|
احب اصدقائى كثيرا ... فيجرحونى دائما
السلام عليكم ورحمة الله وبركاته
اسمى مهاب انا طالب .. انتهيت الحمد لله من الثانوية العامة وانتظر اول عام فى الكلية عمرى 18 سنة لا اعلم ان كان هذا القسم المناسب او ان كان هناك قسم من الأساس لهذا الموضوع انا لى حساب اخر فى هذا المنتدى ... عملت هذا الحساب حتى اكون مجهول اريد ان اتحدث ... اكاد ان انفجر من الصمت احب اصدقائى كثيرا .. اعاملهم كإخوتى .. دائما حامل همهم وكاتم سرهم .. احزن لحزنهم وافرح لفرحهم اذا كان احدهم فى مشكلة انسى همومى ومشاكلى لا يشغلنى إلا هو حتى فى عز اختبارات الثانوية .. عندما كنت اعلم ان احدهم لم يحل جيدا .. وانا اعلم علم اليقين انى حليت اسوأ منه , لا اشغل نفسى بحالى ولا اهتم لأمرى ولا افكر حتى فى نفسى ولا اقوى على مذاكرة المادة التالية حتى اشجعه واخفف عنه اذا كان احدهم فى مشكلة او يحمل هم .. لا يهدأ لى بال حتى اساعده ان كان بإستطاعتى وإن لم يكن بوسعى المساعدة ... لا يهدأ بالى ولا استريح فى نومى حتى يفرج عنه الله همه يوما إذا زعجت احد بدون قصد لا يهدأ لى بال ولا انام ولا انشغل إلا بمصالحته او بتوضيح سوء التفاهم اذا اردنا يوما الخروج سويا .. لا يهمنى ابداً الى اين سنذهب او ماذا سنفعل ... فقط يهمنى ان نكون معاً لم اقصر عمرى مع احد دائما اخاف على مشاعرهم , .. على زعلهم .. دائما ادعوا لهم واتمنى لهم الخير تمنينا جميعا دخول كلية معينة من الكليات ... و فقط واحد من اصدقائى كان اعلى مننا فى المجموع والأقرب كثيرا منا لهذه الكلية ... كنت ادعى له دائما وفى كل وقت ان يدخلها .. فأنا تمنيت هذه الكلية كثيرا لكن مجموعى كان بعيد ... ورأيت فرحتى فى ان يدخلها هو وتمنيت ذلك بشدة من الله لم اسئل نفسى يوما عن سبب هذا الحب ففى الحقيقة هم ليسوا اصدقاء طفولة و لا اعرفهم من مدة طويلة .. اعرفهم فقط من هذا العام لحد هنا لا يوجد مشكلة .... الطاقة الإجابية او المشاعر الإجابية شئ جميل مشكلتى هى انى لا اجد الإهتمام ... على الرغم من انه من اصعب الأشياء عليا ان ازعج احدهم بدون قصد ... لكن من الهين جدا جرحى على الرغم من انى دائم السؤال والوصال لكن قليلاً ما يسأل عنى .. وكثيرا من هذا القليل ما يكون السؤال تأديتاً للواجب ... او لمصلحة يظهر معى بوجه الصديق الوفى ... و اكتششف نذالته والأخر يرفعنى بكلامه للسماء .. وبأفعاله يخسف بى الأرض اجد احيانا كذب .. واحيان اخرى نذالة واخرى عدم اهتمام واهمال وكثيرا ما يكون وراء هذا الكذب جرح كبـــير لى صعب يتنسى وعلى الرغم من كل ذلك .. عمرى ما اشتكيت لأحد من اهماله ولا من سوء معاملته ولا حتى اظهرت يوم انى كشفت كذب احدهم او انى عرفت موقف حدث من ورائى جرحنى فدائما اضع فى قلبى حزنى واصمت ... واسامح واعفى عن اى احد بدون حتى ما اسمع تبريره واخلق له الأعزار ان كان هناك مساحة لذلك واتعامل طبيعى دائما ... ولا ابين ضيق او حزن من اى موقف لأى منهم احاول بقدر الإمكان ان اظهر بصورة القوى ... لكنى اعلم انى من الداخل ضعيف جدا ومن اقل شئ يمكن جرحى والحقيقة انا لا ادرى لما لا اشتكى احدهم من سوء معاملته او كذبه او اى شئ ؟؟ عندما افكر فى إجابة لهذا السؤال احتار كثيرا ... واضع اجابات لنفسى لا اعلم ان كانت صحيحة ام لا -- يمكن لإعتقادى انى لن اجنى من هذا العتاب إلا اعذار واهية ((كذب)) سأضطر راغما على ان اصدقها واسامح ... فأختار ان اسامح مع نفسى بدون سماع اعزار مختلــقــة ((كذب)) !! -- او يمكن لأنى اذا عاتبته سأظهر له مدى اهميته بالنسبة لى حتى وهو جارحنى ... واعتقد ان هذا ضعف او تقليل من كرامتى !! -- او يمكن لأنى لا اريد احراجه بمواجهته بعيوبه او تقصيره !!! -- او يمكن خوفى من الا يتقبل النقد .. فأكون انا هنا ساعتها المقصر والغلطان !!! ولا استطيع ان اعلم الحقيقة ما السبب حتى الأن .. هل هو واحد من هؤلاء .. ام سبب اخر لا اعلمه انا ام هو تصرف خاطئ غير مبرر ؟؟ هل لدى احدكم اجابة !! ------------------------------------------------------------------- وفى الحقيقة انا لا ادرى ايضا لماذا كتبت هذا الموضوع تحديدا يمكن لأنى سأمت الصمت ... ولم اجد من اشكى له على الرغم من انى لم اكتب سوى بعض الأشياء العامة .. اتمنى ان اكون كبيت ولو القليل جدا من همى على الورق.... و ماذلت احبهم |
لا اعلم لماذا ... عند قرائتى موضوعى الأن بعد ما كتبته .. حسيت انى مجنون
|
لالالالالالالالالا
انا مثل حضرتك تماما وفيت حتى انتهيت و اتمنى ان يفسر لنا احد لم نوفى و هم يخوننا |
هههههههههههه انت كده بقيت 3 شخصيات واحد كعضو تانى والتانى شايف واحد مجنون غير التالت ايه ده؟على العموم السلبية ان الانسان يفهم ان الناس قاصدين يجرحوه او كده لازم تفهم ان اكيد هم مش قاصدين كده وممكن فى حاجة مزعلاهم بس واستحملهم ايوه فى ناس بتبقى شوية ماعندهاش دم بس هنعمل ايه ندعيلهم وخلاص رمضان كريم
|
موضوعك جميل انت بتكتب اللي جواك بس جميل انك تحب صحابك رائع انك تساعدهم بس معلش تيجي عند مصلحتك وبلاش تضيعها ايام الامتحانات ليه تتاثر من كلام ممكن يكون تضليل وبتحصل كتير بس عموما طالما كانت نيتك كويسه ولوجه الله خلاص متندمش انت دخلت كليه ان شاء الله تتوفق فيها وتبقي فيها ممتاز بس تذكر لا يلدغ المؤمن من جحر مرتين
|
انت مش غلط على فكرة انت صح والمفروض دا ال يحصل بين الاصحاب بس انت ملقتش حد يقدرك والمفروض ان الصديق مرأة لصديقه يعنى المفروض زى ماتكون انت كدا هو برده يكون كدا بيخاف على مشاعرك انا كنت انا وصاحبتى دايما بنشجع بعض ولو واحدة وقعت التانية تقومها فعلا كنت بفرح مع انها كانت ايام مذاكرة وايام تخنق انا صاحبتى دى فى احياء وانا رياضة وكانت يوم امتحانى منمتش وفضلت سهرانة عشان خايفة عليا كان نفسى اخرج اطمنها من الامتحان انى حليت كويس دا طبعا على عكس ال عملته بس كنت عايزة اعمل كدا عشان امتحانها الاحياء بعدى وكدا مش هتعرف تذاكر احنا فعلا مش بنخبى على بعض حاجة هى اختى التانية بجد انا من رأيى تواجه صاحبك بأنك مضايق ولو لقيت منه ردت فعل تحسسك فعلا انه بيحبك ومش قاصد كل دا يبقى تنسى لكن لو العكس يبقى هو الخسران لانك مش هتفضل دايما تخاف على مشاعر وميتخافش على مشاعرك دا رأيى |
