طريقة عمل البوظة المصرية
 

السلام عليكم ورحمة الله وبركاته
كل عام وانتم جميعاً بخير وسلام
لو سمحتم ياجماعة عايزة اعرف طريقة عمل البوظة الي بتتباع في المحلات
مش السوبيا ولا الايس كريم لأ لأ لأ
الي بيتحط عليها خميرة وبتخمر وبيكون طعمها لذيذ جدا
بحثت عليها في النت وخدت المقادير بس فشلت مش طلعت حلوة كانت وحشة جداً
بالله عليكم الي يعرف مقاديرها صح وطريقتها يكتبهالي للأهمية
جزاكم الله خيراً

بالله عليكم عايزة حد يعبرني ويرد
ويجاوبني عن طريقة عمل البوظة
ارجوكم الرد ضروري ضروري للأهمية

هى تقصد البوظة المصنوعه من الخميرة والشعير وطعمها لذيذ جدا بس ما نعرفش ازاى بتتعمل

شكرا علي الرد
لكن مش هي الي حضرتك بتقول عليها

طريقة عمل البوظه
 

خمس اكواب ماء مغلى ويضاف له كوب دقيق ويقلب جيدا ويترك ليبرد ويضاف كوب ونصف سكر ويضاف ملعقة شاى كربونات الصوديوم ( كربوناته ) وربع ملعقة فانيليا وضرب كله فى الخلاط حتى يكون سائل ويضاف بعد كدة ملعقة خميرة ويترك حوالى 3 ساعات حتى تخمر وبعدين يوضع فى الثلاجه ليبرد وبالهنا والشفا

شكرا جدا جدا جدا لحضرتك الف الف شكر علي الرد
هو حضرتك متأكد من المقادير صح علي العموم هجربها علي ضمنتك ويارب تطلع حلوة
بارك الله فيك وجزاك الله خيرا وكل عام وحضرتك بخير

ان شاء الله هى المقادير وانا اعملها فى البيت على طول وعرفينا ظبطت معك ولا
لا

بجد انا مش عارفة اقولك اية ياأستاذ / ابوشهدو
متشكرة جدا جدا والف الف الف شكر المقادير طلعت هايلة ومظبوطة خالص ونجحت معي خالص واضفت عليها مكسرات وكانت رووووووووووعة بجد طعمها كان جميل وكانت احلي من الي بتتباع في المحلات
الف الف شكر وكل عام وحضرتك بخير

جزاك الله كل خير

جزاك الله كل خير

بالهنا والشفا ولو عاوزة تزيدى الكميه بنفس المقادير بس الكوب اكبر شويه

البوظة المصريه

ارجو التثبيت

بالهنا و الشفا