|
وجهه نظر ...
السلام عليكم إنتشرت فى الآونه الأخيره فكره إن القسم بقى ممل ووحش ورخم والمواضيع بتاعته مش على المستوى المطلوب أو المواضيع غير مناسبه للقسم من الأساس بس إحنا فى أجازه وكتير منا رايح الكليه يعنى مش حيستفاد من القسم وبعدين أقسام المواد الدراسيه ليس لها عدد ف المنتدى ده أصلا يعنى إللى عايز يسأل ف حاجه ممكن يسأل هناك فى أى قسم ف واحد بيقولى مواضيعك كلها مخالفه للقسم فعلا والله أنا مواضيعى فى الأجازه كلها مخالفه للقسم وهدف القسم بس لما أنزل موضوع زى " وقفه إحتجاجيه " وزى موضوع " المفاجأه " وزى " مناقشه هادفه عن الكليات " وزى " دعوه للتصالح " وزى " شباب وبنات ربنا يكرمهم " وزى " منعا للاحراج " وزى " ركزوا معايا شويه بالله عليكم " وزى .......... أهى كل المواضيع دى ملهاش علاقه بالقسم فعلا بس بحل بيها مشاكل أو بنساعد بيها حد أو زى المفاجأه بنعمل حاجه تقربنا من بعض أنا مش عامل الموضوع ده عشان أتكلم عن نفسى بس عايز أوضحلكم مش شرط التوبيك إللى بعمله يكون مناسب للقسم أهم حاجه إنه مفيد خاصه وإحنا ف أجازه وقصاد إنى منزل مواضيع مفيده كمان منزل مواضيع تافهه زى " خواطر طالب ثانوى " وزى " يوم من حياتى " وزى " عندما ترى شخصا " وزى " إختلاف معاملات " وزى " حط صفه لصاحبك " وزى " ضميرى بيأنبنى عشان " وزى ................... أصلح الله حالى وحالكم |
والغريب ف الأمر إن إللى بيقولوا المواضيع تافهه أو غير مناسبه للقسم هما إللى بينزلوا المواضيع دى وهما بمشاركاتهم إللى بيخلوا المواضيع الكويسه تبوظ أصلح الله حالى وحالهم وحالنا جميعا |
فعلاً كلامك صحيح اساحبى وربنا يصلح الحال
|
هو ايه المخالف من يوم مااتولدت واجتماعات طالب كدا O.o
الناس دى مش لاقيه حاجه تقولها ... استمر . والى شايف حاجه مخالفه يبلغ لكن احنا هنفضل كدا ومش هنغير .. |
اقتباس:
آمين يا رب |
اقتباس:
أهاااااااااااااا عندك حق ربنا يهدينا جميعا ثانكس لردك |
شوف من وجهة نظري كعضوة في المنتدي ان مفيش مواضيع تافهه كتييير لامن احنا اصلا مش تافهيين واللي بيحط التافه هو اللي بيكون تافه خواطر طالب ويوم من حياتي مش تافهين أقل فايده انك بتحاول تخلينا نشاركك في لحظات سعادتك ولحظات حزنك ودا اللي احنا بنعمله بس بطرق تانيه يعني في ناس بتعمل مواضيع وتقول انها مخنوقه ومضايقه وواجب علينا نقف معاهم وعندما تري شخصا واختلاف معاملات وغيرهم كل واحد فينا بيدخل يقول اللي عنده وكلنا بنستفيد من مواقف ممكن تكون محصلتش معانا بس حصلت مع غيرنا م الاخر سيبك من الي بيقول ان في مواضيع تافهه المهم تكون مقتنع باللي بتكتبه وع فكرة احنا مستنين اليوم السادس اسفه ع الاطاله |
والله يا خالد طب منا اه برضه من الناس نزلت موضوع انا والنجوم ومنتداك وملهوش دعوة بالقسم نهائى بس الحمد لله الكل اجمع ان ناس استفادت منه وكمان انا قلتها قبل كدة هو الطالب دة مش انسان الاو ل وفى الاخر
