انا رحت سألت عن التحويل .....
 

السلام عليكم ..... انا رحت النهارده مكتب التنسيق اللي انا قدمت فيه و سألتهم عن التحويل قالو ان التحويل الالكتروني بيفتح بعد نتيجه المرحله التانيه و ويبقي فيه تحويل للمرحلتين الاولي و الثانيه و ان لا قدر الله لم يتم قبول التحويل يبقي عندك فرصه تانيه بالتحويل الورقي و ده يبقي في اداره الجامعه اللي عندك و قالي متقدمش في الكليه اللي اترشحتلك الا بعد ما تعرف نتيجه التحويل عشان لا تضطر انك تروح هناك عشان كده كده الورق اللي بتقدمه هناك بيجي هنا عندنا تاني فانت استني نتيجه التحويل و قال كمان متقلقش انك تقدم متأخر ما دام اسمك هناك في الكليه اللي اترشحتلك لو لم يوفقك الله و انت ممكن تقدم حتي لو اول يوم دراسه ...... و يا ريت اللي راح او عنده معلومات جديده او زي دي يا ريت يكتبها عشان التأكيد فقط

يعنى خلااااااااص التحويل مش زى مابيقولوا النهاردة او بكرا ؟طب والمرحلة التانية هتنتهى امتى ؟؟ و نيجتها هتظهر امتى؟؟

طيب لو سمحت انا عايز احول من طب بنها للزقازيق على نصف درجه..يعنى لازم استنى لما التحويل الالكترونى يبدأ؟؟ولا ممكن اقدم تحويل ورقى من دلوقتى؟؟
وهيبقى على موقع ايه بالظبط؟؟وبيظهر فى كام يوم يعنى لو سمحت طمنى انا قلقان اووى من الحكايه دى وبعدين هما كتبوا فى الجرايد التحويل هيبدأ بمجرد اعلان نتيجة المرحله الاولى لمدة يومين..انا مش فااااهم حااجه خاااالص

بص ع اللى سمعته انك تستنى للتحويل الالكترونى عشان اسهل و ماتقلقش هيكون اقل من اسبوع من دلوقتى و لو ع نصف درجة او درجة كمان عادى التحويل بيتقبل ع نص درجة او درجة و ان شاء الله تقدر تحول و التحويل الالكترونى بيكون ع الموقع اللى سجلت منه ف مربع اسمه تقليل الاغتراب بتدخل تكتب 3 رغبات و بيكون اول كلية اللى انت عايز تروحها و بيبقا ع الموقع لمدة يومين و بعدين تستنى النتيجة ف خلال 3 ايام و أذا لا قدر الله ماتقبلتش و دا مش هيحصل ان شاء الله هتروح الكلية اللى ترشحت فيها مالاول تجيب ورق وشوية حاجات بتعمل شوية اجراءات و تقدم التماس علشان تروح الكلية الى انت عايز تروحها و ان شاء الله هتتقبل المشكلة دلوقتى ف ميعاد التحويل الالكترونى عشان مابقناش عارفين نصدق مين

هو المرحله التانيه غالبا هتستمر لنهايه الاسبوع زينا كده و النتيجه بتظهر بعدها بيومين ولا حاجه زي اللي حصل معانا و حكايه نص الدرجه دي هم قالولي انها بتبقي مضمونه جدا و كمان السنه اللي فاتت تم قبول جميع التحويلات و قالي اعمل التنسيق الالكتروني الاول لانه بيخلص علطول و نتيجته مش بتتأخر انا لا قدر الله تم رفضه تروح تحول ورقي عند اداره الجامعه اللي انت عايز تحول اليها ......... و موضوع الجرايد ده سيبك مه اهو شفنا كل يوم يطلعوا توقعات تنسيق شكل و لا حاجه جات منها في الاخر و كلام كله هكس و يا رب ناولنا كل اللي بنتمناه و الكليه اللي عايزها

اه نسيت التحويل الالكتروني من موقع التنسيق نفسه

انا رحت مكتب التنسيق فى كلية الصيدله جامعه المنصوره و المهندس الى هناك قالى ان التحويل الالكترونى هيبدأ انهارده او بكره لمدة 48 ساعه انما الورقى هو الى بيتأخر

عايز احول كليه بره توريع حغرافي

شكرااااا جداا على المعلومات لكم جميعا..وفعلا الجرايد بقت حاجه صعبه وكل جريده تقول كلام على مزاجها وكل شئ غير منظم ومواعيد ملخبطه يلا ربنا يسترها معانا

خليكوا متابعين بس مع موقع التنسيق

مشكلتى نفس مشكلتك عايزة احول من طب اسنان لسكندرية لاسنان عين شمس

ماحدش يعرف الخط الساخن لمكتب التنسيق اكلمهم اسألهم

التحويل امتى با يجدعان عايزين كلمة اخيرة

19468....................