سؤال غريب لاكن ظريف ^_^
 

هو الى يحب يعيد ثانويه عامه يعمل ايه ؟؟

انا جايب السنه دى 93 % ومش لاحق اى حاجه ومش هدخل تجاره

ولو عدت هتعيد فى ماده واحده بس او مادتين
مش السنه كلها ولا المواد كلها

يبقى العربى الى منقصنى 12 درجه

انا كمان جايبه زيك وعلمى رياضه هو انت عرفت منين انك مش جايب حاجه هو تنسيق المرحله التانيه نزل؟؟؟

من غير ما ينزل واضح اننا هنلبس فى الحيط .... وبعدين يعنى مندخلب هندسه على 4 او 5 درجات وندخل تنجاره الى بيدخلوها من 70
الله يخرب بيت نظامك يا بلد

فى فنون جميله عماره وحاسبات ومعلومات وعلوم رياضه وهما كلهم كويسين جدااااا بس مش عارفه هانجبهم ولا لا؟؟؟

احتمال كبير تلحق حاسبات ومعلومات أو كلية علوم , والاثنين كليات راقية ومرموقة بس تعمل إيه للتخاريف والجهل المنتشر في بدلنا عن سمعة أي كلية غير الطب والصيدلة والهندسة !!

على فكرة , أنا مجموعي أأقل من مجموعك بحاجة بسيطة (علمي رياضة) ومتفائل جدا بخصوص الحاسبات أو العلوم ..

ربنا يقدم اللي فيه الخير . أنت خذ بالأسباب والباقي على ربك :)

ربنا يستر معانا كلنا

طيب إنت ممكن تلحق حاسبات و معلومات ، طيب أختى بقى اللى علمى علوم و جايبه 95% و مفيش قدامها كلية زى الناس تعمل إيه ؟

منك لله يا نشار إنت و كل الفاسدين اللى فى البلد

انا جبت95.7 علمي علووم وما فيش كليه هتخدني لا علوم ولا تجاره ومش عارفه اعمل ايه هما بيطرونا للجامعات الخاصه

اخى الفاضل .. تجارة ليس من كليات القاع :) .. هى اقوى كلية فى العالم هى و حقوق .. لكن بلدنا هى اللى غريبة مش الكلية هى اللى وحشة .. ده اولاً :) ..

ثانياً .. تجارة انجليزى و ده الاهم .. دراستك بتبقى تبع كتب امريكية .. و دراسة ممتعة و لذيذة و نظام تعليمى يخليك فاهم ايه هى التجارة و ادارة الاعمال فعلاً .. و غياب و حور و التزام و دكاترة تخليك تعمل مشاريع و يشاركوك فيها .. انا بكلم عن جامعة القاهرة اللى انا فيها ..
و احب اقول بردو ان كلية تجارة انجليزى هتاخد السنة دى 93% ان شاء الله يعنى :) .. فبالتالى اللى جايب 70 % مبيخشهاش .. ! و تجارة عربى قفلت من ادى فى القاهرة على 83% .. فما بالك علمى .. اعتقد هتقفل على 89% .. يعىن اللى جايب 70 مبيخشهاش ..

فياريت بلاش تقول على كلية تجارة وحشة .. لان انت لسه صغير و مشفتش حاجة ^_^

طيب احمدوا ربنا
انا بقى علمى علوم وجبت فى تانيه 97.6 ولكن مجموعى الكلى بالمستوى السنه دى 94.5 مع العلم انى فى الانجلش جبت 11 من 25 مع العلم برده انى محلتش اصلا ولا كلمه لان حصلتى ظروف فى اللجنه ومكملتش امتحانى وتخيلوا بقى علمى علوم فى تنسيقنا ده برده هنزل تجاره ومرفوضه يعنى غالبا مش هعرف ادخل حاجه ولا هقدر حتى اعيد السنه زى ما بتقولوا لان بعد اللى شفته مستحيل اقدر اعيد يوم كمان مش سنه
يعنى اللى عايزة اقوله احمدوا ربنا


بس ملحوظه

محدش ضامن ظروه وانت ايه ضمنك انك لو عدت السنه هتجيب المجموع ده اصلا مش يمكن تقل او يمكن التنسيق يزيد اكتر فى رياضه
من وجه نظرى المتواضعه انك تقبل كدا وترضى بقدرك وتحمد ربنا وتأكد ان ده الخير
ولو كنت جبت 99 او 100 ودخلت هندسه او بترول او طب او او مكنتش هتمشى لا ربنا له حكمه فى كل حاجه

ربنا نزلك كدا علشان حكمه هو وحده يعلمها
والمجال اللى هتدخله هو بس اللى هتتفوق فيه وتحقق فيه نجاح لان ربنا اختاره له والخيره فيما اختاره الله
ارضى بقدرك وسيبها لله

وأتمنى ميكنش كلامى ضايقك بس صدقنى انا اكتر واحده ممكن احس باللى انتوا حاسينه لكن برده بلاش تعيد لانك مش ضامن ومحدش عارف بكره مخبى ايه

وربنا يوفقك ويوفق الجميع
مع احترامى

ممكن تلحق حاسبات وانت غلطان مقدمتش فنية عسكرية ليه وعلى فكرة تجارة من 83 % مش 70 ومش مهم الكلية بتاخد كام المهم انا عايز ايه لو فتحت موقع الاستاذ هتلاقي مثلا واحدة جايبة 97 وشوبة علمي رياضة وداخلة حقوق وواحدة تانية علمي علوم جايبة 98 وكسر وداخلة حقوق برضو مش مهم ادخل كلية بمجموعي المهم ادخل كلية انا عايزها وربنا كريم وهيوفقك ان شاء الله

ليه ايه الي عرفك ان مفيش كلية هتاخدك وان شاء الله سواء علوم او تجارة تدخليها مرتاحة وانتي عندك تجارة انجليزي وحقوق انجليزي وعلوم وكليات الادبي التانية وان شاء الله فيه امل استخيري وتوكلي على الله

ممكن تلحق حاسبات وانت غلطان مقدمتش فنية عسكرية ليه وعلى فكرة تجارة من 83 % مش 70 ومش مهم الكلية بتاخد كام المهم انا عايز ايه لو فتحت موقع الاستاذ هتلاقي مثلا واحدة جايبة 97 وشوبة علمي رياضة وداخلة حقوق وواحدة تانية علمي علوم جايبة 98 وكسر وداخلة حقوق برضو مش مهم ادخل كلية بمجموعي المهم ادخل كلية انا عايزها وربنا كريم وهيوفقك ان شاء الله