بوابة الثانوية العامة المصرية - اتمنى منكم المساعدة

بوابة الثانوية العامة المصرية (https://www.thanwya.com/vb/index.php)

- طلبات واقتراحات الأعضاء (https://www.thanwya.com/vb/forumdisplay.php?f=994)

- - اتمنى منكم المساعدة (https://www.thanwya.com/vb/showthread.php?t=450736)

اتمنى منكم المساعدة

مساء الخير يا جماعة

ورمضان كريم عليكم انشاء الله

لو سمحت انا محتاجة مساعدة ضرورى من المتخصصين

انا عندى 21 سنة وعندى اعاقة جسدية

وانا لظروف صحية عملت اعادة مرتين للصف الثالث الثانوى

واخر اعادة ليا نجت في كل المواد بس مجموعى كان قليل جدااا وكان تقريبا 47 %

وبصراحة انا بعدها مفكرتش اعيد ولا اشوف اية الحل لان كنت تعبانة جسديا ونفسا الموضوع دا عدة علية سنتين تقريبا

انا دلوقتى عاوزة اخد الثانوية وادخل الكلية وابتدى حياة كويسة

وكنت عاوزة حد يدلنى المفروض اعمل اية

انا روحت وزة التربية والتعليم قالولى اعيد من 2 ثانوى

وفى المدرسة عندى قالولى خدى مادة او اتنين بس من تالتة ثانوى تزود المجموع وكدا يبقى اجيب ال 50 % او اكتر وادخل الجامعة

بصراحة روحت كذا مكان ومحدش كان بيدلنى اعمل اية بظبط

انا املى اعرف من حضرتكم هنا ابتدى منين تانى

ارجو الاهتام لو سمحتم

اولا الف سلامة عليكي ياحبيبتى وربنا معاكي ويوفقك يارب
بصي الكلام اللي انا جايبهولك ده من موقع الوزاره يعني اكيد انا خدته كوبي وبيست بالظبط
س: ما هى المواد التى يجب أن يؤدى فيها الامتحان طالب المرحلة الثانية الناجح فى جميع المواد وراسب فى المجموع الكلى ؟
يحق لهذا الطالب اختيار مادة أو مادتين على الأكثر من المواد التى سبق وأدى الامتحان فيها ويحصل فيها على الدرجة الفعلية وذلك للنجاح فى المجموع الكلى
وده الرابط هتلاقيه السؤال رقم 3 وربنا يوفقك يارب
http://manahg.moe.gov.eg/FAQs.aspx

نهى بجد انا مش عارفة اشكرك ازاى

ميرسى جدا انك اهتميتى وساعدتنى

وانا اتشرفت جدا بمعرفتك ومساعدتك ليا

ميرسى اووووى

معلش يا نهى انا كنت عاوزة اعرف كمان

اروح فين وابتدى اجراءات المادتين اللى هاخدهم ازاى

واية المطلوب انى اخدو معايا

معلش انا هتعبك معايا

الشكر لله يابنتى على ايه ومفيش تعب ولا حاجه
روحي بقا اسالى في مديرية التربية والتعليم اللي تبع محافظتك او في مدرستك بس الاحسن في المديرية بتاعتك
وطمنيني عليكي بقا

انا بحثت كتير اوي بس مفيش حاجه كل اللي موجود نص القرار وبس
روحي المديرية بس انتي و قوليلهم انك عايزه تعيدي مادتين
روحي لوكيل الوزاره او منسق التعليم الثانوى هناك

خلاص حاضر يا نهى هروح وهسال انشاء الله

ميرسى اوى يانهى متحرمش منك ابدا يارب

وهبقى ابلغك كمان عملت اية واية اخر الاخبار

بالتوفيق ان شاء الله
و ندعو الله أن ييسر لكى الامور
و جزيل الشكر للأستاذة نهى شاهين على الردود
جزاكم الله خيرا وبارك الله فيكم

الشكر لله يا استاذ ايمن
هى زي اختى بالظبط