بص انا حقولك حاجة واسمعها منى لانى تقريبا والله العغظيم والله العظيم زيك بالضبط بس دة اغلب عمرى بس حقولك حاجة علشان ترتاح بيها احنا مشكلتنا اننا بنعلم الخير والطيب علشان بنكون مستنين حاجة حتى لو تقدير نشوفو فى عنيهم وعلفركة اكتشفت مؤخرا ان دة مش صح لازم نتعود اننا نعمل دة لان ربنا امرنا اننا نكون كدة نود بعض بس طبعا فى حدود قدرتنا والى مياثرش عليانا بسلب فسؤاء حد ادرنا اولا احنا كدة كدة مش بنعمل ليهم فى رب هو الى بيحكم وعارف الى بيضحى من الى مبيضحيش وصدقنى ربنا بيكرم واو والله واحنا لسة داخلين جامعة وياما حنشوف ومعايا كتير صحاب الى كانو فى ثانوية معايا فى الكلية نفسها الى حدخلها بس متاكدة ان تعاملى معاهم لازم يتغير مش للوحش لا بس لازم اكون حريصة ان ساعدتهم متكونش على حساب اعصابى او ساعدتى |
مهما عملت صعب ارضاء كل اللي حواليك و العكس
انت صديق مخلص و وفي ودي صفة مش موجودة كتير اليومين دول متستناش من حد حاجة ...اتعامل مع صحابك بنية صافية و متغيرش اسلوبك معاهم و عاتبهم بهزار وقتها هيحسوا بيك...و حاول تفهم شخصيتهم و اخلاقهم كويس مش معنى انهم متفوقين دراسيا يبقى لازم تصاحبهم الاخلاق و التدين اهم حاجة... |
ع فكرة مش انت بس اللي كدا هتلاقي غيرك كتير كدا بس نصيحة مني شوف الصح واعمله ومتبقاش زي اصحابك حتي لو كان دا من غير مقابل المهم انت ايه؟؟؟ |
لما تاخد م الحياه ميت ألف كف وتنجرح من قبل ما جراحك تخف وإللى عشره معاك يخونك خبطته تنزل ترف إعمل عبيط ، إعمل عبيط ، إعمل عبيط ده أحسن حل يا بنى والله للى بنشوفه إنك تعمل عبيط ربنا يهديهم ويهدينا أجمعين |
>................................................. ........
|
اقتباس:
اقتباس:
مع حضرتك حق اكـيد ... لكن انا مش بفكر كدة انا دايما بفترض حسن النية فى الشخص الى قدامى ايا كان لو عمل فعل ضايقنى بفترض مع نفسى اى عزر او مبرر ليه وخلاص بسامح وبنسى تماما بس والله سعات بدور على مبرر ومش بلاقى بضحك على نفسى وبفترض اى نية علشان اكبر دماغى وفعلا بسامح .. بس فى الحالة دى بيبقى صعب انسى شاكر لحضرتك ردك و مرورك الكريم :) اقتباس:
صحيح كلامك فعلا ... مش دايما الناس بتقول الحقيقة حتى لو كانو صحابك بس انا مقدرش افترض سوء النية او اكدب صديقى إلا إذا كنت متأكد حصل معايا الموقف ده على فكرة فى الإمتحانات الى فاتت دى بتكلم مع صديقى فى التليفون وبيشتكلى من صعوبة الإمتحان وانه محلش وساب حاجات كتير وكدة وانا عايش معاه وبحاول اشجعه على متابعة المذاكرة وانه مييئسش وكدة واثناء ما بيتكلم سمعت حد من عنده بيقوله انت مش قولت انك حليت كل حاجة !!! انا سمعت ده اتدمرت ..خلصت المكالمة وبكيت... وبيقت اسئل نفسى لــيه يعمل معايا كدة ؟؟ بس شوية وهديت وخلاص و كان فى نفس المكالمة دى طلب منى خدمة .. عملتهاله علطول لحظة ما هديت وكالعادة مكلمتهوش فى حاجة ... موقف بسيط اوى بس دايقنى اوى .. ومعرفتش اذاكر حاجة يومها كنت متضايف وكبرت دماغى بعد كدة .... عارف فى ناس كتير بتقول الى حصل ما يستاهلش كل ده .. بس دى مشكلتى حاجة زى دى ممكن تدمرنى "لا يلدغ المؤمن من جحر مرتين" حطيتها فى دماغى الجملة دى.. ومقدرتش اعمل بيها مع الأسف فى موقف