|
هندسة القاهرة ولا هندسة عين شمس
الحمد لله انا لسة مخلص 3ثانوي علمي رياضة وجيت 97.2
وان شاء الله الحق هندسة بس انا محتار جدا بين هندسة القاهرة وعين شمس وللاسف الناس في المنتديات بتقول رايها بدون اي منطقية او تعقل كل واحد متعصب جدا لكليته وكأنها حرب كل واحد يمجد في جامعته ويشتم في الاخري لذلك ارجو ان الموضوع ده يكون مختلف عن اللي قبله وكل واحد يخش لا يبخل بمعلومة ويقول مميزات وسلبيات كل جامعة لانه لا يوجد شي بدون سلبيات ويقول في الاخر ما هي الافضل من وجهة نظره |
بص انا من هندسة القاهرة ..
هتكلم عن المعلومات اللي عندي بدون تحيز .. هندسة القاهرة فيها أقسام زيادة شوية عن عين شمس زي طيران و بترول و كيمياء و طبية يعني فيها كل الاقسام تقريبا ما عدا قسم واحد هو ميكاترونكس ... بالنسبة بقي لمستوي الدراسة انا رأيي الشخصي انه مش بيختلف كتير لان المناهج في الغالب واحد أو متشابهة و بتفرق في الطالب نفسه .. يعني بتذاكر ولا لأ و مهتم ولا لأ و قدراتك ايه و الكلام ده في فرق تاني انك بتاخد اول سنة في القاهرة بالعربي ( مش عربي أوي لأنه طبعا القوانين و الرموز و الحاجات دي انجلش و كمان الحاسبات و اللغة ) و الكليتين من أعرق الكليات و احسنهم و في الشغل بردو مش بتختلف انت خريج ايه المهم الطالب نفسه و ايه مؤهلاته و امكانياته .. و ربنا يوفقك اللي فيه الخير إن شاء الله و دي عوامل ممكن تساعدك في اختيار الكلية . ( القسم اللي نفسك فيه موجود فين _ أيهم اقرب لك _ روح شوف الكليتين بنفسك و شوف هتبقي مرتاح نفسيا لمين فيهم ... إلخ ) و استخير ربنا و ربنا يوفقك و اتمني اكون اوضحت بتحيز =) و ده جروب لدفعة اعدادي هندسة القاهرة لو حبيت تساأل عن حاجة تانية هتلاقي ناس كتير ترد عليك أسرع .. http://www.facebook.com/groups/e3dady2017/ ملحوظة : أول سنة في الكلية هتبقي في مدينة الشيخ زايد |
شكراااا على المعلومات
|
للأسف انا جامعة الزقازيق مش هاقدر افيدك قوي غير بأنك انت اللي هتعمل الفارق
بمعنى انت ناوي تدخل قسم ايه إن شاء الله وبعد ما تحدد القسم هتنفض ولا هتركز في الدراسة هتنمي قدراتك بأنك تاخد كورسات سواء كانت كورسات رسم أو كورسات برمجة أو غيرها في الأخر ربنا معاك إن شاء الله |
| جميع الأوقات بتوقيت GMT +2. الساعة الآن 06:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.