|
ختمت القران كام مرة ؟... عارف إنك مش هتدخل :)
السلام عليكم ورحمة الله وبركاته ازيكم يا شباب .... احترمت اللي دخل الموضوع فعلاً والله كمل بئه واقرأ بتأني وحس بالكلام ... ـ ايه يا جماعة ملاحظ عليكوا حاجه كده من شهر 1 اللي فات معقولة فاكر :o أيوة انا فاكر كويس جداً:stickjo4: والأدلة كلها موجوده ع المنتدى :rolleyes: كنت بتدخل كده وانت هربان من المذاكرة وقرفااااااااان وطالع عينك يا عيني وبتقول أنا مش عارف اذاكر انا متحطم وزمايلك يقولولك استهدى بالله وذاكر و ان شاء الله ربنا يوفقك وقعدت تدعي ربك لغاااااااية ما وفقك ونجحت على خير ودخلت الكلية اللي ربنا رايدلك بيها ... طيب فين حق ربنا بئه ؟ فين سلم واستلم ؟ طلبت من ربنا يوفقك .. اهو وفقك والحمد لله ايه ده انا مدخلتش الكلية اللي انا عايزها ازاي وفقني ؟ :angry2: طــــــــــــــــــــــــب بلاش تفكيرك ده لأنك غلطان كده جايز كليتك اللي كنت عايزها متنجحش فيها ولا سنة وتتعقد منها وتتفصل منها وساعتها تقول ياريت اللي جرى ماكان ... فالحمد لله على اللي ربنا يجيبه طيب يبقى ربنا فضله كبير علينا الحمد لله ... فين بئه حق ربنا ؟ كل ده والرسالة موصلتش ؟ احنا في رمضان :slap1qk6: وعمال تعملي موضوع عن فوازير رمضان مواضيع فرفشة وضحك وهزار ولعب وواحد عايز يمشي والتاني يقوله لأ لأ والتالت والرابع و و و :angry2: طيب يعني هتفضل كده وتضيع الشهر منك ؟ :stickjo4: دا شهر في السنة شهر اييييييييييييييييييييييييه ؟ دا لسه 13 يوم ورمضان ينتهي :o وحضرتك ولاااا هنا أكاد اجزم ان محدش فتح المصحف من بداية رمضان للدرجة دي انا واثق من كلامي ؟ مش واثق ولا حاجه ... بس الظاهر بيقول كده ... هو عتاب لينا جميعاً ياريت تسمعوا الكلام وإلا ... "رغم أنف من أدركه رمضان ولم يغفر له" "خاب وخسر من أدركه رمضان ولم يغفر له " تقبل الله منا ومنكم صالح الأعمال ... |
اولا احيييك على الموضوع الرائع ده
فعلا فى حاجات كتيير بتلهينا عن القران , لكن زى ما قولت دا رمضان مينفعش فيه اى حاجه لاهيه و مهما عملنا مش هنقدر نوفى ربنا حقه ونشكره على نعمه الكتيره اوى علينا حتى لو مش دخلنا الكلية اللى احنا عايزنها بس اكيد ربنا ليه حكمه فى كده واكيد لينا فيها خير { وعسي ان تكرهوا شيئا وهو خيرا لكم } وانا بتمنى انى اختم القران اكتر من مرةوانجز فى ال 13 يوم الباقيين دول وفى النهاية جزاك الله كل خير |
موضوع جميل جدا
انا بخصص وقت بعد الفجر لقراءة القران الوقت دا بيبقى جميل اوى هادى جدا وفيه خشوع بجد جزاك الله خيرا على الموضوع وجزاك وجزانا حسن الاعمال وياريت فعلا اى حد مقصر مع ربنا يحس بغلطه ويرجعله والله تواب رحيم |
موضوع قمه فى الروعه |
كان نفسى حد يقول كده من زمان
ماأجمل أن يكون انا أخ يكبرنا وناصح أمين لا أملك قولا إلا جزاااااااكم الله خير الجزاااء... |
اقتباس:
