|
الجامعات الخاصه وكلية الهندسة ونقابة المهندسين ؟
السلام عليكم كنت عايز أعرف لو حد قدم في كليات هندسة خاصه ولا لا ؟ لأن النقيب من يومين قال انه هيمنع قيد كليات الهندسة الخاصه الي جايبين أقل من الحكومه 5%! وده على الرغم من تنسيق الجامعات الخاصه نزل من بدري أوي 70% هندسة و 78 أسنان وصيدلة و 88% طب وطبعاً هو أعلى من تنسيق السنه الي فاتت .. أنا أعرف كتير دخلوا جامعات خاصة وكلهم جامعات معتمده زي 6 أكتوبر والبريطانية والجامعة الحديثة mti وجامعة العلوم والاداب msa .. بس عايز أعرف قرار النقيب ده هيتنفذ عافيه فعلاً على الرغم من انه مش قانوني ؟؟ ولو كده ليه التنسيق للخاص نازل بعد النتيجه مباشرة من وزارة التعليم العالي ب 70% هندسة ما كانوا يخلوه 85% مثلاً ولا حاجه وخلاص !! |
الكلام ده صح
ومع احترامى لاى واحد داخل هندسه خاصه خساره الفلوس البيدفعها دى هو بيدفع الفلوس دى كلها علشان ياخد لقب مهندس دا بيتعلم بفلوسه يعنى هينجح يعنى هينجح وفرص الشغل فى الخارج والداخل قليله لان بتوع هندسه الحكومى قاعدين على القهاوى فابتاع الخاصه هو الى هيشتغل |
الارزاق بالله
|
اقتباس:
مفيش حاجه اسمها بيتعلم بفلوسه يعني هينجح هينجح إلا بأه لو بيتعلم في معاهد تحت السلم في كليات خاصة مستواها التعليمي ممتاز .. وفيه حاجات مستواها التعليمي متوسط ومُرضي الي بيدخل الكلية علشان يبقى مهندس وخلاص اسماً هيسقط ومش هيعرف يكمل أو هيتخرج حمار .. وزي فيه ما فيه البعض في الكليات الخاصه مستواهم وحش فبرده في الحكوميه فيه بيتخرجوا مبيفهموش حاجه بالنسبة لفرص الشغل فانت لو كويس هتلاقي فرص شغل كتيير وأخويا شغال في شركة هواوي في القرية الذكيه وهو خريج كليه هندسة خاصه ومن غير واسطة وده أول تعيينه ليه وكان جايب في الثانوية العامة 78 في الميه !! أهم حاجه ان الكليه تكون معاها معادلة وزارة التعليم العالي والتدريب السنوي في الشركات ..و بعد كده فالموضوع بيرجع ليك ومدى اجتهادك في الكلية لأنها مش سهلة وبالنهاية الموضوع في الشغل بالذات نصيب وتوفيق من ربنا وربنا يوفق الجميع |
اقتباس:
|
اقتباس:
وبالنسبه لموضوعك يابشمهندس ايمن انا اللى فهمته من خبر نقابه المهندسين ده ان الكلام ده حيطبق لغير الحاصلين على مجموع اققل من الكليات بنسبه 5% والمعاهد بنسبه 10 % |
بس نصيحه لو حتدخل هندسه خاصه
يبقى اتوكل على الله وادخل هندسة الشروق واسال على موضوع النقابه ده |
اقتباس:
ماهو لو هيتطبق كان المجلس الأعلى للجامعات نزل بتنسيق الجامعات الخاصه ب 89% مثلاً بس هو نزل قبل القرار ما ينزل .. 70% هندسه وطب 88%وصيدله واسنان 87% وكمان هو الوزارة بيقولوا مش من حق النقابات انها تشترط حاجه في شهادة الثانية لأنه من اختصاص المجلس الأعلى للجامعات |
الكليات الخاصه كلها 70 %
|
اقتباس:
ماهو ده الغريب .. التنسيق بتاع الجامعات الخاصة نزل قبل كلام النقابة بمده كبيره .. يبقى ازاي عايزين يطبقوها من السنه دي ؟ ده لو اطبقت أساساً طبعاً لأن الموضوع في ايد الوزاره الي بتدي المعادله للجامعات الخاصه المعتمده .. |
| جميع الأوقات بتوقيت GMT +2. الساعة الآن 01:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.