بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- إبداعات ونقاشات هادفة (https://www.thanwya.com/vb/forumdisplay.php?f=59)

- - ()::() ميلاد جديد ()::() (https://www.thanwya.com/vb/showthread.php?t=447232)

()::() ميلاد جديد ()::()

http://motherinc.com.au/magazine/ima...ival-guide.jpg
صحيت من النوم
ولسه قاعده على سريري
بفتح عيني وأقفلها
وعايزه أرجع أكمل نوم
لقيت أمي بتندهلي وبتقولي
كفايه يلا ورانا حفله
وقومت عشان ماتزعلشي
وقومت بسرعه غسلت الوش
فتحت دولابي وبقلب كده في لبسي
لقيت فستان
مديت أيدي للفستان وطلعته
وقولت خلاص ماما أنا باللبس
وبعد شويه ومش كتير خرجت بسرعه من أوضتي
لقيت أمي معاها والدي ومنتظرين
وعين فرحانه بالضحكه اللي على وشي
يقول والدي يااااااه
بقالنا زمان مشوفناش ضحكتكـ لينا
وجه حضني
بجد الحضن من ابويا دي نعمه كبيره من ربي
وأول مره من فتره أحس بنبض دقاته قريبه كده من قلبي
وخد ايدي ومسكها وقالي يارب يابنتي
يخليكي
ويهديكي ومنك ابداً متحرمشي
ضحكت ضحكه بصوت عالي فهم معناها في بالي
أبويا اروب
ومد ايده وطبطب على كتفي
نزلنا الشارع
وانا ماشيه بشوف الناس
ياااااااااااااااااااااه بقالي كتير مخرجتش
وحابسه نفسي في قضباني
لما أديت روحي لسجاني
سرحت شويه بخيالي وفجأه انا فوقت
وصوت بابا كان بيقول
ده هو البيت
دخلنا البيت
دي حفله كبيره مليانه ناس
دخلنا أحنا كده من الباب
لقيت قلبي يزيد نبضه
وبرفع عيني بالتدريج
وخايفه ابص في عيونهم
عيون الناس وأه منها
لقيت عينهم كده عليا
الظاهر محدش أتوقع اني جايه
بقالي كتير في حفلاتهم مبحضرشي
فضلت ثابته في مكاني
لقيت أخويا جه حضني
وقالي تعالي معايا
وبأبتسامه معرفش صادقه وإلا كدبه
مشيت وياه
وأنا شايفه عيون الناس
عيون بتقول دي ايه جابها
بقالها كتير مش راضيه تقابلنا
عيون تانيه لقيتها تقولي وحشتينا
وعيون شيفاني مغروره
عيون تانيه بشفقه كبيره مليانه
وعيون نازله فيا تجرح
وعيون فكرتني بحاجه تفرح
وبين عيون الناس في حفله
جريت أبص في عين أبويا
لقيت صورتي ماليه عنيه
وحتى أما بص في عين أخويا
لقيت عنيه جواها صورتي
دموعي نزلت على خدي
ومد ايديه بيمسحها
أخدت ايديه على شفايفي وبوست ايديه وراسه
ووطيت على رجليه أبوس فيهم
ده حقه عليا ده أبويا
حضني ابويا حضن كبير يدفيني
بحس أنا فيه بطفولتي
لقيت الناس حولينا كده تثقف
ونظره عينهم بقت واحده
دموع ماليه كده عيونهم
مكنتش قادره مالفرحه كده أعبر
على شعوري
شعور أنسانه بتبدأ تاني أيامها
كفايه عليها رضا الخالق
ياربي ياخالق الكون
بشوف دايماً رضا ربي
في رضا أمي ورضا أبويا
في فرحه بشوفها في وشوشهم
وضحكه بشوفها في عيونهم
لقيت نفسي سبب فيها
وكل دعايا بس انا ليكـ
يارب بجد لما أموت
متوجعهمش على فراقي
وصبرهم
وأحميهم

بقلمي
كنـــــــــــــــــــــــــــــــــارة

جميل ياكناره واحساسك ومشاعرك رقيقه ربنا يخليكى لبباكى وممامتك يارب

اقتباس:

