|
البنات بتفضل ايه
عايزة اعرف البنات بتفضل تدخل كلية من كليات الطب ولا هندسة وياريت لو فى حد من البنات نفسه يدخل هندسة يقولى ايه السبب
|
أفضل للبنت الطب و ليس الهندسة ,
هذا رأيي , و أحترم الآراء الأخرى . |
طيب ممكن يعنى لومجموعها ميخلهاش تكمل فى علمى علوم من رايك تعمل ايه بجد انا محتاجة نصيحة
|
من رأيي أن البنت إن لم يكن لها نصيباً في القطاع الطبي ( طب , صيدلة )
يبقى أفضل حاجة ليها كلية التربية , ممكن تجدي آراء أخرى ,,,,, لكن ده رأيي الشخصي . |
شوفى اللى بتحبيه ، داخل كلية هندسة فيه أقسام بتكون مناسبة للبنات زى العمارة او الديكور او الاتصالات
وفيه حاجات خاصة للاولاد محتاجة لتعب وشغل زى المدنى او التعدين او الميكانيكا بالنسبة لقسم علمى علوم كلية صيدلة كلية بردو مناسبة للبنات شغلها خفيف جداً وبسيط لكن عامةً هى مبتتحسبش كدة بالولاد والبنات انتى شوفى هوايتك ايه وايه اللى تقدرى تبدعى فيه وادخليه مجموعك كام فى تانية ؟ |
انا جبت فى تانية 94.5 مع العلم انى والله مظلومة فى التصحيح انا كلية صيدلة هى امنية حياتى بس كل اللى حوليا بيقلولى خليكى فى المضمون وشوفى التنسيق عامل ازاى وللعلم انا بحب الاحياء جدااااااا;)
|
انا لما كنت فى 2 ثانوى كنت جايب 96.5 % وكان نفسى اكمل علوم وادخل صيدلة زيك كدة بس والدى نصحنى وقاللى هتدخل علوم واخرك مش هتحصل حتى طب بيطرى ادخل رياضة وخليك فى المضمون ، والصراحة سمعت كلامه وجبت فى تالتة 92.8 وفى السنتين على بعض جبت 95.5 % بالمستوى الرفيع ودخلت هندسة والحمدلله !
إتكلّى على الله وادخلى رياضة وشدى حيلك وممكن تكونى متضايقة من كلامى وشايفة ان الكلية اللى نفسك فيها راحت انا بقولك لما ان شاء الله يجيلك هندسة وهتشوفى واحدة غيرك كانت جايبة اعلى منك فى تانية ومش لاحقة حتى علوم هتفتكرى الكلام ده ، انا قعدت اول شهر فى الدراسة مكنتش مصدق انى دخلت رياضة بس الحمدلله ربنا كرّمنى وقدرت ادخل كلية الهندسة ، وان شاء الله ربنا يوفقك :) |
يعنى انت شايف ان فى هندسة مجال شغل كويس للبنات وطيب لوحولت انا خايفة من رياضة 2 اوى بما انك اخدتها ياريت تفيدنى وطبعا مش متضايقة وجهة نظرك معقولة جدا خصوصا انى املى ضعيف انى ادخل صيدلة
|
بصى الشغل متاح جداً أنا واحدة قريبتى كان نفسها فى طب وجابت مجموع قليل فى تانية وحولت رياضة ودخلت هندسة عمارة وبمجرد تخرجها اشتغلت فى مكتب استشارى هندسى كبير وبدون واسطة او اى شئ وبمرتب مجزى
أما بالنسبة لرياضة 2 انا كنت مش خايف منها انا كنت مرعوووب وغير كدة امتحاناتنا جت صعبة نااار والحمدلله جبت فيها 46 بالنسبة لامتحان السنادى درجة كويسة جداً بس انتى محتاجة مدرس يكون كويس يديكى واجبات ويتابع معاكى أول بأول وهتلاقى الحكاية بسيطة خالص وان شاء الله لو قدرتى تحافظى على مجموعك وجبتى درجة كويسة فى المستوى هتدخلى هندسة مرتاح جداً إن شاء الله |
حولي واتوكلي ع ربنا
هندسة مش حلوة للبنات بس اسمك مهندسة ومحدش هيتقدملك اقل منك فهمااااااااااني طبعا :022yb4::022yb4::022yb4:هههههههههه
|
بس بجد فى ناس مخليانى مرعوبة منها وبعدين اصلا عندنا محدش بيدرس رياضة2 بجد بيخافوا يدرسوها امال احنا بقا اللى هناخدها ننتحر بقا ولا ايه
|
رياضة 2 جات صعبة
رياضة 2 جات صعبة السنة دي اووووووووووووووي معرفش ليه جبت فيها 35 بس مكنتش ب\اككررررر كويس :(:(:(:(
|
فهمااااااكى بس انا ضد فكرة اسمك مهندسة ولو كنت متمسكة بصيدلة فده علشان انا حباها مش علشان هبقى دكتورة وخلاص لكن انا ان شاء الله هستخير ربنا واحتمال كبيييييييييير احول رياضة
|
أنا قولتلك رأيى والاختيار يرجعلك
|
اكيد تحولى علمى رياضه افضل ليكى
وبالنسبه لموضوع البنات ده فى كليه الهندسه فيها مهندسات اشطر من المهندسيين وبيكون قسم عمارة معظمه مهندسات وبعدين انتى شايفه التنسيق عامل ازاى اتكلى على الله وحولى علمى رياضه |
| جميع الأوقات بتوقيت GMT +2. الساعة الآن 07:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.