واننا ناقش شاى مشكلة اجتماعية او حاجة تساعدنا فى المرحلة العمرية الى اغلبنا بنمر بيها دة مش اقل ابدا من اننا نساعد حد فى المذاكرة الطالب عمره كان مجرد اله كاتبه عمالة تذاكر وبس لا دىة لى مشاكل تانية واهتمامات تانية خصوصا اننا فى الصيف مش فى وقت دراسة يعنى وانا من الناس الى دخلت وقت االامتحانت يعنى اه فى اكتر وقت فى مذاكرة واستفد جدا وربنا عالم انتو ساعدوتى اعدى المرحلة دى ازاى لانى كنت مكتابة جدا فيعنى كلا شئ فى وقته ومع محاولة طبعغا ان الموضوعات متكونش غير هادفة او مثلا تفاهة بزيادة او مثلا يمكن 3مواضيع بنفس الفكرة مش علشان حاجة غير بس ميبقاش فى تكدس وكل موضوع ياخد حقه وشكرا على التوبيك يا خالد |
اقتباس:
لسه مستنيه اليوم السادس ههههههههههههه ربنا يكرمك إنتى وفيرك من الناس الكتير جدا الكويسين إللى بيدوا ليا وللى زيى أمل ربنا يكرمك منوره |
اللهم ارحم شهدائنا الابرار
ويسقط يسقط حكم المرشد |
اقتباس:
ربنا يكرمك بس الناس بتقول كلام كده عمال على بطال يعنى من باب إنهم عايزين يتكلموا وخلاص طبعا أنا مش بتكلم عن نفسى وبس أنا بتكلم عن كل واحد هنا فى القسم ده |
القسم ده اسمه اجتماعيات طالب
يعنى الطالب هو اليحدد قوانينيه مش الاداره و احنا فعلا ف اجازه و خلاص الدراسه هتبتدى و هتبتدى المشكلات و الاسئله و احنا مش بنزل مواضيع تافهه احنا بنزل مواضيع " اجتماعيه - سياسيه - دراسيه -مشكلات - اسئله - ترفيه ... الخ " يعنى مواضيع من كل نوع و ف الدراسه هتتقلب كلها لدراسه عشان كله هيكون مشغول بيها انا ارفض حكايه مواضيع ممله دى فيه ناس هنا محترمين جدا بينزلوا مواضيع رائعه جدا و بدون ذكر اسماء لانهم كتير جدا هنا بينزلوا مواضيع بتفيد فعلا و ده رائى تحيـــــــاتى |
انت من افضل الناس ال بتحط مواضيع هنا فى القسم ياخالد
وعمر مواضيعك ما كانت تافهة ويوم فى حياتى وخواطر طالب ثانوى دى من اكتر المشاهدات ال فى القسم ومن اكتر المواضيع ال انا بحبها وبدخل عليها واكيد فى زيى كتير ودايما فى النقاد فاحنا طبعا نستمر فى عملنا وزى ما احنا دى اجازة ازاى هنزل مواضيع مذاكرة وكدا وكمان اكتر الناس هنا رايحين كليات وكليات مختلفة وال بيكون عايز مساعدة بيلاقينا كلنا جنبه فأحسن حاجة نعملها نستمر زى ما احنا ومواضيعك كلها جميلة وفظيعة ومش تافهة |
معتقدش خالص ان اللى بيحطوا مواضيع مش متعلقه بالدراسه
تكون مواضيع تافهه اكيد لا طبعا :excl: لان القسم اسمه اجتماعيات طالب و اجتماعيات دى يعنى حياه الطالب فى كل حاجه احنا بنشارك العضو فى كل حاجه ( فرح - حزن - خنقه - ضيقه - ضحك - لعب) :friendsxs3: لان حياه الطالب مش دراسه بس و يبقى غلطان جدا اللى يحسب كده اسفه على الاطاله |
اقتباس:
طبعا ثانكس غ الكلام الجميل ده يا نونه بس برده لازم نحط فى دماغنا كل الإحتمالات منوره :):):) |
| جميع الأوقات بتوقيت GMT +2. الساعة الآن 04:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.