الجانب الاجتماعى من المناهج الدراسية
 

فى اجماع ان المناهج عاوزة تطوير وكله بيتكلم عن تطوير التعليم من الجانب العلمى او كمية المناهج او كده لكن مافيش حد بيفكر فى الانشطة المدرسية او تاثير المناهج النفسى على الطلبة لان النشطة دى بجد هى اللى بتبنى شخصية الطالب وللاسف الانشطة دى تقريبا اتلغت من المدارس بقالها فترة يعنى احنا لما كنا فى ابتدائى كنا بنشترك فى انشطة كتيرة كنا عاملين فريق شرطة مدرسية وكنا بنلعب رياضنة فى حصة الالعاب وبنتعلم العزف على الاوكارديون والاكسليفون وبنتعلم فى حصة الاقتصاد المنزلى كويس وكان فى مادة اسمها القيم والاخلاق ومسابقات قران باستمرار ومنافسة قوية وكانوا بيغرسوا جوانا الحرص على جمال ونظافة المدرسة وبنهتم بشدة بتحضير الاذاعة المدرسية وانشطة تانية كتير وكانت المدرسة ماشية زى السيف مش بس بالمدرسين كمان احنا كنا بنساعدهم كنا مفعلين دور اتحاد الطلبة واى مشكلة تحصل فى الفصل بنحاول نحلها كلنا اما حاليا فمدرسين الموسيقى فى نفس المدرسة دى بقوا يدرسوا حساب ومدرسين الالعاب بيدوا عربى والطلبة مافيش حد قادر عليهم ةالمدرسة بقت تسد النفس وده لان مافيش اهتمام بالنشاط عايزة رايكوا فى موضوع الانشطة على ماابقى اتكلم فى موضوع المناهج مرة تانية

فعلا لكن المهم هتتغير ازاى وايه الوسائل اللى ممكن نغير بيها وشكرا لمرورك

ايه رايكم فى تاثير المناهج فى مصر على نفسية الطلبة هل بتاهله انه يكون بالفعل عنده شخصية قوية تبنى مجتمع بتعلمه ازاى يتصرف صح بتعرفه ازاى يتغلب على اى صعوبات تقف فى طريق النجاح بتعرفه ازاى يتعامل مع المواقف المختلفة بتربى جواه شخص معتدل غير معقد نفسيا بتفهمه صح طبيعة العلاقة بينه وبين باقى الناس بتعلمه معنى الانتماءبتعوده يستخدم عقله؟