مشكلة التنسيق من وجهة نظرى المتواضعة
 

المشكلة ان المجلس الاعلى للجامعات بينظر الى اعداد محددة لازم تكون فى كل كلية
وان احنا الاهالى والطلبة بينظروا للمجموع (ودى نظرة خاطئة)
فيها ايه لما يقول ان الطب بيقبل حد ادنى 98.5 طالما العدد اللى بيتاخد كل سنة ثابت
لو فحصتها معايا كويس
طالب دفعة 2008 اللى جايب 97 بيساوى طالب دفعة 2012 اللى جايب 99.5
وده يوضح نظرية الاعداد وليس المجموع

يا جماعة هو طب يا خلاص تبقى الدنيا سواد

احنا جيل شغل المجتهد والشاطر هيثبت نفسه ف اى حتة
وان شاء الله نتخرج ونغير المنظومة الفاشلة دى وتبقى الكليات بامتحان قدرات

بلا مجموع بلا وجع دماغ

يا جماعه والله الامتحانات مش كانت سهله زى ما الناس حاسه من كتر المجاميع العاليه مهو برده حرام اما حد كان جايب 97 ودخل طب وحد جايب 98.5 و مش هيلحق طب ... الفرق بين الدفعات ان الوزارة والله اعلم بتشجع التعليم الخاص ابو فلوس يعنى واحد جايب 88% يدخل طب بفلوسه طيب دا حرام ولا مش حرام وواحد جايب 98.5 كان نفسه ف طب ومش يدخلها يعمل ايه يعنى ... شكلى اتكلمت ف موضوع مختلف خالص ... يللا ... استحملونى اصل مرارتى مفقوعه من موضوع الجامعات الخاصه دى ....... احنا بنعيش ف زمن شعاره ... "كله بالفلوس"... معاك كان بها ... مش معاك ... روح موت احسنلك يا برنس .... ومتغاظه من حاجه كمان .. اما يجيبو الامتحانات صعبه يقولك اصل انتو عايزين الدرجه النهائية لازم تعرفو ان مجدى يعقوب دخل طب ب 74% ... وف الآخر يرفعو الطب ل99 ... انا نفسى انا ف امتحانات مولعه بس ينزلو الطب ل74% ... ساعتها مش هنتكلم