![]() |
مساعدة في اختيار المادة الأدبي
السلام عليكم أنا داخل سنة 3ث ... و محتار أوي في اختيار المادة الأدبي في ناس بتقول: علم النفس سهل و بيجيبوا فيه الدرجات النهائية و اسئلته مباشرة. بس المشكلة : محتاج مذاكرة و حفظ من اول السنة و خايف اني مفهموش و معرفش احفظه كويس. و في ناس بتقول: خد اقتصاد و احصاء بيخلصوا بدري أوي و مبيحتاجوش مذاكر خالص. بس المشكلة: مش مضمون و فيه درجات بتطير و كده أكيد كل واحد ظروفه غير التاني عشان كده انا هعرضلكم ظروفي: أنا في سنة 2ث جبت الحمد لله 203.5 و كنت كيميا و عايز أحافظ علي مجموعي بسبب التنسيق االلي في السما و كنت جايب في الرياضيات 50 و عندي في سنة 3ث أحياء و فيزياء :stickjo4: و حاسس اني لو أخدت معاهم علم النفس هبقي بنتحر بس برضه خايف من الاحصاء في الدرجات اللي بتطير. و علي العموم كل اللي أنا أعرفهم جايبين 50 في المادتين ما عدا واحد بس نقص في علم النفس بسبب التصحيح. أرجوكم ردوا عليا و متقلقوش هسامح أي حد :) |
انصحك بعلم النفس الاحصا بتكونى رياضة وممكن يجيبوا حاجة تخليكى تلفى فيها وتنقصى
اما علم النفس فعلا الكل بيجيب النهائية ومذاكرتها ممتعة جدا مش صعبة |
بص انا هقولك على رايى وتحليلى الشخصيى والله الموفق :D
طبعا الى خدوا احصاء السنادى كانوا فرحانين علشان الامتحانات سهله جدا وعلم النفس كل سنه بيفرحوا عادى يعنى انما السنادى شىء تانى 10000% الامتحانات هتيجى اصعب من السنادى بكتير علشان حكايه التنسيق الى ف العلالى ده وعايزين ينزلوه و 99% هيلعبوا ف الاحصاء وف المواد العلميه كيميا-فيزياء-احياء-رياضه2 ........... فخليك فى علم النفس اضمن مفيهوش اى لعب خالص والمنهج كلوا على بعضو مذكره 50 صفحه عادى يعنى .. :rolleyes: كل صفحه بدرجه |
يعني اخد علم نفس و اتكل علي الله؟ |
اقتباس:
بس عندى الفاس وقعت ف الراس ربنااا يستر علينا و علا ولايانا:(:(:(:mad: |
لا عادى ماتزاكرو من اول السنه
علم نفس مش هياخد منك مابين2 او3 س مزاكرة ف يوم ومش يوميا تزاكرو كمان لو حب يلعب ويطلع عين طلبه هيلعبكو ف رياضه احياؤ فزيا كميا فاهم يعنى هيلعب ف الاحصاء لكن ميقدرش يلعب ف حفظ فهمت سؤال هتحطلو الاجابه عطول خد علم نفس فيه بردو فلسفه بس معرفش اى نظامها ومتاجلش مزاكتو ف ناس بتقول ازاكرو اخر سنه احنا كطلبه علمى رياضه مكنش قودامنا غير يوم واحد بس قبليه طبعا كان زل جدا لانو مركون من بدرى والحمد لله عدينا وصلى استخارة بردو |
علم النفس والاقتصاد والاحصاء
|
ابعد خالص عن الاقتصاد والاحصاء وفكر فالفلسفة وعلم النفس
انا مجربتش علم النفس بس الفلسفة سهلة جدا هتذاكرها مره فى كل اسبوع او ممكن تقسم مذاكرتها على مرتين فالاسبوع مره فلسفة ساعتين ومرة تانية ساعة واحده منطق لان المنطق ساهل جدا بس فى الترم التانى هتخلى الساعة بتاعت المنطق ساعتين والفلسفة والله سهلة جدا فى مذاكرتها وده كلام عن تجربة والامتحان سهل جدا |
انا عن نفسى لسة داخلة 3 و اخدت اقتصاد و احصا عشان مش بحب الحفظ خالص
لو بتحب الرياضة ادخلها علطول طبعا و مش يهمك موضوع الامتحان صعب احنا اتعودنا اى حاجة تيجى صعبة :p |
على حسب ميولك
في اللي بياخدوا علم النفس وبيجيبوا 50 و في اللي بياخدوا الاقتصاد واحصاء و بيجيبوا 50 |
انا كنت اقتصاد واحصاء هي والله كويسة الاقتصاد 6 ابواب والاحصاء خمسة بس اخر بابين صغيرين اوي هي كانت متوسطة يعني الاقتصاد حفظ و بيكلم عن المشكلة الاقتصادية والعمل والانتاج القومي ودور الدولة والعلاقات الدولية والنقود والبنوك هي حاجات كلها او معظمها حفظ والاحصاء بتتكلم عن الاحتمال(كنا واخدينه في اعدادي) وشوية قوانين وجداول بس هي كويسة وسهلة اوي بس عايزه حل ولو حليت السنوات السابقة هتبقي تمام فيها.
|
اقتباس:
|
اقتباس:
|
رأيى الشخصى : اتكل ع الله وخد علم نفس :006et4: انا كنت واخداه فى تالته مع الاحياء والفيزياء مع ان والدى مدرس رياضيات وكان هيسهلى الاحصاء ويوفرلى وقتها بس كنصيحه انا مش عرفت قيمة علم النفس الا لما خدنا حاجات كتير فى الاحياء والفيزياء بقيت مفرغه نفسى ليهم بس وهو مش حفظ ولا حاجه ده المنهج كله يتلم فى يومين اتنين وكلها مواضيع سهله ومن حياتك : المراهقه والعولمه والدوافع والانفعالات و....الخ يعنى مواضيع سهله وانت عارفها ..فهمت الدروس هتجيب الخمسين مستريح اوى ومش هتحتاج تراجعها فى الاخر الا مره فى الاسبوع واهم حاااااااااااجه مافيهاااااااااش لعب نهاااااااائى عكس الاحصاء وده اللى خلانى ابعد عنها يعنى امتحانها بتدخله وانت عارف الاسئله باجاباتها (( برشام من قبل ماتشوف الورقه :d )) والحمدلله ربنا كرمنى وجبت 100 % بالمستوى (( واكتشفت ان ترتيبى 2000 ع الجمهوريه برضه :d )) ...والقرار الأخير ليك طبعا |
نصيحتى اختار علم نفس :)
ع فكرة مش صعب خالص واسئلته معروفة وانا كنت زيك واخده احياء و فيزياء ف تالتة و علم نفس وكان الموضوع عادى جدا |
جميع الأوقات بتوقيت GMT +2. الساعة الآن 09:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.