طلب من الاساتذة الافاضل اعزكم الله( عوض على_ سعيد موسى_مصطفى محمود_ الاخوة الزملاء)
 

1_انا حاصل على دبلومتين ومدرس دراسات ابتدائى عاوز اعمل تصعيد رسميا لتخصص تاريخ ثانوى ومش عاوز ارجع تانى للابتدائى (ماهى الاجراءات)

2_ عاوز اعمل نقل داخلى بس الموجة مش راضى ممكن اجبها من (فوق الادارة الازهرية )بالقاهرة,,, كيفة الاجراءات ومالعنوان ياريت الافادة واسف على الاطالة

تقدم حضرتك طلب للتوجيه
على أن يكون لحضرتك علاقات رائعة
مع مسئولى التعليم الابتدائى والتوجيه وناظر المعهد ليوافقوا على طلب حضرتك
وبالتوفيق

بقول لحضرتك الموجه مش راضى غلس تقولى علاقات رائعة وبعدين حد بيعمل علاقات رائعة مع المسئوليين قول واسطة يااستاذ عوض وخلاص وناظر المعهد مبيطلعش مدرس هايقول فيين البديل على العموم نشكر حضرتك على الافادة,,,,

تقدم بطلب نقلك إلى المرحلة الثانوية موضحا أسبابك مثل
* أنك لديك الرغبة في تدريس مادة التاريخ
* تستطع أن تفيد أكثر طلاب المرحلة الثانوية لأنه تخصصك
و ترفق مع الطلب الدبلومات و خلافه ( علما بأن الأزهر لا يعترف عادة بالشهادات و العملية عشوائية مطلقة بين المراحل ، لا يوجد شئ أسمه معلم تعليم أساسي أو عام فكل الامور مختلطة تماما )
المهم تقدم بطلب للتفتيش أو مدير الادارة المركزية لمنطقتك
و يا حبذا لو تذكر معهدا ثانويا به عجز في التاريخ سيتم نقلك بسهولة له باذن الله
أما بخصوص اجراءات نقل داخلي
فهل تقصد حضرتك النقل من منطقة لأخرى ؟
أعتقد أنك تقصد نقل من معهد لمعهد في نفس منطقتك ، طبعا ممكن تنقل عادي
أنت هتكتب طلب نقل موحد فيه نقل للمرحلة الثانوية و المعهد مع بعض كما وضحت لك
طبعا توقيع الموجه مهم لكن مش كل حاجه ، ممكن مدير الادارة أو وكيل المنطقة يخلص الموضوع بسهولة
بس انت توكل على الله ، و أجعل واسطتك هو الله و ادعي أن يسير الأمر
بالتوفيقـ

الف الف شكر استاذ مصطفى محمود اشكرك على مجهودك الرائع

للأسف كل طلب تقدمه
يعود إلى التوجيه وناظر المعهد مرة أخرى !
ولا يمكن التصعيد بدون علاقات رائعة معهم
حتى ولو ذهبت إلى مجلس الأمن فى هيئة الأمم المتحدة !
وبالتوفيق لحضرتك

هناك طرق أخرى للعلاقات الرائعة أفضل من الواسطة
وبالتوفيق

اللى أعرفه لطريقة العلاقات الرائعة "بط و ............ " أم شريط ........... ، أم كلمتين "نفخ" حلوين أمام الزملاء .
جو فاسد ومنظومة فاسدة .
ربنا يوفقك ويكرمك . لأننى عارف إحساسك كويس . فى مجتمع لا يقدر المدرس العلامة فى عك الإبتدائى !!

اشكرك اخوانى على تعاطفكم معى هو هل يمكنى التبديل مع زميل لى معين فى التربية والتعليم والنقل لتربية والتعليم , علم باانى لسه مثبت حديثا

معظمنا يريد ذلك
ولكن للأسف
لا يوجد بدل