اكسب ثواب وانصحني نصيحة لوجه الله
 

انا عايز اسال سؤال هوا انا جبت 80 في تانيه ولو كملت علمي علوم وجبت مثلا من 85 الي 88 (مجموع السنتين ) الحق كليات ايه لو سمحتوا في المرحلة التانيه وياريت لو حد يفهم اكتر يفهمني ايه كليات علمي علوم للمرحلة التانيه تنسيق

وممكن تقولولي نصيحتكوا هل احول ادبي ولا اكمل علمي علوم

ولا اى حاجة حول ادبى يا معلم

بص يا غالى معظم الناس حيقولوك حول ادبى بس قبل ما تاخد قرار صلى استخاره
تانى حاجه متقولش لو لاجبت كذا لان ناس كتير اعرفهم عملوا زيك وملحقش حاجه فى الكليات من المرحله العلميه
تالت حاجه لو انته عايز تبقى مهندس مثلا ممكن تحول علمى رياضه وبعد كدا تدخل معهد فنى وتقعد سنتين فيه وتجيب اكتر من 80% وتدخل هندسه
رابع حاجه لو مش عجبك كل دا فكر فى الكليات الادبيه وحول ادبى لانك لو استمريت علمى ولقدر الله ملحقتش كلياات علميه الكليات الادبيه الحلوة حتبقى ضعيف انك تلحقها لانها بتاخد من مجموع عالى فى العلمى

انصحك بالتحويل لادبى..
لكذا سبب اهمها انك لو دورت السنة اللى جاية على كليات ادبى فانك هتلاقى ان التنسيق للعلمى اعلى بكتييير من ادبى يعنى ممكن متلهقش اى كلية ادبى كمان محترمة طبعا العلمى كليات محترمة انساها ((لو عاوز الصراحة))
ثانيا انك ممكن تشد جامد فى تالتة وممكن تلحق السن ادبى ممكن اعلام لو شديت وذاكرت من دلوقتى من الصيف!
..
وفى النهاية استخير الله بالتوفيق ان شاء الله...

مش هتحلق حاجه للأسف بعد التنسيق دا
حول ادبى احسن

توكل ع الله واديها ف الادبى وسيبك من العلمى ده ما بياكلش عيش

ياعم هتدخل نفسك فى فيزيا وأحياء وشغلانة سودة وفى الاخر متجبش حاجة دوس فى الادبى وخلاص الا لو ناوى تدخل خاص بقى

بالضبط زي ما قالوا فوق ^^

حول أدبي أفضل لك وممكن تلحق آداب , تربية , تجارة , حقوق ... وهتختصر على نفسك المشوار بدل ما تتبهدل في العلمي وما تعرفش تلم درجات :(

ساعم انت شطلك فاشل خالص هتكمل علمى ازاى وتبقى مهندس ولا دكتور ازاى الا لو هتخش خاصه ده بقى كلام تانى