مدني ولا معماري
 

يا جماعه لو سمحتم كل اما اسأل حد عن المهندس المدني والمهندس المعماري ......يقولي بكل بساطه
المعماري رسم.....والمدني تنفيذ
_هل ممكن يا جماعه حد يشرحلنا الدراسة في القسمين والمواد ........وحاجه رخمه كده كمان.......بصراحه انا بكره الرياضه ولاكن بذاكرها قوي...فيا ترى اي قسم في الاتنين بيعتمد على الرياضه اكتر ولا دي حاجه ملهاش دخل بالرياضه اصلا
ارجووووووووووووووووووووووووووووووكم ساعدوني

العمارة بها الكثير من الرسم ويعتبر الحس الفني اضافة جيدة للمعماري

المدني بيعتمد على الكثير من الحسابات ويقوم بها الكمبيوتر ولكن يجب ان يكون لديك الحس الهندسي لتحكم على صحة النتائج في حالة وجود أخطاء

ملحوظة: في النهاية غالباً الاثنين بيشتغلوا تنفيذ وشكراً

نصيحة:
هذا الموضوع قتل بحثاً على مدار الدفعات السابقة فابحث بنفس عنوان الموضوع في جوجل

وفقك الله

راى الاستاذ دة صح الاتنين بيكملوا بعض

المعماري بيصمم المباني و يخطط المدن و الاراضي و الميادين و التصميم الداخلي
تصميم شامل لرسومات تنفيذية لكل فتفوته في المبني يعني بتحدد طرق تنفيذ و تشطيب المبني كامل عاللوح من خلال القطاعات المختلفة

المدني بيصمم القطاعات الخرسانية و القواعد و الكمرات و الاساسات و كده و برضو شغله ف الكباري و الانفاق و غيرها

يعني م الاخر المعماري بيصمم المبني و المدني بييشيله

لكن المعماري و المدني بيرسموا و بيصمموا ده بيصمم تصميم معماري و ده تصميم انشائي و الاتنين بينزلو الموقع

اقل قسم ف الرياضة هو عمارة بالتأكيد مبتاخدش رياضة غير ف اعدادي بس

عمارة اقل في المذاكره بس مجهود بدني عالي عشان المشاريع و اللوح اللي مبتخلصش

مدني بيحتاج مذاكرة كتييير

أرجو اني اكون افدتك و ف الاخر اختار اللي تحبو :)