الضحكه عمله نادره
 

بصراحه انا النهارده سمعت اغنيه بالصدفه و بصراحه دي كانت اول مره اسمعها و عجبتني اوي يمكن بعضكم عارفها عموما هي دي كلماتها

الضحكة عملة نادرة جرب تشوف نتاجها
نعمة ربك مديهالك فرصة و مدفوع حسابها
زى مافى فى الحزن دمعة فى فى الفرح دمعة
بس الضحكة احلى اضحك يمكن تدوم
اضحك فى وش الناس من غير ماتكش
ده عمر الضحكة احلى عمر الشمس مابتغبش
مشروع اضحك فى وش الناس بكل احساس اكيد يقش

:)
رسمتها عالوشوش تخلى الوش بشوش
مش مغشوش مش مفروش بوش متكون من السوس
دمعتها على الخد زى ندى الورد
تدوى حرق تملى فرق بين زمن بمرور ملموس
تتساوى الروس لما النكتة تتقال قدامهم
مش هاممهم مين اللى قال المهم ضحك يجمعهم
مافيش مابينهم عامل مشترك لا
غير ان النكتة بتضحكهم خالية من المعاناة فده
سر السعادة فى استئصالك للكآبة
تكون فى طبقة هانى و بتدى حق الغلابة
اهلا بكم يا سادة ارجو انتباه الحضور
لقد قدمت من اورانوس عن طريق خرم الاوزون
مش بتنفس اكسجين انا بتنفس اكسيد كربون
و اللى مطلوب تكون فاعل ماتكونش للكون انت المفعول
فانت لما تضحك بتكسب مش بتخسر
اسمع منى و المعلومة ليك يا زبون

:)
الضحكة عملة نادرة جرب تشوف نتاجها
نعمة ربك مديهالك فرصة و مدفوع حسابها
زى مافى فى الحزن دمعة فى فى الفرح دمعة
بس الضحكة احلى اضحك يمكن تدوم
اضحك فى وش الناس من غير ماتكش
ده عمر الضحكة احلى عمر الشمس مابتغبش
مشروع اضحك فى وش الناس بكل احساس اكيد يقش

:)
يا عم اضحك والنبى قولى خدت ايه مالزعل
ضحكة بسيطة فى اى وقت ممكن تديك امل
امل ان بكرة احسن طول مالمزاج مظبوط
ارضى ربك ارضى اهلك و انت تنام مبسوط
ده الضحكة بتطلع تلقائية فى السلام تملى
على وش بياع غلبان و هو بيقولك خلى
على وش ست عجوزة متعرفهاش بس بتدعيلك
على وش الحاج الوالد لما تغلط و يعديلك
على وش سواق تاكسى عمال عليك بيقلش
على وش صاحبك اللى ياما زعلته و مش بيقفش
على وش حبيبتك لما تشوفها تشوف سعادة فى عينها
على وشك انت و انت ماشى ماسك ايدها
فاوعى تخاف مالابتسامة اوعى تكون جبان
ماتبصش على نص الكباية الفاضى بص عالمليان
هتلاقى اسباب و نعم من ربك هتخليك سعيد
ماتكونش عنيد هتلاقى كل يوم فى حياتك عيد

:)
الضحكة عملة نادرة جرب تشوف نتاجها
نعمة ربك مديهالك فرصة و مدفوع حسابها
زى مافى فى الحزن دمعة فى فى الفرح دمعة
بس الضحكة احلى اضحك يمكن تدوم
اضحك فى وش الناس من غير ماتكش
ده عمر الضحكة احلى عمر الشمس مابتغبش
مشروع اضحك فى وش الناس بكل احساس اكيد يقش

:)
مابعرفش اكشر فى الناس
و بحب اهزر و لو محتاس
ماهو الضحك يطول عمرى ينور وشى يخليه
نشيط زى الربيع بالورود اللى فيه
هضحك لو نازل كده متأخر لسه ببدأ يومى
و لقيت سواق التاكسى عدى فى مايه جت فى هدومى
و بكل ذوق يقولى لامؤاخذة يبنى ماكنشش قصدى
هبص فى وشه و اضحك جربت تضحك
فى كل وقت تفرح مهما كانت ايه مشكلتك
افرح انك انت لسه عايش فيك الروح عالارض دايس
بكره جاى برضو جايز
جايب شئ ضئيل صغير اكتر ماللى كنت عايز

و احنا نروح بعيد لييه؟؟ .. أفضل الصدقة الصدقة ف رمضان .. و تبسمك في وجه أخيه صدقة .. شوف بقا ممكن تاخد كاااااااااااام حسنة و الحسنة بعشر امثالها و ربنا بيضاعفها لـ700 ضعف فـ اليوم الواحد
بس محدش ينسي أن كثرة الضحك تميت القلب ..

احنا مش عاوزين ضحك كتير كفايه الابتسامه و يسلملي مرورك كتيـــــــــــــــــــــــــــــر

موضوع جميل
جزاكى الله خيرا حبيبتى

ثانكس و جزيتي مثله يا قمر

انا اول موضوع شوفتهولك
و قولتلك انتى موهوبه
و قولتلك استمرى
و ظنى مخابش
تحيــــاتى استمرى

مهما كانت كلمات اغنيه انت بتعبرى عن الحاجه بطريقه جديده

نايس توبيك
بس انتى عارفة بقا يايومى ان انا عندى غمازات ومينفعش امشى ابتسم كدا كل شوية
ولا ايه
ههههههههه

ايون انا سمعت التيم \ه ع فيس بوك


بجد جااااااااامدين موووت
تسلم ايدك