ارجو الرد بسرعه
 

السلام عليكم
انا طالبه علمى علوم
وكان نقسى اوى ان ربنا يكرمنى وادرس ف كلية صيدله
بس حصل عندى ظروف لا اراديه السنه دى " الحمد لله على كل حال طبعا "
المهم انتى جبت مجموع منيل ومجموع السنتين مع بعض 93.17 طبعا اتخسف بيا الارض كده ولا هلحق حاجه من المجموعه الطبيه خالص
ممكن حد يقولى انا ينفع ادخل كلية حاسبات ومعلومات ولا هى لعلمى رياضه بس
انا سالت بعض الاشخاص قالولى انها اقسام معينه لعلمى علوم او تدخلى خاص
ياريت حد يرد عليا بسرعه
وسؤال كمان معلش
فى انتساب ف كليات المجموعه الطبيه ولا لا ؟
شكرا ليكم على قراءة الموضوع وياريت تفيدونى

للأسف ماينفعش يا آية لا دا ولا دا , كلية علوم كلية من كليات القمة مش تخلي حد يشكك فيها لان مستقبلها مضمون وشغلها كويس وموجود وتقدري تدخلي على منتدى كلية علوم وتعرفي اكتر عنها .

ازاى يا بشمهندس
قسم نظم المعلومات الحيوية ده بيدخلوه علمى علوم
بس لازم دراسة رياضه 2
انا عارفه انو القسم ده خاص
لو حضرتك تعرف معلومات عنه ياريت تقولها
يعنى موجود ف جامعة ايه او مصاريفه
معلش هتعبك شويه
انا حاولت ابحث كتير بس مش لقيت رد مناسب
لان عندنا مفيش الا 2 دخلو الكليه دى
يعنى اللى كانو بيجاوبو ملهومش علاقه بالموضوع مجرد قرايب الاتنين
عموما شكرا على ردك

لو ذاكرتي مادة رياضة 2 فانتي ليكي الحق تخشي هندسة او حاسبات ومعلومات اي قسم دي معلومة لسة جديدة عليا , القسم دا يا ست الكل موجود فى حاسبات عين شمس ومصاريفه حوالي 10-15 الف فى السنة ومستقبله كويس جدا بس شغله قليل شوية , انما باقي الاقسام شغلها تمام وموجود بكترة , انتي صاحبة القرار , صلي استخارة اهم حاجة وانا موجود لو عاوزة حتى تستفسري عالفيس عن اي حاجة دا الاكونت بتاعي


https://www.facebook.com/EngMomen1993

شكرا يا بشمهندس
ان شاء الله ربنا يهدينى للافضل
معلش تعبتك معايا
فى ميزان حسناتك باذن الله
كل سنه وانت طيب

ماتقوليش كدا يا باشمهندسة "ان شاء الله" , وانتي طيبة ورمضان كريم عليكي ان شاء الله :)