واتصدمنا..........كلنا
 

اكيد كله اتصدم بعد التنسيق الخيالي اللي طلع......هههههه.....وغير كده قرار النقابة الموقرة اللي ظهر .....انا مستقبلي ضااااااااااااااااااااااااااااااااااع
ارجوكم يا جماعه قولولي اعمل اه واللهي انا محبط ومن ساعة التنسيق الغبي ده ما ظهر ومنمتش
انا جايب 80%.....ومش عارف اعمل اه.....وكنت ناوي ادخل هندسة خاصة......بس دلوقتي القرار الجديد بتاع النقابه ده كده هيأثر ............
ياترى اكيد القرار ده هيتنفذ...ولا ممكن يتوصلوا لقرار معين مع المجلس الاعلى للجامعات.......ولا هو كلام وخلاص ..........واه رايكم في كلية العلوم الخاصة اه رأيكم في مستقبلها ولا لو عندكم حلول ارجووووووووووووووووووووكم ساعدوني قبل ما الوقت يفوت واعتبروني اخ من اخواتكم.....:(:(

يا معلم انت زى اخونا من غير اى حاجه وكلنا بنفكر مع بعض و بالنسبه للقرار المهبب اللى نزل علينا من السما ده ممكن يتلغى معرفش بصراحه بس البيروقراطيه المصريه تخلينى افكر كتير لو كنت مكانك بس فيه كام حاجه اولا النقيب الحالى ممكن يمشى قبل ما تتخرج لاحظ انك هتدرس 5 سنين وكمان الطلبه اللى بيدخلوا جامعات خاصه دول فى كتير منهم ولاد ناس كبيره فى البلد ومعرفش تفتكر ممكن يسكتوا على كده مهو اللى ليه دهر ميضربش على بطنه ولا ايه وكمان هو مش ضد دول وبس لاحظ انه ضد الجامعات الخاصه ومنها الدوليه كمان وبالطريقه دى هيخسروا عدد كببر وده بيسنس بملايين و تدخل صريح فى سياسه التعليم اللى هى طبقيه فى الاساس ومش كل من وقف جنب الحنفيه تبقى بتاعته يقطع ويشغل الميه براحته

القرار الاغبر ده لو هيتنفذ لازم موافقة التعليم العالى

احتمال العام القادم لان التنسيق نز خلاص %70 هندسه

يا جماعه القرار ده ملوش دعوه بالتنسيق ده للالتحاق للنقابه لان النقابه راسلت المجلس الاعلى للجامعات علشان يخفض عدد المقبولين ويرفع الحد الادنى للقبول بس محصلش استجابه والموضوع ده قديم ومش بس نقابه المنهدسين نقابه الاطباء كمان عملت مشاكل بسبب الموضوع ده ورفعت قضايا وكسبتها فالقرار ده نوع من التصرف الفردى من قبل نقيب المهندسين يعنى من الاخر بيقولهم ادلهم شهاده واحنا مش هنقيدهم فى النقابه ملناش دعوه بيهم

القرار خلاص يعتبر سارى من السنادى وموجود فى نص القرار ونحن نعلن ذلك قبل يدء تنسيق القبول للكليات والمعاهد الخاصه يعنى القرار مش نازل من يوم ولا اتنين.
تانى حاجه قبولك باالكليه والمعهد حاجه والنقابه حاجه تانيه يعنى انت ممكن تدرس وتكمل دراستك لكن مش حتقيد بالنقابه لانك بعد كده حتقدم شهادتك وشهاده الثانويه العامه دا بالنسبه للخاص ولو مش مستوفى الشروط مش حتقيد بالنقابه

هو عمتا اى نقابه تعتبر سيده قرارها يعنى محدش يقدر يتنى لها كلمه .

يعني خلاص كده مفيش امل اني الموضوع ده يتحل والنقابة تقعد مع رئيس المجلس الاعلى للجامعات ويحلوا الموضوع ده عشان ميحيروش الطلبه واحنا منقدرش نتواصل مع المجلس الاعلى للجامعات ده عن طريق النت او رقم تلفون حتى نستفسر ا اي حاجه
تاني حاجه محدش عنده اي معلومات عن كلية العلوم الخاصة ارجوكم سا عدوني

طب ايه رايك فى علوم حاسب

يعني نظام مهندس كمبيوتر ومبرمج والكلام ده