|
بنقف ليه؟
اتعلمنا كلنا من الحضانة ان اول ماالمدرس يدخل الفصل نقوم نقف ومشينا بنفس الطريقة فى ابتدائى واعدادى ولما دخلنا الثانوى المدرسين بطلونا نقوم وبقوا يقولوا ماحدش يقوم انا محتاجة رايكوا فى الموضوع ده الوقوف ده صح ولا لا وايه فوايده او اضراره يعنى انا الفايدة اللى شايفاها فى الموضوع هى ان الفصل ممكن يكون دوشة فالوقوف ده بيرتب الفصل والكل يسكت عشان يبداوا الحصة وكمان ممكن يكون بيعلم الاحترام للكبير بس برده انا شايفة ان المفروض مش نقف لحد من الناس فى مدرس فى الثانوى كان بيقول ان كده حرام وكمان ممكن ده بيربى على تعلم الخضوع شوية ولا انا غلطانة؟ انا عايزة رايكم هل ده صح ولاغلط وليه؟
واللى عاوز ينتقد ينتقد بس بادب واحترام يعنى يايقول الخير ياامايصمت واللى هيرد رد مش كويس او هايخرج عن الموضوع :stickjo4::stickjo4:مش هقول هعمل ايه عشان مش بحب التجاوز |
صح طبعاً
لأن إحنا گده بنعبّر عن إحترامنا له قُمْ للمُعلِّمِ وفّهِ التبچيلاً .. گادَ المُعلِّمُ أن يگون رسولاً * |
ان مش شايفه ان في اى نوع من الخضوع .. دا من باب الاحترام للمدرس
وانا من الحضانه للثانوي كنا بنقف وبنفضل واقفين لغاااااااااايه ما يقولوا جلوس ههههه بس سعات المدرس يقول محدش يقف دى لانه بيكون مستعجل عايز يشرح حاجه مهمه ويبدأ فورا ودى بتحصل كتيير فى 1 ثانوى ,,, موضوع حلو |
اهو تعذيــــــــــــب وخلاااااااااص بأى :) :)
ههههههههه هيه طبعا بتبأى من الاحترام و دي اقل حاجة نقدمها للمدرس الاحتـــــــــــــــــــــــــــــرام |
لا هو من باب النظام بدرجة كبيرة دا وبيشمل نوع من الاحترام
النظام الان بين الحصص بيكون فى فوضى فى الفصل وده مش قاعد مظبوط ومش عارفة ده بيعمل ايه واللى بياكل او مطلع كتب تانية او قالب الشنطة فلما المدرس بيدخل بيكون ده ايذانا باعادة النظام للفصل كل المدرسين بيقولوانا اقفوا عدا مدرس الكيميا اعقل واحد كان يقول مش عارف انتم بيتقفوا ليه؟؟!! انا عاوزكم كدة انما هو لما يكون متدايق بيوقف الولاد بس |
مش عارفة بس متهيألى حاجة كويسة يعنى بس انا عشان ببقى قاعدة ف الاخر جنب الشباك فكان براحتى بقى اقعد عادى :p وكمان كان فى اوقات بقف ف الحصص كدا يعنى احنا أصلا المدرسة عندنا بيس خالص
بس عندى سؤال أما هو حاجة كويسة كدا ليه مش بنقف للمدرس ف الدرس ؟؟ انا السنادى كنت رايحة درس فرنساوى عند مدرس جديد اول مرة أروحله فأول ما دخل قمت وقفت مرة واحدة :d ورحت قيلة لصاحبتى قومى اقفى قومى اقفى .. وبعد كدا كله دحك عليا :( |
لو الوقوف للمدرس حرام زي ما قال المدرس بتاعك ... على كده الجيش يبقى كفر :d
|
موضوع الوقوف للمدرس في المدرسة مش موجود في اي دولة من دول الخليج(ده الي اعرفه)و دول كتير كمان .بس اجباري في مصر للطالب من صغره في المدرسة و دا مهم لانوا
بيبقى فيه احترام للمدرس من الصغر و تعويد للطلبة من الابتدائي على احترام و تقدير الاكبر في السن و اجلال لقيمة المعلم في المجتمع الي على ايده بيتخرج الدكتور و المهندس و الطيار .......الى اخره..و بيعلم الطلبة الانضباط و النظام في مرحلة الطفولة..بس في الثانوي الطالب بيكون اكثر وعي و عارف اهمية احترام المعلم لانه اتعودو اتربى على كده في الصغر و اصبح اكتر نضجا و معرفة بالحياة و دا السبب في رأي المدرس الي قولتي عنه ..و عدم الو قوف للمدرسين في الثانوي و شكرااااا |
اقتباس:
أنا گنت ف الأمارات ودرست الإبتدائي والإعدادي كله هناگ وگانوا بيخلونا نقف گل حصة |
عادى هو احترام للمدرس ودا حقه بس فعلا احنا فى ثانوى مش بنقف
|
تمام كده يبقى الوقوف ضرورى بالاجماع عشان تعويد الطالب على احترام المعلم وكمان لتنظيم الفصل انا بس استغربت لما مدرس قال لينا فى اول السنة قعدوا اوعوا حد يقف عشان حرام وباقى المدرسين كانوا بيدخلوا يقولوا خليكوا قاعدين وانا ماكنتش متعودة بس على انى افضل قاعدة هو اكيد فى الكلية هنفضل قاعدين مش كده؟
طب بالمناسبة بقى انتوا شايفين هيبة المدرس واحترامه موجودة دلوقت؟وليه؟يعنى انا شايفة بالنسبة لمرحلة الثانوى موضوع الدروس ده مشكلة وكمان من سنتين تقريبا كان فى حادثة ان طالب ضرب مدرس او حاجة زى كده حتى موضوع التعبير سنتها جه فى مدرستنا عن التعامل بين الطالب والمدرس والعنف اللى وصل بين الطرفين سواء من جهة المدرس او الطالب عايزة رايكم؟ |
| جميع الأوقات بتوقيت GMT +2. الساعة الآن 05:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.