|
انجازات السيد الرئيس محمد حسنى مبارك ( إهداء إلى Ahmed Salah )
اقتباس:
يا ريس مبارك يا ابن الحلال ......... اتاكل قوتنا ........ واتخربت بيوتنا ولو على موتنا ..... بعدك مش هيمسكنا جمال مش هيورث كرسى الرياسة ...... ويمشى بنفس السياسة .....يأمر و يحكم بالفراسة مصر يا ناس دى جمهورية .............. والحكم فيها مش ورائة عملت ايه يا ريس عشانا ......... كسفتنا و خاب فيك املنا فالحين تقولوا الانجازات ..... خلت مصر دى تبقى جنة جيتلنا ياريس منين ........ ما احنا كنا مرتاحين الله يرحمك يا سادات ياللى كنت مع الغلابة و مخلتش مصر غابة و لا حد فيها يبات حزين عد معايا انجازاتك ............. شوف يا ريس اهرامتك فيفى اللى عاملهالنا قدوة ......... و البركة طبعا فى توجيهاتك خليت اعلامنا اعلام حقير ..... ضاع بسببه الصغير و الكبير عاملك نبى و ليل نهار ...........عمال يذيع فى معجزاتك طلعة مبارك الجوية .......... مبارك و الديمقراطية ..... سوزان و محو الامية الشعب زهق منك و منها حل عنه انت و مراتك عد معايا انجازاتك ............. شوف يا ريس اهرامتك طالب العلم المثالى ........ اتخرج و تقديره عالى لا علم شايله ... و لا شغل جايله .... والهم طايله قلب اخوانجى او ناصرى او شيوعى رأس مالى أمر العادلى باعتقاله ......... و صحابه ساعتها قالوا ....... يستاهل كل اللى يجراله عشان يبطل يشتغل فى حاجة تانية غير مجاله قانون طوارئ و تعليم زبالة ....... و دكاترة معظمهم حثالة عشت يا صاحب الجلالة .......... ياللى عايش علينا عالة دى الحلقة الاولى من الانجازات اسيبكوا معاها شوية و بعدين انزل بقية الانجازات فى الحلقات الجاية |
ههههههههههههههههههه ياعم بندق هعمل نفسي مشوفتش حاجة ومش هقول حاجة ومش هوشي بيك بس قولي اسمك الثلاثي لو سمحت :d |
شكرا ا بندق علي الاهداء
ومستني الجزء الثاني بس قولي دا كله انجازاته طيب فين عيوبه وانا معك في كل من بس اقتباس:
اقتباس:
اقتباس:
اقتباس:
|
الريس ريس وديمآ على كرسى الرئسه جالس متيس .
ساظل ازكر هذا البيت للا ستاذ .احمد فؤاد. كرآ يابندق بس اوع تزكر اسمك الثلاثى لحسن يعتقلوك! وسعتها مش هنعرف نرجعوك , ههههههههههههه شكرآ على الموضوع يامان |
اقتباس:
|
الحلقة رقم ( 2 )
عد معايا انجازاتك ............ شوف يا ريس أهراماتك طوابير فى كل قريبة مدينة ............. عشان رغيف يقوينا طوابير فى كل حته من أسوان لإسكندرية و من السلوم لسينا واقفين فيها موظفين .......... من حياتهم قرفانين ...... أعلى موظف فيهم بياخدله يجى مية و خمسين الموظفين دول مرتباتهم .......... ماتجبش أجرة بياتهم ...... فى أوضة ضلمة فوق سطوح كلت الرطوبة فيها جتتهم عد معايا انجازاتك ........ شوف يا ريس أهراماتك شاب حر فاهم مثقف ......... على قفاه مخبر يصقف عشان شاف وطنه حزين ...... مسك قلمه و راح يألف ألفله كام كلمة و بيت .......... يحكى فيها اللى حصل من يوم ما جيت مين اللى سكنوا جوة القصور و مين اللى عمرك ليه ما حنيت أب عنده كام عيل ........ و بياخد مرتب مية جنية .... و عنده بيت يصرف عليه ........... قولى يا ريس يعمل ايه ؟ و بخته و حظه المنيل انه طلع و لقاك رئيس و لقى الحكومة عماله تنيل و للانجازات بقية ,, انتظروا الحلقة القادمة ............. |
مشكوووووووووووووووور طلع إللي في نفسك .. قول إشجينا عبر عن إللي جوانا هههههههههه
|
مشكور مروركم كلكم و بجد انا حاسس ان ده اللى جوانا كلنا مش اللى جوايا انا لوحدى
|
و ما زال هناك انجازات اخرى .................................................. .
بس يا ريت الاعضاء لا يكتفوا بالقراءة انا عاوز تعليقاتكم و اراءكم |
الحلقة رقم ( 3 )
عد معايا انجازاتك ............... شوف يا ريس أهراماتك اللى قاعد على قهوة مأريف ....... بيسمع كلامك المتزييف .......... و محدش راضى يعالجه من سكر و كبد اتليف .......... هوب خدها من قاصرها ............ وحياته قرر يجيب آخرها لقى الحكومة بتديله ............. فرش و بكته عشان يكيف مخدرات و رشوة ودعارة .......... و فشل وزارة ورا وزارة اللى كان رئيسها طخين و اللى كان رئيسها سفيف عد معايا انجازاتك ............ شوف يا ريس أهراماتك جندى سهر يحمينا ......... من اللى ساكنين جنبينا و اتقتل جوة بلدنا .......... و زيه كتير من ولادنا اللى ماتوا على أرض سينا .......... و اللى ماتوا برصاص سفينة كانوا بيجروا على اكل عيشهم ............ ماتو و الكل طنشهم أولادهم صبحوا يتامى و امهاتهم باتت حزينة عد معايا انجازاتك ........... شوف يا ريس اهراماتك الحديد ... الحديد اللى رفعه المخفى عز ......... و مش حاسس بالناس الغلابة هو اللى متربى على الوز ............. يعرف منين معنى الطيابة و اهو ديب من ضمن الديابة اللى كل همها سلطة و فلوس زى الرز و للانجازات بقية ,, انتظروا الحلقة الاخيرة ........................ |
اقتباس:
اخواننا فى امن الدولة مفيش حاجة صعبة عليهم لو عاوزين يجيبونى مش هيغلبوا و مش هيفرق معاهم اسمى من عدمه هيروحوا للاستاذ أشرف و ياخدوا الاى بى و يعرفوا الاسم الثلاثى لجيراننا واحد واحد و جيران الجيران كمان بس انا بايعها عشان الساكت عن الحق ................. شيطان أخرس |
نداء غلى كل المشاكرين فى هذا الموضوع أنا استندلت وبلغت البوليش وجاى يلمكوا دلوقيت يالهوى يا بووووووووووووووووووووووووى البت بلغت عنا |
اقتباس:
طيب انا لو اتمسكت اول اسم هقول عليه انتى و هقول ان انتى امير الجماعة يلا و هخليكى تشرفى معانا |
اقتباس:
ولا أعرفك عندك دليل |
اقتباس:
كبر دماغك من سجن سجن يا قلبى لا تحزن هيصغطوك يا قرد هيعملوك ايه انا ماشى بالامثال دى |
| جميع الأوقات بتوقيت GMT +2. الساعة الآن 01:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.