اية يا جماعة عملتو اية فى ظل التنسيق المجنون دة ؟طمنونى بالله عليكم
 

السلام عليكم
اية يا جماعة طمنونى كل واحد جاتلة اية
ربنا يكرمكم ويوفقكم كلكم
وادعولىىىىىىىىىىىىىى كتير لانى مصدومة من التنسيق اللى جالى
ومنهارة وعمالة اقول الحمد لله ومش مصدقة انى 98,66 وملحقتش طب اسنان حتى :o
الحمد لله
وباتمنى ربنا يوفقكم

صيدله المنصوره والحمد لله

انا عن نفسى فى تانية ثانوى وجبت 98,3 ربنا يستر بقى السنة اللى جاية بس انا عمرى ما اتخيلت ان الطب ممكن يوصل 410,5 حاجة غريبة اوى ومبروك عليكى الصيدلة هى مش وحشة انا اعرف ان البنات احسن حاجة ليهم الصيدلةواحب اقولك "" وعسى ان تكرهوا شيئا وهو خير لكم ""

الحمد لله صيدلة اسكندرية بس يا حبيبتى مش تزعلى ولا تنصدمى قدر الله وما شاء فعل وصيدلة على فكرة جميلة والله بجد وانا والله والكل عارف كنت هموت وادخل اسنان بس الحمد لله الخيرة فيما اختارة الله

ان شاء الله الصيدلة تكون احسن وافضل بالنسبالك ...... لعله خير ......... ربنا يوفقك

الف الف مبرووووووووووووك
شد حيللك وربنا يوفققك
واتمنى على سنتكم التنسيق يبقى افضل من كدة
الف الف مبروك حببتى
اللهم لك الحمد والشكر
يارب ارزقنا الرضا
وبالتوفيق لينا كلنا

انا علوم طنطا :)

الف مبروك ليكى ياجميل
وبالتوفيق

الف مبرووووك ليكي مقدما
ربنا يوفقك ويكون في عونك يااااااارب
دلوقتي الاحسن انك تفكري ازاي تنجحي في كليتك يا دكتورة
واكيد ربنا خلاكي في الكليه دي علشان الخيرة فيها
ربنا معاكِ ياااااااااارب

انا لسه داخله ثالثه
قوليلي بقى يا دكتورة هو انا ممكن اعلي نسبتي السنه الجايه ؟؟
انا جايبه 96.3% علمي
كمان انا محتارة اكمل ايه علمي علوم ولا رياضه في ظل التنسيق ده
ممكن رأيك يا دكتورة ؟؟
كمان هو ازاي ممكن اجيب مجموعك ده (ماشاء الله )؟؟
معلش بقى على الرخامة والتطويل ده :)
ربنا يوفقك :)

جزاكى الله كل خير اولا
ايوة طبعا تقدرى وبكل سهولة تعلى نتيجتك
عايزاكى تبقى داخلة تالتة ثانوى انك حاطة فى دماغك انك هاتجيبى 100%زائد خمس درجات مستوى رفيع
وانا واللله باتكلم جد
سيبك من درجاتنا
وسيبك من تنسيقنا الزبالة دة اللى مش هايتكرر ابد ابد ان شاء الله فانتى دلوفتى على حسبتى هاتجيبى 99.55 %
دة يكون هدفك اوكى
وعلشان نكون واقعيين نقول هاننقص نص فى العربى علشان التعبير ونص فى العنجليزى علشان البراجراف ونص هنا ونص هنا وكفاية كدة نقص درجات و يبقى مجموعك لازم ميقلش عن 99%
خلاص توعدينى!!!!!!!!!!!!!!!!!!!!
اما بالنسبة لحكاية علوم او رياضة فانتى شوفى بتحبى اكتر احياء ولا رياضة
ولو احتاجتى اى مساعدة يا جميل انا تحت امرك

ربنا يوفقك
وييسر لك الامور ويقدر لك اللى فية الخير