ارجو المشاركة من الباش مهندسين
 

السلام عليكم ياشباب اولا كل عام وانتم بخيير
و الف مبرووك لكل الي حقق الي بيمناه ودخل الكلية الي عاوزها
انا دلوقتي داخل اعدادي ان شاء الله ومفيش صفحة خاصة بالكلية او موقع الا و البشمهندسين الي فيها بيعقدونا فيها...... والله احنا عارفين الكلية صعبة جدا و مش اي حد يمشي فيها بس ياريت حضرتكم تساعدونا و توعونا بدون تعقيد شكرا

و كان ليا طلب من الباشمهندسين يفهمونا ايه نظام اعدادي من حيث المواد و طريقة المذاكرة

و جزاكم الله كل خير

جامعة ايه القاهرة ولا عين شمس ولا ايه بالظبط؟

اسكندرية ان شاء الله

ياشباب صعبة وكل حاجة بس لو كملتو بنفس مجهود الثانوية العامة من غير ما تفوت محاضرة ولا سكشن وتسأل في كل اللي انت مش عارفه هتجيب تقدير وبسهولة

اول حاجة احب ابشرك مهما كانت فى اى حاجة صعبة بعد كدة مش عتبقى اصعب من الثانوية العامة لان خلاص عرفت مستقبك وحددت مصيرك الضغط عيقل كتير
تانى حاجة انا تالتة هندسة اسكندرية عايز اقولك ان مهما كانت المواد صعبة لو حضرت المحاضرات والسكاشن واهتميت شوية عتجيب تقدير بسهولة من غير كورسات ولا حاجة
متقلقش نفسك وكل حاجة عتعدى على خير ان شاء الله وبالتوفيق

أناااااااا بردو خايفة اوى انا جامعة المنصورةبس الكل مخوفنى من الكلية و بالذات انهم بيقولوا اصعب سنه هى الأعدادى و قليل اللى بيعدى منهايعنى بعد محققنا حلمنا هيعقدونا كمان فالكليه :(((

شكرا على المشاركة يابشمهندسين اخيرا لقيت حد يطمنا شوية :)