|
مين مبدأش ف دليل التقويم لسه؟!
السلام عليكم
يا جماعة يا تري في حد فاشل زيي لسه مبدأش ف دليل التقويم وعاوز يبدأ؟ اصل انا عاوزة احله بس مكسلة محتاجه حد يشجعني أو ينافسنييي هل من ملبي؟؟؟؟؟؟؟؟؟؟ |
هههههههههههههههههههههههههه فاشل ليه مش لازم التقويم المهم الجدعنة
|
haythooma
اقتباس:
|
افادكم الله
ده انا حتي بقول انا مكسلة بأمانة شجعتوني وبعدين امتحانات ايه بعد الشر عليا انا مش بحل امتحانات غير ف رياضة 2 وبسسس والسنة الي فاتت حليت من سيربرايز ودليل التقويم وستيودنت بوك و الوورك بوك وجبت 24.5 من غير ما ايدي تتمد ف امتحان وحاليا انا ف مرحلة السيربرايز بس بخلص فيه اهو خلاص يا جماعة انا هبدأ فيه لوحدي شكراااا الله المستعان |
انا ممكن اشجعك بس في مشكلة بسيييييييطة اوي
اني مرحلة اولى ههههههه منتظريش حد وشجعي نفسك بنفسك لان لما تجيبي مجموع حلو وحش فانتي بتجيبيه لنفسك وبعدين اعتبري انه في حد بينافسك فعلا ( شخص وهمي يعني ) بجد لو كنت مرحلة تانية كنت حشجعك |
على فكره انا من رايى ان النماذج مش كلها مهم احنا نكتفى بالترجمه والريريت وانا ممكن اشجعك لانى لسه فضلى شويه فى السربريز هخلصهم الاول
|
تشكر والله
بس انت لو محلتوش لسه فابدأه معايا عاادي ايه يعني مرحلة اولي؟ المنافسه غالبا هتكون ع الكم القضية ف اني احط الموضوع ف دماغي ده لو حصل هتبقي المذاكرة تمام لكن المشكلة ف ان الدنيا مملة والجو حر والتكييف بيجيب هوا سخن والدنيا متنيلة ع عينها والكتب مرصوصة قدامي اكوام اكوام خاصة كتاب الفيزيا الظريف ده.. ده مرجع مش كتاب عادي ما علينا شكرا ليك ع مرورك وشد حيلك تانية لو انجزت فيها هتريح ف تالته ولو تهاونت فيها هتنضغط ف تالته والوقت لسه ف صالحككك يلا سلام |
اوك ميرو وانا هستناكي
هبدأ في الدليل من بكره باذن الله وربنا يسهل بصي انا هحل اساسي الاختيار والريريت والستوري والترجمة الباقي بقي مش مهم اوي يعني ف وقتك الفاضي كل 10 ديالوج خدي واحد وكده بس بردو نحاول نجمع اكبر قدر مستطاع منه وربنا معاكي يا قمر ومعانا كلنا |
اوك بس ممكن تخليها من السبت عشان انا الجمعه عندى امتحان فيزياء تجريبى على كله
وانت عارفها انها سوبر ماده مش ماده عاديه والحق اكون خلصت سربريز |
علي فكره انا جربت حكاية المذاكره ع ياهو او هوت مع بناب اصحابي بس غالبا بيبقي في رغي اكتر من المذاكره
احلي حاجه الواحد يعمل موضوع ثابت لاي حد عاوز يشارك معانا ملحوظه : بتجيلي رسايل خاصة مش عارفه ارد عليها علشان لازم اعدي ال 50 مشاركة الأولل |
ماشي ميرو نبدأ السبت ان شاء الله ومتقلقيش هنخلصه بسرعه مش هياخد وقت بإذن الله
وركزي دلوقتي ف الفيزيا وربنا معاكي ويوفقك ان شاء الله :) |
طيب انا معاكم في الموضوع ده وبارضوا بالكم زي ما قولتي
بس بجد حتكون بايخة على المنتدى جدا انتوا مش لازم تحلوا مع بعض وانتوا قاعدين اون لاين لكن ممكن تراجعوا مع بعض يعني مثلا خلصتوا اول 5 وحدات اختيار تقوموا داخلين مع بعض وتراجعوا الحلول واحد كذا اتنين كذا كده يعني ولا ايه؟؟؟ |
اوك انا موافقه بس اكيد مش هعرف احط الميل كده يعنى هبعته فى رساله خاصه
ماشى |
بس حطي مشاركة كمان في الموضوع علشان تجيبي الخمسين مشاركة علشان تقدري تبعتي رسايل خاصة الاول
|
انا صعب اعمل الموضوع بتاع الميل ده بجد
وبعدين انا داخلة من موبايل مش بي سي وانسب حاجه ليا الموضوع يبقي ف المنتدي عامتن هبقي آخد ايميلات البنات الي حابه ده وهحاول انزل بروجرام هوتميل جديد علشان حذفته اصله كان بيهنجلي الموبايل ما علينا ايا كانت الطريقه فخيرر اننا هنساعد بعض ونرفع من روح بعض ف المذاكرة :) |
| جميع الأوقات بتوقيت GMT +2. الساعة الآن 07:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.