مين فيهم تبع حاسبات؟
 

السلام عليكم
انا عايزه اعرف هل المعاهد دى تخصص حاسبات ومعلومات ولا بتطلع بالاخر زى خريج التجاره؟
وانهى فيهم افضل؟
المعهد العالى للحاسبات وتكنولوجيا المعلومات بمدينه الشروق
المعهد التكنولوجى العالى بالعاشر من رمضان
المعهد العالى للدراسات التكنولوجيه المتخصصه(اكاديميه المستقبل)
المعهد العالى للهندسه والتكولوجي بالقليوبيه قسم حاسب

الشروق حاسبات ومعلومات إن شاء الله

تسلم للرد
طيب والباقيين نظامهم ايه غير الشروق

بص حضرتك اى جامعة خاصة أو اكاديمية لازم تروحى تسالى و تقوليلهم انا عاوزة صورة من شهادة المعادلة و لازم تتاكدى انها معادلة بحاسبات و معلومات مش باى كلية أخرى

يسلمو للرد

قاعدة عامة : لما تيجي تسألي عن اي حاسبات ومعلومات لازم تقولي دي علوم الحاسب ولا لأ , عشان ممكن الموظف يقولك ايوة هي حاسبات ومعلومات وهي نظم معلومات ادارية او معهد حاسب عادي , لازم يقولك علوم حاسب ولازم تدخلي تتأكدي على موقع الحكومة المصرية (اللى فيه التنسيق) ولازم يكون كل اللى داخل معاكي شعبة هندسية .

تمام كلامك
بس انا لما اتصلت قالوا استنى التنسيق للخاص فى مرحلتك
وبردو اسمع من الناس الى مش هيقدم دلوقت يبقا خلاص راحت عليه
مش المفروض اصلا الخاص ده له تنسيق منفصل ولا ايه؟

لا لا مافيش حاجة اسمها راحت عليه لسة بدري ما تخافيش , قدمي فى مرحلتك مع تنسيق الناس العادية على موقع الحكومة لأنه مش منفصل , وعالعموم دا الاكونت بتاعي عالفيس لو محتاجة اي استفسارات تانية


https://www.facebook.com/EngMomen1993?ref=tn_tnmn