حد هنا ممكن يفيدني ولا أشوف مكان تاني أسئل فيه
 

السلام عليكم ورحمة الله وبركاته

كيف اخباركم يا جماعة خصوصا في الأيام اللي زي ....... دي
المهم أسال الاول وبعدها نرغي في اي حاجة
انا يا جماعة فشلت ف الثانوية العامة وجبت 75.49 % وبصراحة مكسوف اوي من نفسي خصوصا بعد ما لقيت ناس كتير جايبة درجات لوز اللوز كمان بس أنا حبيت أسال على حاجة مش لافيقلها اجابة
هوا انا هلاقي كلية تلمني ولا اولع ف نفسي واخلص

أنا كنت علمي رياضة ( مش عارق اللي زي يخش علمي رياضة ليه ؟؟؟!!! )
ومش عارف إن كنت هلاقي كلية تاخدني ولا خلاص كدا أخر المطاف
يا ريت لو حد ممكن يقولي على كلية ممكن تاخدني يبقى ربنا يكرمه عشان انا لحد دلوقتي مش عارف اروح فين ولا آجي منين

انا ع العموم من بنها عشان اللي يفكر ف كلية ينقي كلية قريبة من القليوبية مش يقولي في مش عارف إيه ف المنيا ولا ف حلايب وشلاتين عشان ما أزعلش من حد عل المسا

سلامي للجميع والسلام عليكم ورحمة الله وبركاته

بص يا باشا فيه فكرة إنت ممكن تقول عليا مجنون لو قولتهالك بس هي موجودة فعلا
إنت ممكن تدخل المعهد الفني الصناعي الي في المطرية وتدرس سنتين لو إنت جبت جيد جدا فما فوق هيدخلوك هندسة القاهرة و الموضوع ده أنا واثق فيه 100% لأن ليا قريبي مهندس و دخلها من السكة ديه :)

حقوق وممكن بعدها تبقى وكيل نيابة

إيه يا جماعةة حكاية وكيل نيابة دي
أتكلم وإحنا واقفين ع الأرض والنبي اي استاذنا عشان
انا مش حمل تريقة كفاية اللي شفته أول لما النتيجة ظهرت بس على
العموم شكلها كدا حدفت على حقوق وخلاص
بس لو حد منكم ممكن يقولي على كلية كويسة خاصة من علمي رياضة تكون مستواها كوبس ومتكونش لمه ناس واغش كتير عشان انا اللي مخوفني من الخاص إن بيبئا فيها واغش كتير أوي

ااقلك على حاجه ادم صيدله او طب وريح دماغك