|
قولولى رايكم فيا بصراحه
السلام عليكم ورحمة الله وبركاته انا من غير ماطول عليكم عايزه من كل عضو هنا طلب صغير عايزه كل واحد يقولى على العيب اللى شايفه فيا بصراحه بما اننا هنا كلنا زى الاخوات بالظبط فانا بطلب منكم جميعا ان كل واحد شايف فيا حاجه غلط يقولها هنا عشان اتنبه للشئ الغلط ده واصلحه ان شاء الله علما بان شخصيتى اللى بيها فى المنتدى هنا هى نفس شخصيتى الحقيقيه يعنى عيوبى هنا فى المنتدى هى نفسها عيوبى فى الحقيقه اللى يمكن اكون مش شايفاها اساسا وانا عايزه اعرف ايه عيوبى عشان اقدر اصلحها وكده تبقوا انتوا خدمتونى خدمه كبيره اوى وده طلب بسيط واكيد مش هترفضوا اختكم فى الله (تمر حنه) |
له
دأنه أهل وده مش غلط |
موضوعك مهم وياريت كل واحد يعمل زيك يدور على عيوبة بس انا بردة مش هعرف اجاوبك لان انا لسة عضوة مشتركة بقالى اسبوع بس فمش هعرف اجاوبك بس انا قرات لحضرتك كام موضوع عجبنى اسلوبك اوى تقبلى مرورى اختك (((زهرة البنفسج)))))))
|
بصراحه مقدرش أقولك لأنى مش أعرفك أوووى فمش أقدر أحكم عليكى |
اولا شكرا على المرور الكريم لحضراتكم كلكم
وبعدين انا طلبت منكم انكم تحكموا عليا من خلال مشاركاتى هنا فى المنتدى مش لازم تكون المعرفه شخصيه عشان انا حاسه انى زى مانا فى الحقيقه مش متغيره يعنى يعنى لو حد شايف فيا اى غلط فى مشاركاتى فى المنتدى هتبقى دى حاجه موجوده فعلا فى شخصيتى وهحاول اغيرها ان شاء الله ومتشكره ليكم على الاهتمام وانا لسه مصره على طلبى من كل الاعضاء |
يا بنتى عيب إل إنتى بتقوليه دا إنتى عارفة إنى حبيتك من أول متدخلى وكان نفسى أتعرفى عليكى لو لم أكن مصاحبة هالة لوودت أنا أصاحب هالة من أفضل الأعضاء إل عرفتهم فى حياتى |
ايه ده كله يا حنان
ربنا يخليكى ليا يا حبيبتى بس بجد انا حاسه انى ناقصنى حاجات كتير فى شخصيتى يعنى حاسه مثلا انى متسرعه وكمان مش بعرف احكم على الامور كويس وكمان حاسه انى متشائمه شويه طب انتى عارفه انا فى مواضيع بقيت مش بعرف ارد عليها عشان مش بعرف احكم على الموضوع كويس فانا بطلب منكم تقولولى مشاركاتى بيبان فيها انى مش فاهمه حاجه صح؟ والله انا حاسه كده بجد ومش عايزه حد يجاملنى ويقولى انى بفهم وكويسه ومش عارفه ايه عشان حاسه انى مش فاهمه اى حاجه فى الدنيا اصلا والف شكر يا نونه على الكلام الجميل ده |
لالالالالالالالالالالالالالالا مافيش حاجة من دى فيكى انتى من الاخر عضوة 100/100
|
لا يا هالة ما تقوليش كدة انا دخلت المنتدى وقريت ردودك انتى كلامك صح ومظبوط وبتعرفى تحكمى على المواضيع كويس وعلى فكرة انا مش بجامل دى حقيقة خلى ثقتك فى نفسك قوية وحطى فى بالك انك حد كويس وفعال ومتميز فى منتدى زى منتدى الثانوية واوعى تسيبى نفسك للتشاؤم خليكى دايما متفائلة وان شاء الله كل حاجة هتباة كويسة معلشى انا طولت عليكى بس كنت عاوزة اقولك كل اللى عندى (( تقبلى مرورى ))
|
واضح انك على خلق ومتدينة
|
اقوللك انا عيبك يا روح قلبي
