|
جامعة طنطا .. الأعداد كارثة
كارثة جامعة طنطا خفض اعداد المقبولين في الجامعة لأكثر من النصف ... طلاب طب طنطا الكلية تستوعب 1000 و السنة دي 400 طب اسنان الدفعة 300 و السنة دي 123 صيدلة الدفعة 1100 و السنة دي 470 هندسة الدفعة 1200 و السنة دي 525 هل هي دي النسبة المحكوم علينا بتقبلها كقانون خفض اعداد ؟؟ لم يتم زيادة العدد لم يتم تثبيت العدد و لم يتم حتى خفض العدد بنسبة 15 % كما ينص حكم المحكمة ده و الأعداد زيادة و المجاميع عالية و لو تكرر كده في كل جامعة يبقى كان لازم مصيبة التنسيق دي تحصل و حسبي الله و نعم الوكيل |
انا عايز امشى منها اصلا الجامعة دى انا جالى الهندسة فيها ومش عايزها ربنا يسهل واحول
|
معلش في كلامي اللي حقولوا :. كلام الوزير طبعا الخفض دا سببوا لاعمامكم العرب اللي عايزين يتعلموا في مصر
مش معقول نرفض ناس جايه لمصر عادي يحرق ابو الشعب علي اللي جابوا ايه يعني لما ننزل عدد المقبولين ولاوم يطلعولك حجه علشان تسكت لازم نعمل ثوره الثانويه العامه وقفه احتجاجيه ضد الظلم مبارك كان ارحم فينك يا ضمير |
الكلام ده مستحيل
فين مصدر الكلام ده |
اللي بيسأل يدخل موقع الأستاذ التعليمي عامل حصر للأعداد
ادخلي شوفي ( مين معاك في كليتك ) و قارني بين السنة دي و السنين اللي فاتت ممكن ميكنش الموقع نزل السنين اللي فاتت بس انا كاتبة اعداد دفعة ( 2011 ) و احنا دفعتنا ( 2009 ) اكتر منهم بكتير |
الناس اللي بتسألني عن مصدر الكلام ده ..
انا في جامعة طنطا و ماسكة كشوفات دفعة يعني عارفة العدد بالماليزيين بالاجانب بالمعادلة و كله بالتفصيل ده بالنسبة لطب باقي الكليات اتصلت باللي ماسكين برضه بيانات الدفعة من صحابي و جبت العدد منهم عدد المقبولين السنة دي هتشوفوهم بسهولة على موقع الاستاذ و انتوا بتشوفوا اعرف مين معاك في كليتك و بالنسبة للناس اللي لسه هتعمل تقليل اغتراب فدول نسبة 10 % يعني مش هيغيروا الحسابات لو كانت حقيقية انا دورت عليه بنفسي منقلتوش و يقدر اي واحد يدور و يشوف هيوصل لإيه لعلي اكون مخطئة و اتمنى لأن اللي بيحصل ده حرام و مش حرام بس عشان ناس ملحقتش كليات القمة دي حرام لان العدد هيتراكم و ناس كده مش هتلحق كليات اصلا |
بس موقع الاستاذ كاتب صيدلة طنطا 927
ال 470 دول ال داخلين صيدلة طنطا من محافظة الغربية اكيد انت اخترت كلمة محافظتك اختار كلمة جميع المحافظات وانت تتأكد وطب طنطا 555 طالب اما الباقى معرفش الحقيقة |
أنا دفعة هندسة طنطا السنة اللى فاتت
اول ما رحنا اتصدمنا بالعدد الرهيب و المهزلة فى المدرج و غيره من امكانيات وكيل الكلية قالنا ان الكلية طلب من التعليم العالم 400 طالب للدفعة و دى المكانياتها التعليم العالى بعد التوزيع الجغرافى و غيره بعت ضعف العدد و زاد عليهم الوافدين من الخارج و الدبلومات ,, العدد وصل فى كشوف ارقام جلوس الدقعة لـ 1400 طالب يعنى زاد 1000 واحد !!! فا يتهيألى الارقام دى مش سليمة , لان لسة بدرى .. كمان نصيحة للى جاى طنطا ,,, الكلية و امكانياتها زى الزفت و هتكره العيشة لكن الشئ الوحيد اللى يميزها الطلبة و مساعدتهم لبعض و البرانشات النشيطة و التعليم خارج نطاق منهج الكلية نهائى ... بأكد تانى ,, فكر الف مرة قبل ما تروح هناك ؟؟ قد المرمطة ^^ |
| جميع الأوقات بتوقيت GMT +2. الساعة الآن 05:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.