أولاً جزاك الله خيراً :) ثانيا مستنيين ايه ؟ يلا بينا نبدأ من النهارده بجد ونخلصه هنلحق طبعاً أكتر من مرة باذن الله شدوا حيلكم بس ومش شرط نبدأ من سورة البقرة ممكن نعلم في ورقة على السور اللي قريناها بحيث أهم شئ يكتمل المصحف أخر الشهر قراءة متأنية ولكم الاجر باذن الله |
اقتباس:
شكراً لمرورك و أرجو إنها تكون لفتة صغيرة تنفعكم إن شاء الله :) |
اقتباس:
اشكرك وأرجو أن تعمل به ونعمل كلنا به اقتباس:
طيب هو لازم أنا اللي أقول ؟ ما في واعظ في القلب لو الناس خلصت يعني !!! في واعظ في القلب يؤنب الشخص ويقوله مبتقراش كلام ربك ليه ؟ ؟ ؟ دا يكفي شرفاً أن الكلام ده (القران) كلام رب العالمين ... وكان بيقوله النبي صلى الله عليه وسلم والصحابه وبه علا أناس كثيرون في جنات ونهر في مقعد صدق عند مليك مقتدر |
واللله العظيم ربنا يكرمك بس الحمد لله انا برضه حسيت الاحساس دة قول ما قلولى انهارة 15 يعنى نصف رمضان طار بصراحة افتكرت شهر 5 بتاع الامتاحانات وانى لازم الحق ادوس على نفسى مهى المذاكرة مش احسن لدرجة انى لاقريت اول امبارح 4 اجزاء لانى اصلا كنت فى السادس وامبارح 10 من بعد الفجر وربنا بس يقوينى انهاردة واقره زيهم او نصهم واكون ختمت بس ادعولى بالله عليكم ادعولى نتيجتى انهاردة يناس ياااااااااارب
|
اقتباس:
وتدخلى الكلية ال انتى عايزاها |
اقتباس:
|
اخيراااااااااااا لقيت موضوع مفيد ف القسم ده داانا كنت بطلت ادخله:angry2: كان نفسى يبقى فى منافسة شغالة ف رمضان ده زى قبل كده على قراءة القران هنا ف المنتدى بس محسيتش بكده الصراحة :( انا الحمد لله ختمت مرتين لحد دلوقتى وداخلة ف التالتة ان شاء الله بس زعلانة جدا لان فى وقت كتير ضاع كان ممكن استغله فيه اكتر انا كنت داخلة رمضان ده وف نيتى اختم القران 5 او6 مرات ربنا يقدرنى والحق اجيب 4 منهم ربنااااا يتقبل مننا واللى ملحقش يختم ياريت يلحق بسرعة ولو مرة واحدة الصحابة كانوا بيختموا ف 3 اياااااام! واحيانا يومين يعنى 10 مرات ف الشهر اقل حاجة ربنا يسترها علينا :(:( بس اهم حاجة مش احنا وصلنا لفين ف القراءة لا الاهم القران وصل لحد فين ف قلوبنا واتاثرنا بيه ولالا وياترى هنواظب بعد رمضان ولالا؟ شكرااا يابشمهندس ع الموضوع اللهم اعتق رقابنا من النار وتقبل صلاتنا وصيامنا وقيامنا وسائر اعمالنا الصالحات امين...... |
ع فكره ي بشمهندس مش كله كده فيه ناس عارفه هى بتعمل إيه وماشيه إزاااااااااااى ومنظمه وقتها إزاااااااااااااى مش شرط لما أكون فاتح النت يبقى أنا قاعد عليه مثلا مش شرط لما أكون فاتح الفيس يبقى أنا برده قاعد عليه أنا ساعات بسيبه مفتوح وبعمل إللى أنا عايزه ف البيت مشكور ع كلامك الرائع |
عن نفسى انا فتحت المصحف
بس ماشيه فيه ببطء يمكن جزء واحد كل يوم بس مشكوووور ع الموضوع |
موضوع جميل جزاك الله خيرا
بس انا الحمدلله قربت اختم القرأن |
| جميع الأوقات بتوقيت GMT +2. الساعة الآن 10:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.