محدد حصل ... بدون ما ادخل يعنى فى تفاصيل كنت متفق انا وصديق نذاكر مع بعض فترة قبل الإمتحانات نشجع بعض يعنى المهم عمل معايا حركة ندالة كدة ضايقتنى قولت لنفسى "لا يلدغ المؤمن من جحر مرتين" وقررت مذاكرش معاه تانى وهتحجج بأى حاجة وخلاص بس لما لاقيت ان هو محتاج ده ... محتاجنى معاه اشجعه طبعا مفكرتش وكملت معاه وكانت النتيجة انه عمل معايا الحركة دى تانى وتالت ورابع كنت باخد الموضوع بهزار وبعدى .. بس طبعا بعد ما جتتى نحست ومابقتش تفرق اشكر حضرتك مرة تانية شكرا جزيلا على الإهتمام :) اقتباس:
"اسمع كلامك اصدقك اشوف افعالك اتعجب" ده دايما بيحصل مع صحابى تلاقى الواحد منهم كلامه عسل وتحس انه بيحبك .. بس اما تيجى تشوف افعاله حاجة تانية خالص !!! لو واجهت هلاقى اعزار وحجج وانا مع الأسف طيب حتى لو مش مسدقه هضطر اسدقه وفى الحالة دى ابقى طلعت لانا اللى غلطان وشكاك مع ان ده مش صح انا نفسى ممكن اعمل كدة انا يعنى مش ملاك لو حصل فى يوم ضايقت حد ايا كان غصب عنى ممكن اختلق مبرر او كذب علشان ميزعلش بس لو كنت بحبه اصلا مكونتش زعلته هيا دى العباره !!!!!! اشكر جدا حضرتك على مرورك الكريم واهتمامك :) اقتباس:
الواحد لازم فعلا يحط فى دماغه انه بيعامل ربنا مش لازم يستنى مقابل من بشر عارفة .. كان نفسى اتغير كدة واعمل زى حضرتك ... قولت لنفسى بدل ما ابقى "مهتم لأمرهم اوى اوى" .. ابقى بس "مهتم لأمرهم" بس مقدرتش معرفش ليه .. ممكن اضحى بساعدتى لسعادة حد فيهم شكرا مرة تانية لحضرتك :)) اقتباس:
بس انا مجبتش سيرة التفوق .. واكيد طبعا ده مش مقياس الأخلاق والتدين اهم حاجة فعلا شكرا لمرورك الكريم :)) اقتباس:
ربنا يقدرنى واعمل بيها شكرا مرة تانية :) اقتباس:
والله علطول عامل عبيط , عامل عبيط , عامل عبيط وكل شويـة ألبس فى حيط , ألبس فى حيط , ألبس فى حيط اسعدنى مرورك الكريم شكرا جزيلا :) |
ههههههههه اعجبتنى كثيرا كلمات حضرتك
والله علطول عامل عبيط , عامل عبيط , عامل عبيط وكل شويـة ألبس فى حيط , ألبس فى حيط , ألبس فى حيط اسعدنى مرورك الكريم شكرا جزيلا :)[/quote] ههههههههههه والله ده ما كلامى ده كلام فريق واما هههههههه ربنا ييسر لك الحال إن شاء الله |
الغلط فيك انت انت اللي شايف الناس ملايكة بشكل اوفر خالص امكن اللي حوليك مش صحابك زي ما انت فاكر او ممكن يكونو صحابك اه و بيحبوك بس بما انك قدامهم على طول مش بتزعل ازاي عايزهم يحسو بيك ؟؟؟ بص حوليك كويس وفوق ومتعش دور الأهبل - سوري - واعرف مين صحبك اللي بجد و مين المتصنع لإنك لو فاكرهم صحابك وهم مش صحابك انت اللي هتتئذي ف الآخر :slap1qk6: ومتسيبش حقك ديما بغرض تسوية المشاكل مرة عديلهم لكن التانية متعديهاش خالص على الاقل عشان يحسو بيك ويحسو انك بتحس مش مجرد ناصح مخلص
تقبل مروري |
اقتباس:
والله ده ما كلامى ده كلام فريق واما هههههههه ربنا ييسر لك الحال إن شاء الله[/quote] :) اشكرك استاذى اقتباس:
شكرا لكى على رأئيك اختى العزيزة اعجبنى كثــــــــــــــيرا بجد:) |
| جميع الأوقات بتوقيت GMT +2. الساعة الآن 12:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.