|
ااااااااااااااه ارتجف رجفة الموت
السلام عليكم ...انا عارف انى صدعتكو بس زمايلى اللى كان مستواهم زى واقل واللى جابو ميه فى الميه بيعيرونى انى مش لاحق طب وانا زى ما انتو عارفين انى جايب 406.5 وبيقولو ان الطب ممكن ياخد لاقدر الله اكتر ..وزى مانتو عارفين انا لابتسحر ولا بفطر يعنى لو شفتونى طويل ونحف واصعب على الكافر وهعلق جلوكوز والشاهد انى عاوز اعرف لو عملت تظلم مستوى ممكن اخد حاجه واتمنى ان تدعولى باخلاص لانى فقدت الامل تماما الا فى واحد فقط هو الله
|
ان شاء الله تلحقها قول انت بس يا رب واكتبها بقية المحافظات وان شاء الله بعد كده تبقه تحول
اما بخصوص التظلم فا انا كمان عاملة تظلم بس هروح لسه ان شاء الله يوم الخميس اشوف الورقة بس فى ناس راحو قالو ان الموضوع زى كل سنة بيعدو الدرجات ويجمعو و بس لكن مش بيعيدو التصحيح ادعى انت بس ولو حاسس انك فعلا مظلوم فيه اتكل على الله وقدم التظلم اهو ع الاقل هترتاح نفسيا وخلى ثقتك فى ربنا كبيرة وربنا مش بيجيب حاجة وحشة |
يعنى طب الزقازيق ممكن ياخد اكتر من كده لاقدر الله يالهوىىىىىىىىىى
|
لا حول ولا قوة الا بالله
دا كلة عشان تدخل طب |
يا عم طب أية و بتاع أية بس !! في كليات تانية مستقبلها ممتاز جداً غيرها و الله !!
و بعدين انت مجموعك فلة أهو .. ممكن تلحق صيدلة او طب أسنان .. مستقبلهم العملى مضمون إن شاء الله |
توكل على الله وربنا معاك أما بالنسبة لزمايلك اللى بيعايروك فممكن فعلا يدخلوا طب بس ممكن ياخدوا السنه فى سنتين و يكرهوا نفسهم و فى الأخر هيحولوا زراعة ^_^ مع كامل الإحترام طبعا لخريجى كليات الزراعة
|
كل واحد مش عاجبه حاله
انا جبت بالمستوى 100% وندمانه ابويا شغال يقولى طب وهتكتبى طب وانا مش باحبها وعارفة ان مش همشى فيها ولو انت كنت ضامن طب كنت هتقعد تفكر انما عشان قلقان عمال تقول ياريت عارف نص اصحابى اللى فوق ال 100% كاتبين اسنان وزمان كنت تسألهم يقولو طب انما لما جاتلهم رفضوا واصحابك اللى بيدايقوك حسبى الله ونعم الوكيل فيهم |
اقتباس:
|
هى الناس هتموت على الطب كده ليه ما ممكن واحد جايب اقل منك يدخل كلية اقل ويبقى دكتور فى الجامعة مش يبقى مجرد كلمة دكتور علشان فى الطب شوف انت حابب ايه وادخله وزمايلك اللى بيعروك دول اعتبر نفسك ما تعرفهمش لانهم مش يستاهلو كلمة زمايل |
خير لك ان تكون مميزا فى مكان عادى
ولا تكون عاديا فى مكان مميز وابشر والله والله هطول كلية الطب ودى اول بشرى وافتكرنى بيها |
نعم انت جايب كام اكتب بخط واضح لو سمحت دنا باقول يا رب اجيب 406 السنه اللى جايه انا فى ثالثه ثانوى السنادى وجايب 97.8% يعنى اخدها من قصيرها واحول رياضه
|
عذرا ولكن طزززززززززززززززززز والف طز فى صحابك
