هـ ـل صـ ـحيح الاطـ ـباء يحتـ ـقرون الـ ـصيادله ـ؟
 

سيبك من كل الكلام ده عشان ملوش اي 60 لزمة
ادخل اللي انت مقتنع بيه و خلاص
ولو حد كلمك نص كلمة و احتقر انك صيدلي يبقى العيب من عنده مش من عندك

ولو الأطباء بيحتقروا الصيادلة دا حيضرك في ايه ؟ حيقولوا للناس ما تشتريش أدوية ؟

اه طبعا ً عشان هو بيدرس 7 سنين غير سنوات الجيش و بعدين سنوات الماجستير دة غير التكليف و بعدين الزمالة و انت باشا يادوبك خمس سنين و بتخرج بتكسب ما شاء الله فلوس حلوة و هو بعد الموال دة ياخدله فلوس تعبانة و مابيكسبش غير لما يتشهر و يكون ليه اسم و صيت و دة بعد سنين من العمل

بأي حق يحتقروهم يعنى هما لو مافيش صيادله هيبقى ايه لزمة الدكاتره اساسا
بالنسبة للادويه يعني

و لما هو كده ايه اللي اجبر سعادته يدخل طب معلش يعني :rolleyes:
ده حتى صيدلة تنسيقها اقل ولا انا بيتهيألي ؟!

وبعدين صيدله الفرق بين وبين طب 5 او 6 درجات يعنى مش مقياس خالص ده راىى

هههههههههههه هو انا طايل صيدلة أصلا ً ... انا لسه مدخلتش حاجة و جايب في ثالثة 97.56% و بدعي ربنا إن صيدلة تيجي ... كلمة دكتور تحفيزا ً ليا عشان انا محبط مش أكثر ... بس صراحة ً كان نفسي في طب و بعد اللي عرفته عنها لو كانت جاتلي كنت حدخل صيدلة وش

لا انا متكلمتش عنك
انا برد على اللي انت بتقوله
لما هو كده يعني قاتلين نفسهم ليه على طب ؟

طب ايه وكام فاضى الطبيب انا شايف ان شغلته الاساسيه هى العمليات مش اكتر لكن كله هجص فى هجص والصيدلى يفهم اكتر منه

لا مؤاخذة فهمت غلط ... بس أغلب اللي بيدخلوا طب بيبقوا جايبيين مجاميع عالية أوي و أعلي بكثير من صيدلة و رغم إن بعضهم مش حابب طب بس بضغط من الأهالي بيدخلوها بحجة إنهم مستخسرين المجموع العالي اللي جابوه و عيب يتساوي بمجاميع الصيدلة ... و في بيبقوا داخلينها عشان رغبتهم بس ميعرفوش النظام اللي ماشي بعد التخرج و فاكرينها 7 سنين دراسة و السلام و اللي كثير ميعرفهوش إن الدكتور عمره ماحيفتح عيادته الخاصة بدون ماجستير اللي اقل سنوات دراستها سنتين و نص و حسب شطارته بأة ممكن ياخدها في اربعة او خمسة و غير سنوات الجيش و نفس الموال اللي قلتهولك ... و مقارنة ً عملية و مادية كمان أسنان و صيدلة أحسن من طب ماديا ً عشان الخريجيين بيكسبوا أسرع غير الطبيب اللي حيشتغل في مستشفيات حكومية تبع التكليف و موال الماجستير عشان يعرف يفتح عيادته لكن الصيدلي بيفتح صيدلة أو يشتغل في مصانع أدوية و الأسنان بيتخرج و يسافر برة بعدين يفتح عيادته بأحدث الأجهزة و المعدات الطبية ... و لو قارنا بين الثلاثة أحسنهم صيدلة بلا منازع و خصوصا ً الصيدلة كلينيكال اللي تخلي الصيدلي صيدلي و دكتور في نفس الوقت بحكم إنه دارس أدوية بتوسع و درس في أخر سنتين مواد الطب ... يعني ممكن يشخص و بيحدد الأدوية و الجرعات للمريض بس دة في مستشفيات برة مش في مصر و بيقولوا حيطبقوها بعدين يعني ... من ناحية عملية الصيدلة الاحسن في كل شيء و ربنا يكتبهالي يارب ... عذرا ً علي الإطالة

بالظبط كدة ... و في قسم صيدلة كلينيكال بتبقي أحسن كمان من الدكتور و فاهم أكثر منه في الأدوية و بتبقي دارس مواد في الطب ليها علاقة بالامراض و الذي منه ... يعني تقريبا ً مفيش فرق و دة اللي حمسني لصيدلة و باذن الله اخشها

بصوا يا جماعة انا في طب و للأسف معظمكم فاهم الموضوع غلط خالص
دي كلية و دي كلية .. ده تخصص و ده تخصص و متصحش فيه المقارنة اصلا
يعني مفيش دكتور زي الصيدلي و لا في صيدلي زي الدكتور
احنا في طب بحكم مهنتنا لازم نعرف الأدوية ( علم الفارما ) أو الصيدلة لأن لازم نوصفها
صيدلة كمان بياخدوا فارما و دي الحاجة الوحيدة المشتركة في دراستنا .. و حتى دي بتختلف
احنا بندرس كل دواء من وجهة نظر يتاخد في ايه و يتمنع في ايه و آثاره الجانية و الأدوية التانية اللي ينفع يتاخد معاها أو لأ مع نبذة عن التركيب الكيميائي
الفارما في صيدلة بيدرسوا التركيب الكيميائي للدواء يعني المجموعة الفعالة و طريقة شغلها و تفاعلاتها و طريقة تحضريها زي الكيمياء كده مع نبذة عن الاستخدام الطبي مع عدا كلينيكال فهما بيتوسعوا في ده شوية
....................
المسألة ان في مصر الوضع معكوس .. وضع شغل الصيدلي اللي بيتخرج عشان يفتح صيدلية يكسب منها كتجارة أدوية بتحتم على ناس تلغي معرفته الطبية كدكتور
في حين ان دور الصيدلي الحقيقي انه يشتغل هو و الدكتور في صالح المريض ... انا بشخص و بوصف الحالة و دي مهمة طب الأساسية و الصيدلي بيساعدني على اختيار انسب دواء لمريضي حسب ما انا أوصفله حالته
الدكتور اللي شايف ان الصيدلي مجرد مصرف للدواء يبقى غلطان لأن المفروض الصيدلي بيصنع الدواء
و الصيدلي اللي شايف ان دوره زي الطبيب في التشخيص و معاينة المريض يبقى غلطان لأن شغله مع الأدوية
لو كل واحد التزم محل وظيفته هنوصل لطريق أفضل