضحك والله
- مريم ، والله معاكي حق تمريض برضو مش بتريستيج خالص :( ، بس اقولك هي إن شاء الله شكلها علوم كيمياء أو بيولوجي
- دكتور أحمد .. لو تكرمت هتعبك معايا ممكن تقولي مميزات كل قسم ، وأيه افضل الأقسام ف نظر حضرتك بما انك باحث وفاهم وشوفت الكليه واقسامها يعني

هناك مجالات جديده نسبيا تم تحديثها في كليات العلوم
وهي مجالات ما تسمي بالعلوم الطبية او الطب الحيوي

بتدخلي قسم كيمياء مزدوجه مع البيولوجي وبتدرسي الاتنين مع بعض

بعد كده بتخصصي في

1-علم الكيميااء الطبية
2-علم الميكروبيولوجيي الطبية (البكتريا والفطريات والفيروسات والمناعه)
3-علم المناعه
4-علم الطفيليات
5-علم الدم
6-علم الاجنه
7-علم الاعصاب
8-علم الكيمياء الشرعيه والسموم
9-علم الحشرات الطبية
10-علم الكيمياء التطبيقيه والصناعيه والتحليله

احدث تخصص منشاه في هذه التخصصات

هو تخصص علم الاعصاب وهو التخصص الاول من نوعه في كليات العلوم ع مستوي الشرق الاوسط وموجود في علوم اسكندرية

أنا متشكر جدا لحضرتك يا دكتور ، وفعلا قسم الأعصاب ده شكله كويس .. بجد متشكر جدا على مساعدة حضرتك ..

ودة اية نظام الدراسة بتاعته

على حسب معلوماتى والله اعلم

ان فنون تطبيقيه او جميله هما الاتنين كان ليهم اختبار قدرات قبل النتيجه لازم تمتحنيهم والناس امتحنت

والى تخلفوا بردوا ححدولهم معاد قبل النتيجه وامتحنوا

ومينفعش تدخلى الكليه غير لما تمتحنى قدرات

وخلاص مفيش امتحانات تانى

يعنى فنون مينفعش

سولتي .. ودي تفوتني برضو .. انا عملت حسابي وامتحنت ونجحت فيها ، بس كنت اتمني بيطري اوو اي حاجه ف الشعبه العلميه فلو ضاعت يبقي علوم او فنون هعمل استخاره وهي فعلا شكلها علوم أفضل بكتير من فنون .. وأقسامها كويسه ومرتبطه بالأحياء والعلوم الى درستها على عكس فنون كلها رياضه وانا اصلا مأخدتش فراغيه لأني كنت علمي علوم
- عبير الشذي ، خليكي مثلا عشر دقايق انا على موقع جامعه اسكندريه وجبت الجزء بتاع الاعصاب هقراها وهقولك عليهاا ..
ميرسي كتير علي الكومينتاات ياا جماعه وميرسي لمروركم الكريم ..

اها طب كويس


لا لا ان شاء الله تلحقى بيطرى ونشوفك كدا تسافرى غابات الامزون وجنوب افريقا وتكتشفى حيوانات وحشرات جديده

وتعيشى حياه الطبيعه يااهووو بجد جميله ^__^


عارفه انا لو مكانك ومقبلتنيش بيطرى هدخل فنون علوم ديه فيشنك ملهاش مستقبل فى البلد ديه

ولازم تكون عقليتك فذه زى احمد زويل لو هتعملى انجاز

بس انصحك فنون احسن طب يعنى فنون ديه مقسمه لكذا حاجه جرافيك تقريبا ونحت ومعرفش ايه


يعنى مش كل حاجه فيها رياضه

انتى اختارى القسم الى يناسبك

وان شاء الله بيطرى يجيلك

علوم مش فشنك وفيه ناس ناجحه فيها جدا وشغاليين في اماكن محترمه وبتبقي اساتذه في كليات صيدله وطب وبيطري وهما خريجين علوم