بوابة الثانوية العامة المصرية - هام جدا ياريت أى حد يجاوبنى قبل الساعة 7 ميعاد انتهاء الرغبات

بوابة الثانوية العامة المصرية (https://www.thanwya.com/vb/index.php)

- كليات المجموعة الرياضية (https://www.thanwya.com/vb/forumdisplay.php?f=1688)

هام جدا ياريت أى حد يجاوبنى قبل الساعة 7 ميعاد انتهاء الرغبات

السلام عليكم
مش هطول فى الكلام بس حابب اجيب الى فى دماغى بالظبط
انا حابب جدا الكمبيوتر من صغرى ومن زمان بشتغل فى تطوير المواقع و المنتديات و الجرافيكس و الحاجات دى
و حابب لما ادرس ... ادرس حاجات ليها علاقه بالشبكات او برمجة مواقع الأنترنت او لغات الأنترنت زى php او ما شابه
مجموعى هو 92.2 و غالبا مش هلحق حاسبات و معلومات
بس انا كتبت فى الرغبات بالترتيب
حاسبات ومعلومات القاهره .. حاسبات ومعلومات عين شمس ... حاسبات ومعلومات حلوان .... حاسبات و معلومات الأسماعيلية ..... معهد هندسة الشروق .... هندسة اكاديمية أخبار اليوم
فياريت حد يجاوبنى على الأسئلة دى بالتفصيل على قد ما يقدر
هل ممكن يجيلى حاسبات و معلومات غير الأسماعيلية ؟
هل ممكن لو جتلى الأسماعيلية احول فى نفس السنة للقاهره ؟
هل لو جتلى الأسماعيلية و قعدت فيها سنة ينفع أحول القاهره ؟
هل لو فيه فى حاسبات القاهره قسم معين و القسم دا كان موجود فى الأسماعيلية هل هما مش هيرضوا يحولونى للقاهره عشان القسم الى انا عايزه موجود اصلا فى الأسماعيليه الى انا فيها ؟
ايه هو القسم فى حاسبات الى بيهتم بالشبكات و برمجة المواقع ؟
ايه هى أقسام حاسبات الأسماعيلية ؟
لو محصلش نصيب ومجاش حاسبات و معلومات خالص
و دخلت هندسه خاصة ربنا وفقنى و تخصصت هندسة الحاسب هل ممكن أخد معاها كورسات فى البرمجة و اشتغل فى نفس المجال دا ؟
مع العلم انى مش حابب اى حاسبات و معلومات خاصة و افضلى ادخل هندسه خاصة

متهيألى بالنسبة لمجموعك صعب حاسبات ،، لكن ربنا يوفقك ( انا دخلت اسماعيلية ب 93 % و حولت حلوان السنة اللى فاتت )

بالنسبه لهندسة قسم حاسب اللى اعرفة ان كل شغلهم هارد وير ،، فلو انتا حابب البرمجه و السوفت انا شايف ان حاسبات خاص هتكون احسن !

ماحدش عارف الإقبال في المرحلة التانية على كليات إيه بالضبط .. الأفضل تكتب حاسبات ونظم معلومات في الـ 9 محافظات ومش مهم التحويل , انا سمعت أن كليات الحاسبات مافهاش تحويل علشان الأقسام في الكلية مش زي بعض .

لو انت عايز برمجة و كده انا اسمع ان هندسة قسم حاسب الى ده دراستهم هاردوير و اكيد ده فى درسته يختلف عن السوفت انا لسه مخلص زيك كده بردوا نصحتى ادخل حاسبات خاص مدام بتحب برمجة و ايه الى مش مخليك تبقا قبلوا خاص و بالنسبة للتحويل ينفع تحول عادى على ما اعتقد لان التخصص بيكون من سنة 3 او 4 فى بعض الكليات و انا نفسى اعرف بردوا لماذا يختلف الكليات فى التخصص فيما بينهم وهل ده بيخرج المتخصص من 3 افضل من الذى تخصص فى 4 مثل عين شمس من 4 و القاهرة من 3 ايه الفرق بقى؟