ادوات كلية الهندسة
 

ياريت المهندسين الكبار يدونا معلومات عن الادوات الهندسية اللي حنحتاجها في اعدادي :078111rg3:

يا ريت والله

اها ياريت بس عاوزه معلومات عن التحويل الأول ؟؟

مسطرة حرف t طولها 80 ويا ريت تكون بلاستيك وليست خشب لان الخشب هتخلى اللوحة مش نظيفة وغير قابلة للمسح أما البلاستيك فممكن مسحها من حين لآخر طول ما انتم بترسموا
*********************الافضل اللي ناوي علي عماره يجيب مسطره120سم أفضل زتكون نوع كويس زي روترنج**************
ثانيا:رولة يحفظ ويحمل فيها لوح الرسم طولها مناسب

ثالثا:المسطرة والرولة لهم جراب يحتويهما معا اشتروه
رابعا:طقم مثلثات(مثلث تلاتينى ستينى ومثلث خمسة واربعين )نوعه اما(سميروعلى او روترينج)
ولكن انصحكم بسمير وعلى لان الدكاترة بيفضلوه لانه شفاف وغير مشطوف
خامسا:طقم براجل روترينج واهم حاجة لازم يكون فيهم برجل اسمه الديفيدر لأنكم طول السنة بتستخدموه
سادسا:وطبعا فيه حاجة هترسموا عليها اسمها البوردة وقولوا للبائع بوردة الرسم بتاعة اعدادى
سابعا:مسطرة منحنيات
ثامنا:الأقلام بقى هما قلمين مفيش غيرهم قلم بوينت سبعة0.7 وقلم بوينت خمسة 0.5ونوعهما(روترينج)احسن نوع وبيعيش
تاسعا:الاستيكة القلم (هى اسمها كده )استيكة قلم
عاشرا: استيكة مسح عادية ونوعها(روترينج)واستيكة صابونةلتنظيف اللوحة بعد الانتهاء من الرسم
الحادى عشر:السنون ديه سنون0.7نشتريهم وبالنسبة للقلم 0.5(hb-b-2b) (h-hb-b)
الثانية عشر:فوطة تنظيف لونها هتلاقوه برتقالى تشبه فوط العربيات
الثالثة عشر:لصق اللى هتلصقوا به اللوحة على البوردة(سوليتيب اى نوع)تمام
الرابعة عشر:كراسة
(a4)
نص مللى

شكرا ع الافادة ويارب يوفقنا واجعلها كليه فتح علينا