|
ساعدونى ! لان دى اخر فرصه (علوم رياضه\تجارة انجلش)
سلام عليكم ورحمه الله وبركاته
ممكن تساعدونى عشان انا محتاره جدا جدا - انا نتيجة التنسيق بتاعتى طلعت ودخلت علوم\رياضة -كل الناس بتقولى ان الكليه دى معقده جدا + ملهاش مستقبل +بيطلعوا منها مدرسين -وحاسبات ومعلومات وتجارة انجلش افضل من علوم -انا محتاره جدا ومش عارفه اختار ايه :- هل اختار علوم \رياضه :- طب لو دراستها معقده ما انا ممكن افشل فيها وفي الاخر مش الاقي وظيفه ولو اختارت تجاره انجلش \ الانجليزى بكرهه جدا ومش بحب الحفظ لكن ممكن احاول امشي فيه يعنى بس سوق العمل ليه افضل من فضلكم حد كلية علوم يفيدنى بجد لان التحويل بكره |
هي علوم بصراحه بيقولوا صعبه بس تقدر تبحث عن المواد بتاعتها بتتكلم عن ايه وتشوف هتقدر تمشي فيها ولا لا
تجارة انجلش وتجارة عربي الاتنين كويسين جدا بس في ناس بتقول انجلش احلى حاسبات ومعلومات دي لو مجموعك جايبها اكيد تدخلها لانها احسن كلية بعد الهندسة |
لو جايالك حاسبات و معلومات فادخليها احسن
|
بصي هي مش حكاية معقده الي اسمعته انها زي علمي رياضه كده بتحبي الرياضه هتمشي فيها مش بتحبيها عمرك ما هتمشي فيها!!
بــــــــــــــــــــــــس احنا بنتكلم علي جامعه يعني طبعا هتكون الرياضه علي اوسع بكتير..... المشكله انه حكايه الي كل بيتخرج منها بيبقي مدرس (فده صح) تجاره انجلش انا عن نفسي كنت كتباها رغبه تانيه لانها كويسه و مستقبلها احسن من علوم <<<<<<القرار هنا ليكي ايه الي انت متقبلاه وايه لأ !!! وربنا يوفقك لما فيه الخير ^^ |
اقتباس:
مين قالك كده ؟؟؟ ده كان زمان دلوقتي محدش بيشتغل مدرسين غير بتوع تربية هما اللي ليهم الأولوية ومحدش دلوقتي بيدخل علوم ويطلع مدرس |
اقتباس:
دول بتوع علوم علمي مش رياضه !!!! وانا علي فكره مش بقول كلام كده وخلاص انا عارفه انا بقول ايه وامتى وانت مالكيش الحق انك تعدلي عليا اصلا !!!!!!!!!!!!!!!!!!!!!!!!!!!! |
حسابات و معلومات و اتكل علا الله
|
تجارة انجلش فوق الممتاز وشغلها ممتاز جدا
حاسبات كويسه برده بلاش علوم |
تجاره انجلش
|
لو جايب حاسبات من غير تفكير توكل على الله وادخلها لو في اخر الدنيا لو مكنش تجارة انجلش جميلة وليها مستقبل اما علوم اجهاد في الفاضي نادرا لما تلاقي حد بيدخل علوم وبيشتغل بيها
|
فعلا علوم رياضة بيطلعو مدرسين مجال العمل محتاج تجارة سواء انجلش او عربى.بالتوفيق.
|
بلاش علوم ونصيحة منى ومادام بتدور على شغل ادخل تربية رياضة احسن مليون مرة بالنسبة للشغل والسفر بره ودروس وبلاش تجارة انجلش عشان لو مجبتش تقدير هتبقى زى التجارة العادى ومتتغرش بالاسم غير كدا هتروح كورسات كتير وتجارة اصلا مش سهلة فمبالك بالانجلش
اما علوم هتشتغل بيها ايه لو على التدريس بيفضلو بتوع تربية ولو ليك حاسبات يبقى افضل وافضل اتمنى اكون افدتك بالتوفيق |
جزاكم الله الف خير على مساعدتى وكل سنه وانتم طيبين
|
| جميع الأوقات بتوقيت GMT +2. الساعة الآن 10:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.