اكمل علمي علوم ولا احول رياضة
 

السلام عليكم
انا حصلت علي 92% ومش عارفة احول رياضة ولا اكمل علوم مع العلم اني بحب الاحياء جدا ونفسي اكمل علوم ونفسي الحق طب بيطري والرياضة مش بفكر فيها اوي
لو سمحتم لو حد عنده خبرة او يقدر يفيدني يقولي اعمل ايه
شكرا

استخيري ربنا ..

بصى ياصفاء انتى لو اجتهدتى وذاكرتى وشديتى حيلك تقدرى تحصلى طب بيطرى وهو مش وحش

زى الناس ما فاكره على العكس ده جميل جدا وممتع ^__^

بس هو انا كان ليا صحاب زيك كدا او اقل قالوا هنكمل علمى علوم وهنشد حيلنا وبالفعل شد حيلهم

بس مع الايام همتهم قلت وزهقوا وملوا وبقوا يذاكرو بس مش المذاكره الى هى يعنى

وبجد بقولك تالته ديه الواحد بيكون مل خلاص وقرف ومعادتش تفرق معاه هى مش بمعنى الحرف معادتش تقرف معاه

بس مبقاش زى تانيه يعنى فيه شويه اهمال حتى الناس الى كانت جايبه مجاميع مرتفعه جدا

بس ده مش شرط فى ناااااس بتشد حيلها باقصى درجه وبتزهق بس بتقول معلش معلش ادينا اربنا خلاص

وبجد ناس نجحت ووصلت لى الى هى عايزاه بس بجد الحكايه ديه محتاجه صبر

فانا انتى شوفى قدرتك على الصبر واتاكدى منها عشان بعد كدا متندميش انك محولتيش رياضه

وربنا يوفقك

شكرا لردودكم يا جماعة

شكرا لرد حضرتك

شكرا للرد
ربنا يوفقك

انا شخصيا شايف ان علوم صعب اوي تلحقي لان المجموع مش مساعد
بس المشكلة ان شكلك مش بتحبي الرياضة و ده مينفعش
عشان تكملي رياضة لازم ترفعي مجموعك و ده مش حيحصل لو انتي مش كويسة اوي فيها
فكري كويس

و برضه فكري كده لو تحبي تحولي ادبي لان بمجموعك ده حلو جدا و ممكن لو رفعتيه حاجة بسيطة تلحقي اعلام و يمكن سياسة و اقتصاد
و طبعا حيكون عندك تجارة انجلش و حقوق انجلش و ديه كليات ممتازة برضه

ربنا يوفقك

رياضه تبقى فى الأمان أكتر وأكتر
ربنا يوفقك

شكرا لردود حضراتكم

لا الحمدلله انا كويسة في الرياضة بس مش عايزه هندسة او الكليات اللي في علمي رياضة
شكرا للرد

حولى يابنتى من غير كلام
ثانيا كليات العلمى رياضه مجموعها حلو كتير
او حولى ادبى وكبرى دماغك وخشى السن

خلاص انا ان شاء الله هكمل علمي رياضة


شكرا للرد