استفسارات عديده و مهمه
 

السلام عليكم و رحمة الله و بركاته
ازيكوا عملين يا رب تكونوا بخير و كل الامه الاسلاميه
الحقيقه انا كان بيدور فى دماغى شوية اساله مش عارف انتوا كمان بيدور فى دمغكوا نفس الاساله و لا لآ بس هى اساله مهمه بالنسبه ليا

1- انا عايز اعرف كلية تجاره جامعة القاهره بتكون احسن او كلية تجاره و ادارة اعمال جامعة حلوان ده لو كان نفس التخصص يعنى مثلا لو واحد متخرج من تجاره القاهره محاسبه و واحد متخرج من تجاره و ادارة اعمال محاسبه مين اللى يكون مطلوب للشغل اكتر .

2- طب لو كان واحد متخرج من تجاره القاهره و احد من تجاره و ادارة اعمال حلوان بس مش نفس القسم يعنى مثلا تجاره واخد محاسبه و بتاع حلوان واخد خارجيه من حيث العمل .

3- و مين بيكون افضل خريج تجاره القاهره و لا خريج تجاره عين شمس من حيث العمل .

4- هل فى جامعة حلوان تجاره و ادارة اعمال بس و لا فيها كمان تجاره عاديه .

5- خريج تجاره عربى افضل و لا خريج حقوق انجليزى و السؤال ده من حيث نظرة الناس و من حيث العمل و انا على ما اظن انى مفيش بينهم مقارنه فى العمل لاكن اللى يشوف وجه مقارنه بينهم و انهى الافضل يقول .


انا عارف اى كترت فى الاساله بس هى مهمه بالنسبالى و دورت على النت و فى موضوعات الموقع و ما لاقتهاش و شكرا جزيلا و ارجو اللى يرد يكون متاكد و شكرااااا

يا جماعه 48 مشاهده و مفيش و لااااااااااااااااااااا رد يا ريت حد يفدنى افادكم الله

كأسم اكيد القاهرة .. كدراسة وكدا الاتنين زي بعض .. كشغل الاولوية بتبقى للقاهرة (مع كامل احترامي للحلوانيين :d)

العمل دا بتاع ربنا هوا اللى بيرزقك .. انا اعرف ناس خريجين اداب وشغالين في بنوك تقولي ازاى اقولك ماعرفش !! بس اهوم شغالين وخلاص

لو انا صاحب عمل وقدامي واحد قاهرة وواحد عين شمس بصراحة هاخد بتاع عين شمس لان امتحاناتهم بتبقى زي الزفت وبيتنفخو .. بس الواقع بيقول بتاع القاهرة يكسب

يا باشا هيا هيا تجارة القاهرة هيا تجارة حلوان بنفس المواد بنفس كل حاجة بس المسمي بس هوا اللى مختلف

السؤال دا ماقدرش افيدك فيه لان لو اتكلمت عن حقوق انجليش يبقى انا كدا بفتي وههذى عليك للصبح .. وانا بصراحة من طبعى مابحبش اتكلم في حاجة ماعرفهاش او ماعنديش خلفية كاملة عنها .. عندك قسم حقوق روح اسأل فيه

تمام و شكرا على الرد و تعبينك معانا يا عم فامبير و شكرا و افادك الله