المشاركة الأصلية كتبت بواسطة كنارة الحب الحزينة (المشاركة 4691085)

http://motherinc.com.au/magazine/ima...ival-guide.jpg

صحيت من النوم
ولسه قاعده على سريري
بفتح عيني وأقفلها
وعايزه أرجع أكمل نوم
لقيت أمي بتندهلي وبتقولي
كفايه يلا ورانا حفله
وقومت عشان ماتزعلشي
وقومت بسرعه غسلت الوش
فتحت دولابي وبقلب كده في لبسي
لقيت فستان
مديت أيدي للفستان وطلعته
وقولت خلاص ماما أنا باللبس
وبعد شويه ومش كتير خرجت بسرعه من أوضتي
لقيت أمي معاها والدي ومنتظرين
وعين فرحانه بالضحكه اللي على وشي
يقول والدي يااااااه
بقالنا زمان مشوفناش ضحكتكـ لينا
وجه حضني
بجد الحضن من ابويا دي نعمه كبيره من ربي
وأول مره من فتره أحس بنبض دقاته قريبه كده من قلبي
وخد ايدي ومسكها وقالي يارب يابنتي
يخليكي
ويهديكي ومنك ابداً متحرمشي
ضحكت ضحكه بصوت عالي فهم معناها في بالي
أبويا اروب
ومد ايده وطبطب على كتفي
نزلنا الشارع
وانا ماشيه بشوف الناس
ياااااااااااااااااااااه بقالي كتير مخرجتش
وحابسه نفسي في قضباني
لما أديت روحي لسجاني
سرحت شويه بخيالي وفجأه انا فوقت
وصوت بابا كان بيقول
ده هو البيت
دخلنا البيت
دي حفله كبيره مليانه ناس
دخلنا أحنا كده من الباب
لقيت قلبي يزيد نبضه
وبرفع عيني بالتدريج
وخايفه ابص في عيونهم
عيون الناس وأه منها
لقيت عينهم كده عليا
الظاهر محدش أتوقع اني جايه
بقالي كتير في حفلاتهم مبحضرشي
فضلت ثابته في مكاني
لقيت أخويا جه حضني
وقالي تعالي معايا
وبأبتسامه معرفش صادقه وإلا كدبه
مشيت وياه
وأنا شايفه عيون الناس
عيون بتقول دي ايه جابها
بقالها كتير مش راضيه تقابلنا
عيون تانيه لقيتها تقولي وحشتينا
وعيون شيفاني مغروره
عيون تانيه بشفقه كبيره مليانه
وعيون نازله فيا تجرح
وعيون فكرتني بحاجه تفرح
وبين عيون الناس في حفله
جريت أبص في عين أبويا
لقيت صورتي ماليه عنيه
وحتى أما بص في عين أخويا
لقيت عنيه جواها صورتي
دموعي نزلت على خدي
ومد ايديه بيمسحها
أخدت ايديه على شفايفي وبوست ايديه وراسه
ووطيت على رجليه أبوس فيهم
ده حقه عليا ده أبويا
حضني ابويا حضن كبير يدفيني
بحس أنا فيه بطفولتي
لقيت الناس حولينا كده تثقف
ونظره عينهم بقت واحده
دموع ماليه كده عيونهم
مكنتش قادره مالفرحه كده أعبر
على شعوري
شعور أنسانه بتبدأ تاني أيامها
كفايه عليها رضا الخالق
ياربي ياخالق الكون
بشوف أنا رضاك عليا
في رضا أمي ورضا أبويا
في فرحه بشوفها في وشوشهم
وضحكه بشوفها في عيونهم
لقيت نفسي سبب فيها
وكل دعايا بس انا ليكـ
يارب بجد لما أموت
متوجعهمش على فراقي
وصبرهم
وأحميهم

بقلمي

كنـــــــــــــــــــــــــــــــــارة

كنارة المنتدى

سلمت يداكى

الأحاسيس هذه المرة رااااااائعة

التفااااااؤل يملؤها

الرغبه فى الحياة والاصرار على البقاء يشملها

هذه هى كنارة التى نعرفها منذ اكثر من عام

سلمت يداااااااااااااااااكى

بارك الله فيكى

خالص تحياتى

ودمتى فى سعادة دائمة هكذا

جميل قوى يا كنارة خوصا فى حديثك عن الاب بجد وصف متميز ورااائع
دام ابداعك حبيبتى

اقتباس:

المشاركة الأصلية كتبت بواسطة ساره جمعه (المشاركة 4691102)

جميل ياكناره واحساسك ومشاعرك رقيقه ربنا يخليكى لبباكى وممامتك يارب

ربنا يخليكي ياساره ياقمر
شكراً لمرورك العطر

اقتباس:

المشاركة الأصلية كتبت بواسطة أبوبسملة ياسر خليفة الطحاوى (المشاركة 4691301)

الحمد لله
شكراً لمروركت العطر
وباركـ الله فيكـ

اقتباس:

المشاركة الأصلية كتبت بواسطة مريم السباعى (المشاركة 4691454)

جميل قوى يا كنارة خوصا فى حديثك عن الاب بجد وصف متميز ورااائع
دام ابداعك حبيبتى

ربنا يخليكي يامريومه ياقمر
تسلمي على مروركـ المميز