((عسى ان تكرهوا شيئا وهو خير لكم)) هام
 

يا جماعة انا واحد عادى داخل مرحلة تانية جايب 92,56 و انا شايف انى فى ناس كتير مولعة و فى ناس عايزه تعمل مظاهرات اهدو و اذكرو الله عايز تظاهر برحتك بس احترم غيرك والعكس و كل واحد يشوف اللى هو عايزه انا كتب مجموعى علشان اقول ده نصيبى و كل واحد جاب اى مجموعى ده نصيبة و اذكرو قول الله تعالى ((قل لن يصيبنا الا ماكتب الله لنا)) واصبروا على مااصابكم ولا تنسوا نحن فى شهر كريم و مبارك و تانى حاجة ناس بيقولوا فى ناس كانت بتغش ده ربنا مش هيسبها وليها عقابها ويا ريت كل واحد يركز فى مجموعه واى كليه تجيله يقول الحمد لله و اذكروا الله دايما ولا مانع من الحزن عن فقدان الحلم لكن هذه صفحة ايام وتنتهى و الصفحة القادمه الاهم والله يوفق الجميع

بس احنا بردوا ناخد بالاسباب ولازم نوقف المهزلة دى طبعا لو الطب اكثر من 98.5 ونصف يعنى معنى كدا مش هندخل كلية محترمة

كلام حضرتك مظبوط

فعلا معك حق اخونا الفاضل
الله المستعان

بس للاسف هما قدمهم عدد يا اخ على و لسه لحد دلوقتى ما بنتش الرؤيه الحقيقية

هو ده الكلام المحترم
الواحد في غمرة انفعاله مش بيشوف صح
الكلية اللي تستوعب 100 هتاخد 107 السنة دي
طب هيعملوا ايه يحطوا فيها 200 لا هيلاقوا تعليم ولا معامل ولا قاعات لمجرد انهم يدخلوا ناس الكليات؟
ربنا عرفوه بالعقل الكليات ليها طاقة استيعابية يا ناس

انا عارف ان كل كلية ليها عدد محدد وطاقم تدريس معين ومعامل
بس انت لما تيجى وتبص على المجاميع هتلاقيها مرتفعة وبدل مثلا لما الجامعة تاخد 500 تاخد مثلا 600 او 650 ولاحظ ان فى ناس اصلا مبتحضرتش الكليات وبيقعدوا على الكافتريات برة يعنى هما بيعملوا علينا شو اعلامى واحنا بنصدق وعلى فكرة انا جبت خبر من جريدة الاهرام

قرر مكتب تنسيق القبول بالجامعات والمعاهد العليا قبول‏151‏ ألفا و‏114‏طالبا بالمرحلة الثانية لتنسيق الحاصلين علي الثانوية العامة بحد أدني‏327.5‏ درجة بنسبة‏79.88%‏ من المجموع الكلي لدرجات طلاب الشعب العلمية و‏296‏درجة بنسبة‏72.2%‏ من المجموع الكلي لدرجـــات طلاب الشعبة الأدبية‏.‏
وصرح المهندس أحمد عبدالعزيز المشرف العام علي مكتب التنسيق بأنه سيتم فتح موقع التنسيق الإلكتروني لاستقبال رغبات طلاب المرحلة الثانية اعتبارا من بعد غد الإثنين ولمدة‏5‏ أيام علي أن يتم فتح الموقع مجددا لإجراء تحويلات تقليل الاغتراب لمدة يومين عقب إعلان نتيجة المرحلة الثانية‏.‏
وأشار عبدالعزيز إلي أنه سيتم استقبال طلاب الشهادات المعادلة العربية والأجنبية اعتبارا من الأربعاء المقبل أول أغسطس وحتي‏13‏ أغسطس لصرف استمارات اختبارات القدرات للطلاب الراغبين في الالتحاق بكليات التربية الرياضية والفنية والسياحة والفنادق والفنون التطبيقية والجميلة‏.‏
من ناحية أخري كشفت المؤشرات النهائية لتنسيق المرحلة الأولي المقرر إعلانها غدا عن مفاجآت سارة لطلاب الشعب العلمية حيث نجحت اللجنة العليا للتنسيق في السيطرة علي الارتفاع الجنوني المتوقع للحد الأدني للقبول بكليات الطب والصيدلة وطب الأسنان بعد موافقة المجلس الأعلي للجامعات علي بدء الدراسة بعدد من الكليات الجديدة من بينها كلية طب الأسنان بجامعة اسيوط وكلية الحاسبات والمعلومات بجامعة بني سويف الأمر الذي قلل من الارتفاع القياسي المتوقع للقبول بالكليات وأدي لتراجع القبول بكليات الطب إلي أقل من‏99%‏ من المجموع الكلي للدرجات بما يرجح توقف الحد الأدني للقبول عند‏98.4%‏
وأشار مصدر مسئول باللجنة العليا للتنسيق إلي أن طلاب المرحلة الأولي شغلوا جميع الأماكن في كليات القطاع الطبي وكليات الهندسة بينما تبقي كثير من الأماكن المتاحة أمام طلاب المرحلة الثانية بكليات الحاسبات والمعلومات‏.‏
وأشار المصدر إلي أنه ستتاح فرصة الالتحاق أمام جميع طلاب المرحلة الثانية بكليات جامعية مثل كليات العلوم والتربية والتجارة والحاسبات والمعلومات والتمريض والآداب والحقوق ودار العلوم والخدمة الاجتماعية والزراعة بالإضافة إلي أماكن محدودة بكليات الطب البيطري‏.‏

http://massai.ahram.org.eg/Inner.asp...ontentID=59769

جزاكم الله خيرا

انا معاك يا اخ على بس احنا فى بلدنا مفيش حد بيفكر كده و بصراحة فات الكتير و مبقاش غير القليل و شكرا على الخبر و لكن انا منتظر الكلام الرسمى لان كل جرنال له كلام شكل و ربنا يوفقك

ان شاء الله يكون دا الاقرب الى الصواب