|
محتاج رأيكمــ؟؟
يا جماعه بالنسبه لواحد جايب 96.1 في ثانيه ثانوي وعاوز يكمل احياء في ثالثه ثانوي وعاوز يخش طب او طب اسنان علما بان 96.1 ده مش مستواه خالص هو مستواه كان يأهله لــ 98 او ازيد لكن حصل معاه مشكله في تنظيم الوقت في العربي ملحقش يحله كله تبقي فرصته بنسبه كااااااااااامــ ؟؟ |
بسم الله ماشاء الله ربنا يبارك في مجموعك الجميل.....بص هي ٣ ثانوي غير ٢ خالص عندك الفيزيا والأحياء دول سوري برميلين زباله بس لو اجتهدت فيهم تقدر تقفلهم يعني حط في دماغك فيزيا50 واحياء 50 وتنقص ٣ درجات في باقي المواد وده مش صعب الحكاية عايزه شوية صبر+اجتهاد+ايمان وثقه بالله
|
اقتباس:
|
؟؟؟؟؟؟؟؟؟؟؟؟؟؟
|
ان شاءالله تلحق توكل علي اللهبس اهم حاجه تجتهد السنه الجايه
|
توكل على الله وكمل انا السنه دي خخلصت 3 وجايبه مجموع السنتين 97.2 وكنت جايبه ف تانيه 95.5 يعنى اقل منك كمل وركز ف مذاكرتك وباذن الله تلحق طب كمان
|
ان شاء الله ممكن تلحق الاثنين وكمان تعدى مجموعهم بس ركز على المذاكرة بس وخد بالك من ضياع الوقت فى الامتحان و حاول تختار بين الاسئلة
وعشان اشجعك ان كنت جايبة 96.8% فى تانية لكن الحمد لله لم احبط بالعكس شديت فى المذاكرة و جبت فى تالتة 97.6 % الحمد لله انا احسن من ناس كتير المهم ان شاء الله ح تلحق وساعتها ابقى افتكر الكلام ده |
يا عم حول رياضة وادخل هندسة احسن
|
مع احترامى انا من رايى تكمل ومتحولش وتشد حيلك فى تالتة وبص بقا على الهبل انا جايبة 94و5وهكمل لانى عارفة انى مظلومة فى الدرجات جاااااامد لكن ثقتى فى الله وفى مجموعى ان شاء الله هتعوضنى خير وانا اعرف واحدة كانت جايبة 94ودخلت طب اسنان وبالتوفيق:)
|
شكرااا علي ارائكمــ جميعا وربنا يوفق الجميع
مره تانيه شكرا جزيلا ،،، |
اقتباس:
اما لو مش فارقة معك يبقى حول علمى رياضيات وباذن الله تفوق وتضمن هندسة بالتوفيق باذن الله |
أولا اهنئك على مجموعك الجميل. ثانيا اننى أشعر بجميع تخوفاتك و قلقك لأننى كنت مثلك لقد حصلت فى 2 ثانوى على 97,3 % و كان هذا المجموع يعتبر من أقل مجاميع علمى علوم مقارنة بدفعتى التى تجاوز معظمهم مجموع 98% نعم أصابنى اليأس و الاحباط و فكرت فى اليوم مئة مرة لكى أحول علمى رياضة و لكن اراد الله أن استكمل مشوار العلمى علوم و حصلت بالفعل فى السنتين 98,5 % فلا تدع خوفك أو يأسك يسيطران عليك و كن واثق فى قدراتك و تحلى بروح التحدى و أولا و قبل كل شئ ثقتك بالله سبحانه و تعالى و تأكد انه سيختار لك الأفضل. تعلم من أخطائك السابقة و لا تكررها و أخيرا وفقك الله فى دراستك و حياتك و سدد خطاك.
|
انت كويس وان شاء الله تدخل طب بس اجتهد وبالنسبة للفيزيا فأنصحك متخدش فيزياء خالص فى تالتة ازاى معرفش |
لو انت حابب العلمي علوم كمل و توكل علي الله
بس لازم تكون عارف ان طب بشري دي صعب تلحقها لانك مطلوب منك متنقصش و لا درجة في ثالثة ثانوي و خد بالك عندك المستوي الرفيع اما طب اسنان فانت مطلوب منك مجهود علشان تلحقها و هتقدر بإذن الله لو شديت حيلك و ذاكرت كويس و قدرت متنقصش في ثالثة ثانوي هتقدر بإذن الله تلحق طب بشري مفيش حاجة مستحيلة |
| جميع الأوقات بتوقيت GMT +2. الساعة الآن 09:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.