عيبك اني كل ماجي ادورلك علي عيوب مش بلاقي اكيد طبعا الكمال لله وحده بس من كتر حبي ليكي بجد مش قادره اطلع اي عيب مش لاقيه رد اقولهولك والله بس انتي انسانه محترمه جدااااااااا فوق الحدود ومتدينه برده جداااا وده الحاجه اللي خلتني بقيت بعشقك مش بحبك بس واني لقيت حد يفهمني بالطريقه دي رغم ان فتره تعارفنا معدتش الشهر بس بجد كأني عرفتك منساعه ما اتولدت طولت عليكي انا عارفه بس خلي عندك ثقه في نفسك يا لولو |
اولا شكرا ليكم على الكلام الجميل ده كله
بس انا خايفه كده لحسن تفتكروا ان انا عايزه اسمع الناس بتشكر فيا وخلاص بس بجد انا كان نفسى حد يقولى ايه الحاجه اللى ناقصانى مثلا بس بجد انا بشكركم جدا وشكر خاص لزوزو حبيبة قلبى ماكنتش اعرف انك بتحبينى كده بجد وانا كمان والله حاسه كانى اعرفك من زماااااااااااااان ربنا يديم المحبه بينا وشكرا ليكى يا امل على الكلام الجميل ده وان شاء الله هحاول اقلل التشائم والف شكر لمياده اسامه ربنا يكرمك وجزاك الله كل خير وجزاك الله كل خير يا XMTMX2009 |
أولا انا لن أختلف فى الرأى عن رأى سندريلا
اقتباس:
اقتباس:
و انا شفت كتير من مشاركاتك و مواضيعك عيبك الوحيد - و اتمنى متزعليش منى - الطيبة الزيادة عن الازم بلاش حسن النية الزيادة اللى فى ردودك عشان تبعدى نفسك عن المشاكل على فكرة قد اكون صح و قد اكون مخطئ و قد يكون الموضوع مش مستاهل بس نا شايف من ردودك انك بتكتبى اللى انتى حاسة بيه من غير ما تفلتريه وده و ان كان معملش مشكلة ليكى دلوقتى فممكن فى وقت من الاوقات يزيد و يعملك مشكلة انا رغيت كتير ................ مش كدة ؟؟ بس معلش انتى طلبتى رأيى و صدقينى انتى لو مش عضوة محترمة و انا عارف من خلال ردودك قبل كدة انك عضو تستحق التقدير و الاحترام انا مكنتش قولتلك الكلام ده بس انتى زى اختى - ومش عارف بقى الصغيرة و لا الكبيرة - عموما اختى و خلاص ده لو معندكيش مانع |
اقتباس:
وان شاء الله بعد كده هاخد بالى من ردودى كويس وافلتر كل حاجه هقولها والله ده كلام مظبوط جدا وهعمله ان شاء الله وطبعا انا ليا الشرف انى اكون زى اخت حضرتك وانا مش زعلانه طبعا لانى مش بزعل من الصراحه ابدا والف شكر لحضرتك على صراحتك ولو حضرتك شايف حاجه تانيه برضه ياريت تقولهالى عشان اقدر استفيد جزاك الله كل خير |
السلام عليكم ورحمه الله وبركاته
ازيك يا تمر حنه ؟ يارب تكوني بخير بصي يا تمر حنه مهما كانت شخصيتك هنا عمرها ما هتكون بنسبه 100 % في الواقع ممكن تكون مثلا هنا في اوقات احلي ممكن تكون هنا في اوقات مثلا اسوأ فهماني دي مسأله نسبيه لكن انا احب اقول رأيي فيكي انك انسانه محترمه بجد وتستحقي كل احترام وتقدير وبيعجبني اوي حرصك بردو انك تحضري في الغرف الصوتيه وانا متفاءل ومتوقع ليكي مستقبل باهر ان شاء الله ربنا يحفظك ويوفقك لما يرضاه :) |
| جميع الأوقات بتوقيت GMT +2. الساعة الآن 12:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.