محتار و عاوز رايكم
 

انا طالب 3 ث من اسيوط الحمد للة جبت 406.5 و طلعت دي الحد الادني لطب و قبلت طب القاهرة
انا كدة كدة كنت عاوز اخرج برة اسيوط بس طبعا لما جت قلقت و ترددت
اية رايكم هل طب القاهرة ممتازة بما يكفي انها تستاهل الغربة ولا لا
يعني هل احسن اقعد في اسيوط ولا اسافر القاهرة

انا من راى الشخصى اقول خليك فى طب القاهرة واستحمل الغربة لا طب القصر العينى لا تجاريها طب على الاطلاق وده كلام اللى اتخرجوا من هناك

دا انت تحمد ربك انك جالك القاهره اساسا ناس كتير نفسها تحول القاهره ومش عارفه
انا بقي من الناس دي لبست في جامعه المنوفيه الحمد لله

طالما كده كده عاوز تبقى بره أسيوط خلاص توكل على الله
القصر العينى من أفضل وأسهل كليات الطب..
وربنا يوفقك

علي فكرة القاهرة افضل كلية في مصر من حيث الدكاترة والمستوي هي وعين شمس وبعدي يا اخي هتنورنا في المدينة وفي ناس كتير من اسيوط معانا وبعدين ياراجل دة فردة كعب وبالقطار كل اسبوع يوم الخميس وتيجي السبت

هقولك : انت ربنا بيحبك لكن هتتعب في اول السنه شويه ربنا معاك
علي فكره انا من اسيوط(ديروط) وفي الفرقه الرابعه قصر العيني

ياالله ابدا قدم ع المدينه الجامعيه
اشوف علي خير ان شا الله