مقارنة بين حاسبات قاهرة و عين شمس
 

انا عارف ان سؤال دا اتسئل كتير بس انا ميال للقاهرة (بسبب الاسم و سمعة و ترتيب العالمي للجامعات ) بس انا شايف ان عين شمس فيها اقسام اكتر و دراستها اصعب و تنسيقها اعلي ( و دا يدل علي الاقبال) و اناالحمد الله جايب 384.5 يعني في اول المرحلة تانية
ارجو المقارنة مبينهم و ياريت يكون في اقصي حد من حيادية
ارجو دكر مكان كل كلية و هل هي قريبة من المتروا ولا لأ
و ياريت ذكر الكورسات الي لازم تتاخد اثناء الدراسة و اي اكتر قسم ترشح دخوله و متي

انا بردو جايب 348.5 و محتااااااار جدااا

اختار الأقرب لبيتك d:

و لو ربنا كتب لك القاهرة أنصحك بجد تحضر ده

http://www.facebook.com/events/399502253442358/

التفاصيل جوا لو عندك أي سؤال اتفصل :)

صعب المقارنة بين الكليتيين لان مفيش حد دخل الاتنين ويقدر يقارن بنهم... وفي الاخر هما الاتنين قريبيين من بعض جدا
حاسبات عين شمس موجودة في الحرم الرئيسي في العباسية ممكن توصلها عن طريق المترو .. ومعرفش بصراحة القاهرة فين
الاقسام فين القاهرة بتبقى من سنة 3 وفي عين شمس من سنة 4 .. مش عارفة دي ممكن تبقى ميزة ولا عيب .. بس هية فعلا موضوع الاقسام مش بيفرق اوي اصلا .. في الاخر كل واحد بيطلع يشتغل في المجال اللي بيحبه حتى لو كان مش داخل القسم بتاعه
يقال ان دراسة عين شمس اصعب .. وده اعتقد ميزة لانه بيديك خبرة في ان ازاي الواحد يقدر يشتغل وهوة مزنوق .. وفي نفس الوقت معرفش اذا كان دراسة القاهرة اسهل بكتير ولا تقريا نفس المستوى
لو هتعمل تصويت هتلاقي اللي من القاهرة بيقول القاهرة واللي مين عين شمس بيقول عين شمس .. فملهاش لازمة
معنديش فكرة عن موضوع الترتيب العالمي للجامعات .. بس معتقدش هيفرق كتير يعني .. اكيد جامعات مصر كلها في ذيل المجموعة ومتقاربيين مع الاسف
لو هنتكلم عن الدكاترة والمعديين في عين شمس .. اغلبهم ناس كويسة جدا وكفاءات وبيحبوا يساعدوا جدا .. وهتلاقي اكيد ناس شاذة عن القاعده مع الاسف بس مش بيأثروا على الجو العام في الكلية

في الاخر احب اقول انها مش فارقة خالص هية في الاخر شهادة هتقدم فيها للشغل وفي الاخر بيقيموك لى مدى مهارتك وفمهك وقدرتك على العمل الجماعي ومهارات التواصل ... وغيرها واغلبها مش هتبقى واخدها من الكلية اصلا
يعني من الاخر استخير وشوف اللي اقرب لبيتك وتوكل على الله وقدم :) ربنا معاكم ان شاء الله

الاتنين كويسين و ليهم مزايا . عين شمس الدراسة فيها تقيلة و فيها كوادر كتير فى ميكروسوفت و جوجل و غيرها و القاهرة كويسة اسم و العاصمة و فيها كوادر كتير فى شركات محترمة .. فمتحتارش الاتنين كويسين .

ربنا يوفق الجميع يارب و يصلح احوالكم و احوال المسلمين

عين شمس , بس الاتنين قريبين من بعض .