إستفسار عااااااااااااااااااجل (أرجو الرد)
 

يا جماعة أنا سجلت الرغبات وكله تمام بس انا من جوايا عايز أدخل عين شمس و أعملها كرغبة أولى لكن والدي ووالدتي قالولي القاهرة أحسن .. بس انا شايف عين شمس أحسن من حيث المناهج و كده لأنها بتطلع مهندس متمكن و تقيل في مجاله كمان عشان انا من حلوان و مشوار الشيخ زايد ديه هتبقى مشكلة لو دخلت هندسة القاهرة .. عايز رأيكم .. أخلي عين شمس رغبة أولى و لا ايه

شـوف رأيي هـو هـنـدسـة الـقـاهـرة , و أنـا سـبـق و حـكـيـت إنـي كـنـت بـاخـد كـورسـ فـي الـكـلـيـة و جـالـنـا مـهـنـدس فـي عـيـن شـمـس و كـان بـيـديـنـا حـاجـات هـي أصـلا أسـاس عـنـدنـا مـن الإعـدادي و هـو قـال إنـه بـدء فـيـهـا مـن تـالـتـه .

بـالـنـسـبـة لـمـشـوار الـشـيـخ زايـد فـا إنـت مـمـكـن تـسـكـن فـي الـمـديـنـة الـجـامـعـيـة فـي الـشـيـخ زايـد و هـي مـديـنـة جـديـده أغـلـب الـطـلـبـة سـكـن فـيـهـا و تـبـعـد عـن الـكـلـيـة 10 دقـايـق ,
عـاوز أقـولـك أحـسـن سـنـة فـي حـيـاتـك هـتـبـقـا سـنـة إعـدادي زايـد .
بـالـرغـم مـن أن نـسـبـة كـبـيـرة مـن الـدفـعـة بـتـتـمـرمـط فـي الـمـواصـلات لـزايـد , الـدفـعـات بـتـحـقـق أرقـام قـيـاسـيـة فـي الـنـتـائـج آخـرهـا الـسـنـة دي , الأولـ جـايـب 99 %

متشكر لحضرتك أوي على الرد .. بس أعلق على جزئيتين :
أولا : انا كل الي أسمعه يقول إن مثلا إمتياز في القاهرة تعني جيد جدا في عين شمس يعني الصعوبة هناك أكتر و ده في مصلحتي لأني عايز أدرس حاجات تقيلة مش مهم كله هيتذاكر بس عشان أطلع مهندس كفاءة وفاهم
ثانيا : انا بيني وبين الشيخ زايد ساعتين لأني من حلوان نفسها .. ففكرة المدينة الجامعية ديه كأني هطفي النار بالبنزين :) يعني انا كده هتكلف أكتر .. وعلى إيه يعني .. هو انا مش بعيد عنها اوي كده .. بس إنت متأكد من الأول جايب 99% !! :)

أولا , كويس انك بتقول سمعت , اممم انا مش عارف بحس اني لو اتكلمت عن هندسة القاهرة او عين شمس بدخل في منطقة شائكة لاني من هندسة القاهرة , بس عموما لو انا بنصح فا هقولك القاهرة
بالنسبة لثانيا , يعني التكليف مش هيبقا كبير , في ناس كانت من الوادي الجديد و من كفر الشيخ و المنصورة و الاسماعيلية و اسكندرية و عادي ,
بالنسبة للأول هو مش جايب 99 هو جايب 99 و كسر ;)

99 و كسر :) !! إذا كان كده ماشي :)

طب لو انا ساكن في مدينة نصر ممكن اسكن في المدينة الجامعية الي في الشيخ زايد ولا لأ