انتا كدا تمام وان شاء الله حتجيب الطب بس مش عشان ترضى غيرك لاء عشان انتا عاوز دى وعارف انك حتبقى حاجه فى دى وبعدها حتقدم حاجه لبلدك من دى ربنا يوفقك ومتخافش وخليك مرن مجتش الطب شوف الخطه ب اللى هيه كليه مقاربه ليها الانسان ليه كذا ميول مش حاجه واحده |
اقتباس:
شكرا لحضرتك هاوري لبابا الكومنت دا يمكن يقتنع |
للمرة ال10000 بقولك هتدخل طـــــــــــــــــــــــــــــــــــــــــــــــــ ـــب ان شاء الله بص الشريحة الاولى اخدت من 407.5 يبقى طب هتاخد من 406.5 او اقل نص درجة بس ان شاء الله هتدخل هتدخل عايز ادخل الموضوع الاقيك اكلت واصحرت وملكش دعوه بزمايلك انا زمايلى 99.7 و99.5 و99 ولا اعتراض وكلنا فى مستوى بعض وانا يادوبق 96.5 وهكمل علوم باذن الله انت اللى تدعيلى بقى مش انا |
اولاً عايزه اطمن حضرتك بالخبر ده كشف الدكتور محمد النشار وزير التعليم العالى فى حكومة تسيير الأعمال، عن زيادة المقبولين فى كليات القطاع الطبى "الطب، والصيدلة، وطب الأسنان، والعلاج الطبيعى، والطب البيطرى"، بنسبة 10% عن العام الماضى. وأوضح وزير التعليم العالى فى تصريحات خاصة لـ"اليوم السابع"، أن هذا القرار جاء لمواجهة أزمة ارتفاع أعداد الحاصلين على مجموع أعلى من 96.3%، والذين ارتفعت أعدادهم إلى نحو 30 ألف طالب، فى الوقت الذى قبلت فيه كليات القطاع الطبى 18 ألف من العام الماضى. اهم نقطه الكليات مش بان صاحب لحضرتك يعايرك ( بالرغم من اعتراضي على المسمى انه صاحب ) انه في كليه لأ خالص ده قدر واي كليه حضرتك هتلتحق بيها يبقى ده الافضل ليك ربنا قدر ليك كده يبقى ده الافضل ليك مهما حاولت تعمل كل محاولات الدنيا واذا لاقدر الله مش كانت ليك كلية الطب اعرف انها كانت هتبقى ضرر ليك الله اعلم اذا على شخص حضرتك ولا بعد التخرج ممكن تتسبب في ضرر لمريض. الكلام ده عن تجربه انا كنت عايزه كليه معينه وربنا اراد تكون كلية الآداب وصاحبات لي دلوقتي في الكليه اللي كنت عايزه التحق فيها بيتمنوا انهم كانوا يلتحقوا بكلية الآداب وخاصة في القسم اللي بدرس فيه وانا فعلاً كل يوم من قبولي في الكليه من 3 سنين لحد دلوقتي بتأكد ان الاختيار اللي كنت عايزاه مش مناسب لي نهااااااائي وان القسم اللي فيه دلوقتي هو ده انسب دراسه لي وان شاء الله من خلاله احقق كل اللي عايزاه اللي مش كنت هقدر احققه في الكليه اللي كنت بتمناها الحمدلله . بجد الاختيار اللي ربنا كاتبه ليك اتأكد انه افضل ان شاء الله تتقبل في كلية الطب اذا فيها خير لحضرتك وياريت ده يكون دعائك انك تلتحق بالكليه اللي فيها خير ليك والموضوع بسيط حتى اذا كانت طب اي محافظه غير محافظة حضرتك بتقدم طلب تحويل وبنسبه كبيره بيتقبل ومجموع حضرتك يؤهلك لكلية الطب . ربنا يوفق حضرتك وان شاء الله نهني حضرتك على قبولك في كلية الطب . |
| جميع الأوقات بتوقيت GMT +2. الساعة الآن 09:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.